২০২১গী ফেব্রুৱারী ০৩দা য়েলহনকাদা লৈরিবা এয়র ফোর্স স্তেসনদা এয়র স্তাফকী চীফশিংগী কনক্লেব হৌদোকখ্রে৷ লৈবাক ২৪ হেনবগী এয়র স্তাফকী চীফশিং(সি.এ.এস.)না কনক্লেব অসি ফিজিকেল্লী ওইনা অমসুং ১৬না ভর্চুযেল্লী ওইনা শরুক য়াখি৷ “সেক্যুরিতী অমসুং স্তেবিলিতীগীদমক এরোস্পেস পৱার শিজিন্নবা” অসিনা নুমিৎ নিনিগী থৌরম অসিগী থীম ওইরি৷

স্তেত-ওফ-দি-আর্ত ৱেপনরীগা লোইননা ইন্দিয়ন এয়র ফোর্স্তা (আই.এ.এফ.) লাইত কোম্বেৎ এয়রক্রাফত(এল.সি.এ.) মাই পাক্না ওপরেসন তৌখিবা অমসুং শিজিন্নখিবা অসিবু খুদম অমা ওইনা পল্লদুনা দিফেন্স অমসুং এরোস্পেস ইন্দস্ত্রীদা ভারতসু মালেম অসিগী মমিং লৈরবা লৈবাকশিং অসিগী মনুংদা চল্লি হায়বা অসি উৎথোক্নবা এরো ইন্দিয়া ২০২১ অসিনা হোৎনৈ হায়না রক্সা মন্ত্রী রাজনাথ সিংহনা মহাক্কী ৱারোলদা ফোংদোকখ্রে৷ এয়রক্রাফত অসিগী কা হেন্না তৌবা ঙম্বা অসিনা মালেম অসিদা লৈরিবা এভিয়েসনগী এক্সপর্তশিং অসিবু পুক্নিং শুমহৎপা ঙমখ্রে হায়না শ্রী রাজনাথ সিংহনা ফোংদোকখ্রে৷

এল.সি.এ. এম.কে.-১এ অসি লৈবাক অসিমক্না দিজাইন তৌজবা, শেমজবা অমসুং পুথোকচবনি অমসুং মসিনা লৈবাক অসিগী “মেক ইন ইন্দিয়া” ইনিসিয়েতিব অসি হেন্না মপাঙ্গল লৈহল্লগনি হায়না রক্সা মন্ত্রী অসিনা ফোংদোকখ্রে৷ এম.সি.এ. অসি শেম্নবা হোৎনবদা ইন্দিজিনিয়র্স দিজাইন অমসুং প্রদক্সন এজেন্সী ৫০০রোম শরুক য়াখি হায়না মহাক্না ফোংদোকখ্রে৷ ইন্দিজিনিয়র্স দিফেন্স ইন্দস্ত্রী অসিগী মাই পাকপগী ৱারি অসি পল্লদুনা দিফেন্স রিসর্চ অমসুং দিভেলপমেন্ত ওর্গনাইজেসন্না(দি.আর.দি.ও.) শুপ্নতগী থা অমগা মখায়গী মনুংদা তোঙান তোঙানবা মরমগী অমসুং তোঙান তোঙানবা রেঙ্গতা মিসাইল মখল ১২ চাংয়েং তৌখিবা অসিদা মহাক্না দি.আর.দি.ও.বু থাগৎখ্রে৷

মফম অসিদা নেত সেক্যুরিতী মরাং কাইনা পীবগী থৌদাং অদু ভারতনা লৌবা ঙমগনি হায়বগী থাজবা অদু শ্রী রাজনাথ সিংহনা ফোংদোকখ্রে অমসুং রিজন অসিদা শান্তি অমসুং রিজনেল স্তেবিলিতী থম্বদা এয়র পৱার অসিনা লেপ্পা লৈতনা য়াম্না মরু ওইবা থৌদাং লৌরগনি হায়না ফোংদোকখ্রে৷ ২০১৮গী শনগ্রিলা দাইলোগতা ইতিহাসিক ওইরবা মওং অমদা প্রধান মন্ত্রী শ্রী নরেন্দ্র মোদীনা ফোংদোকখিবা ৱাফম অদু নিংশিংলদুনা শ্রী রাজনাথ সিংহনা অসুম্না ফোংদোকখ্রে, ইন্দো পেসিফিক রিজনদা শান্তি অমসুং সেক্যুরিতী লৈহনবগা লোইনা লোইননা মীওইবগী ওইবা মতেং পীনবা অমসুং দিজাস্তর রিলিফকীদমক ভারতকী আর্ম ফোর্সশিং অসিগী থৌদাং অদু প্রধান মন্ত্রী অসিনা ময়েক শেংনা ফোংদোকখ্রে৷

ইন্দিয়ন ওসিন রিজনদা ভারতকী আই.এ.এফ.কী অখন্ননা তৌবা ঙম্বা অসিনা হ্যুমেনিতরিয়ন এইদ অমসুং দিজাস্তর রিলিফ(ঐচ.এ.দি.আর.) মিসনশিং পাংথোকপদা য়াম্না মরু ওইবা থৌদাং লৌবা ঙমহল্লি হায়না রক্সা মন্ত্রী অসিনা মখাতানা ফোংদোকখ্রে৷ হৌখিবা চহী মঙা অসিদা ভারতনা কন্তিঞ্জেন্সী ১০০ হেন্না থেংনখি অমসুং মসিগী মতম অসিদা অৱাবা তারবা মীওই ৪৪,০০০ মতেং পাংদুনা সোর্তী ৬,০০০ হেন্না ইভাক্যুত তৌখ্রে হায়না মহাক্না পনখ্রে৷ এক্সপর্তাইজতা মতেং পাংনবা অমসুং কেপাবিলিতী ব্লিদিংদা মতেং পাংবা অসিদা মীৎয়েং থমদুনা য়ুমলোন্নরিবা লৈবাকশিং অসিগা লোইননা ঐচ.এ.দি.আর. কোওপরেসন অমসুং কোর্দিনেসন হেন্না পীননবা ভারতনা লেপ্পা লৈতনা চাং নাইনা এক্সর্সাইজশিং পাংথোক্তুনা লাক্লি হায়না মহাক্না ফোংদোকখ্রে৷

ৱার্ফেয়রগী হোংলক্লিবা মওং মতৌ অসি পল্লদুনা এয়র স্তাফকী চীফনা অসুম্না ফোংদোকখ্রে, অনৌবা তেক্নোলোজী থোক্লকপা অমসুং ফিজিকেল, দিজিতেল অমসুং কোগনিতিব দোমেনশিং ক্রোস লিঙ্কিং তৌরকপা অসিনা লান্থেংনবগী মওং অসি হেন্না লুশিল্লে৷ রাজ্যশিং অমসুং নন-স্তেত এক্তরশিং অসিদা অহোংবা মমলদা অমসুং য়াম্না লাইনা তেক্নোলোজীশিং ফংহল্লকপা অসিনা মখোয়শিং অসিবু হেন্না শাথিহল্লকপা অমসুং চান্নদবা ইফেক্ত কয়া অমা থোকহল্লকপা য়াবগী ফিভম অদু লৈহল্লি হায়না মহাক্না ফোংদোকখ্রে৷ হায়রিবা দিভেলপমেন্তশিং অসি আই.এ.এফ.না য়াম্না কুপ্না য়েংশিল্লি অমসুং অনমেন অমসুং ওপ্সনেল্লী মেন প্লেতফোর্মশিং, মেন অনমেন তিমিং অমসুং এন্তি দ্রোন তেক্নোলোজীগী কেপাবিলিতীশিং অসি য়াম্না কন্না শিজিন্নরি হায়না মহাক্না ফোংদোকখ্রে৷ মোদর্ন ৱার্ফেয়রগীদমক স্পেস্তা বেজ তৌবা তেক্নোলোজীশিং শিজিন্নবা হেনগৎলক্লিবা অমসুং দিজিতেল গ্রেত গেমদা সোফতৱেয়রগী তৌবা ঙম্বা অমসুং কান্নবা অদু মহাক্না পনখ্রে৷ দিফেন্স স্তাফকী চীফ জেনেরেল বিপিন রৱতসু কনক্লেব অসিদা শরুক য়াখি৷

                                                                                     ******

(Release ID: 1695041) Visitor Counter : 88