কিসান রেল প্রোজেক্কী মখাদা, মখাগী লম্বীশিং অসিদা রেলৱেজনা কিসান রেলশিং চেল্লে:

১. দেবলালি/শঙ্গোলা(মহারাস্ত্রা)দগী দানাপুর/মুজাফারপুর(বিহার)

২. অনন্তপুর(অন্ধ্র প্রদেস)দগী অদর্স নাগর(নিউ দিল্লি)

৩. য়েসৱান্তপুর(কর্নাতাকা)দগী হাজরাত নিজামুদ্দিন(দিল্লি)

৪. ৱারুদ/নাগপুর(মহারস্ত্রা)দগী অদর্স নাগর(নিউ দিল্লি)

৫. ছিন্দৱারা(মৈধ্য প্রদেস)দগী হাওরা(নোংচুপ বঙ্গাল)

৬. শঙ্গোলা(মহারাস্ত্রা)দগী হাওরা(নোংচুপ বঙ্গাল)

৭. শঙ্গোলা(মহারাস্ত্রা)দগী সালিমার(নোংচুপ বঙ্গাল)

৮. ইন্দোর(মৈধ্য প্রদেস)দগী নিউ গুৱাহাতি(অসাম)

৯. রাতলাম(মৈধ্য প্রদেস)দগী নিউ গুৱাহাতি(অসাম)

১০. ইন্দোর(মৈধ্য প্রদেস)দগী অগরতালা(ত্রিপুরা)

১১. জলান্ধর(পঞ্জাব)দগী জিরানিয়া(ত্রিপুরা)

১২. নগরসোল(মহারাস্ত্রা)দগী নিউ গুৱাহাতি(অসাম)

১৩. নগরসোল(মহারাস্ত্রা)দগী চিতপুর(নোংচুপ বঙ্গাল)

১৪. নগরসোল(মহারাস্ত্রা)দগী নিউ জলপাইগুরি(অসাম)

১৫. নগরসোল(মহারাস্ত্রা)দগী নৌগাচিয়া(বিহার)

১৬. নগরসোল(মহারাস্ত্রা)দগী ফাতুহা(বিহার)

১৭. নগরসোল(মহারাস্ত্রা)দগী বাইহাতা(অসাম); অমসুং

১৮. নগরসোল(মহারাস্ত্রা)দগী মালদা তাউন(নোংচুপ বঙ্গাল)

হৌজিক ফাওবগী ওইনা পি.পি.পিগী খুৎথাংদা কিসান রেল অমতা চেন্দ্রি।

অগস্ত ৭,২০২০দগী অহানবা কিসান রেল হৌদোকপদগী অমসুং জনুৱারি ২২,২০২১ ফাওবগী মনুংদা ভারত রেলৱেজনা কিসান রেল ১৫৭ চেল্লে অমসুং ইন্সাং-নাপীশিং অমসুং উহৈ-ৱাহৈশিং য়াওনা য়াম্না পৎকনবা পোৎলম তন লিশিং ৫০ রোম পুখ্রে।

এগ্রিকলচর অমসুং ফার্মরস ৱেলফিয়ার মিনিস্ত্রি অমসুং রাজ্য সরকারশিংগী এগ্রিকলচর/এনিমেল হসবেন্দরি/ফিসরিস দিপার্তমেন্তশিংগা ৱা তান্দুনা মনা-মশিং, উহৈ-ৱাহৈশিং অমসুং অতোপ্পা য়াম্না পৎকনবা পোৎথোকশিং পুথোক-পুশিন তৌবদা কান্নগদবা লম্বীশিং মশক খঙদোক্লে। শেন-থুমগী থবকশিংদা কান্নবা ফংনবা মতম মতমগী ওইনা হায়রিবা পোৎথোকশিং অসি ফংবদা য়ুম্ফম ওইরগা য়েংশিনবগী থবক পাংথোকপনি। কিসান রেলশিংদা পুগদবা পোৎথোকশিং পর্সেস তরিফকী ‘পি’ স্কেলদা বুক তৌরে। “ওপরেসন গ্রিনস” স্কিমগী মখাদা কিসান রেলদা মনা-মশিং অমসুং উহৈ-ৱাহৈশিং পুবগী ভারাগী চাদা ৫০ ফুদ প্রোসেসিং ইন্দস্ত্রি মিনিস্ত্রিনা পুথোক্কনি।

থবক অসিগীদমক হৌজিক ফাওবা রিফ্রিজেরেতেদ পর্সেস ভেন নত্রগা রিফর রেল কন্তেন্নর লৈদ্রি। অদুবু নাসিক, শিঙ্গুর, নিউ অজাদপুর, রাজা কা তালব/বরানসী, ঘজিপুর অমসুং ফাতুয়াদা অইং-অশা ফজনা থম্বা ঙম্বা কার্গো সেন্তরশিং লৈরে। মসিগী মথক্তা দাদ্রিদা ইনলেন্দ কন্তেন্নর দিপোত্তা কোল্দ স্তোরেজ রিফর পার্ক শেমগৎলে অমসুং সোনিপতকী রাইদা কোল্দ স্তোরেজগী খুদোংচাবা শেমগৎলে।

চীঞ্জাক পুথোক-পুশিনগী থবক হেনগৎহন্নবা, মখা তাবা ওর্দরশিং থোক্ত্রি ফাওবা রেলৱেজনা চানবা পোৎলমশিংদা লৌবা বিউজি সিসন সরচার্জ লৌদ্রে। এপ্রিল ১, ২০১৫দগী হৌনা চীঞ্জাক পুনবা ফ্রৈদশিং লেংদনা থম্লে। হায়রিবা থবকশিং অসিগী মহৈ ওইনা ২০১-২০২০দা এপ্রিলদগী দিশেম্বর ফাওবদা চীঞ্জাক মিল্লিন তন ২৭.৬৯ পুরম্বদগী ২০২০-২০২১দা মিল্লিয়ন তন ৫০.৪৭ পুখ্রে। মতম চানা রেকশিং ফংহন্নবা, চীঞ্জাক পুনবা রেক পীবগী থবক ‘দি’ কাংলুপতগী ‘বি’ কাংলুপতা থাংগৎলে।  

ৱাফম অসি ঙসি লোক সভাদা হংলকপা ৱাহং অমা অইবা ওইনা পীবা পাউখুম অমদা রেলৱেজ, কমর্স অমসুং ইন্দস্ত্রি অমসুং কঞ্জুমর এফেয়ার্স, ফুদ অমসুং পব্লিক দিস্ত্রিবুসনগী মিনিস্তর শ্রী পিয়ুস গোয়ালনা ফোঙদোকখিবনি।

******

(Release ID: 1695031) Visitor Counter : 137