তোঙান-তোঙানবা রাজ্যশিংদা লৈরিবা ভারত রেলৱেজগী নেতৱার্ক অসি শেমগৎপগী থবক অসিগীদমক রেলৱেজ প্রোজেকশিং অসি রাজ্যশিং/লমদমগী ওইনা পায়খৎপা নত্তে, জোনেল রেলৱেজগী ওইনা পায়খৎপনি। শেন্দোং ফংগদবা, রেল য়ৌদ্রিবা মফমশিং য়ৌহনবা, অতোপ্পা লম্বী শেমগৎপা, অচিনবা লম্বীশিং হেন্না ফগৎহনবা, খুন্নাই অমসুং শেন-থুমগী ফিবমশিং অসিদা য়ুম্ফম ওইরগা রেলৱেজ প্রোজেকশিং পায়খৎনবা অয়াবা পীবনি।

এপ্রিল ১, ২০২০ ফাওবগী মনুংদা অসাম অমসুং অৱাং-নোংপোক লমদমদা লুপা কোতি ৭৫,৭৯৫ চঙনা কিলোমিতর ২,০০৮ শাংবা প্রোজেক ১৯(অনৌবা লাইন ১৩ অমসুং দব্লিং ৬)পায়খৎতুনা হৌজিক তোঙান-তোঙানবা তাঙ্ককশিংদা লৈরি। মখোয়গী মনুংদা য়াওরিবশিংদি :

১. লুপা কোতি ৫৭,৭৭৪ চঙনা কিলোমিতর ১১৭৮ শাংবা অনৌবা লাইন প্রোজেক ১৩গী মনুংদা কিলোমিতর ২৫৩ থবক হৌরে অমসুং মার্চ ২০২০ ফাওবগদা লুপা কোতি ২০,১৫৭ চাদিং তৌখ্রে।

২. লুপা কোতি ১৮,০২১ চঙবনা কিলোমিতর ৮৩০ শাংবা দব্লিং প্রোজেক ৬ পায়খৎপগী মনুংদা কিলোমিতর ৯গী দব্লিং থবক হৌরে অমসুং মার্চ ২০২০ ফাওবগী মনুংদা লুপা কোতি ১৮৬১ চাদিং তৌখ্রে।

অৱাং-নোংপোক্কী চীংগী শরুকশিংদা রেলৱেজগী শেমগৎ-শাগৎপগী থবকশিং য়াংনা পায়খৎনবা ভারত রেলৱেজনা মিৎয়েং চঙলি।

উত্তরখান্দ রাজ্যদা লুপা কোতি ১৮,৯০১ চঙনা কিলোমিতর ২৩ শাংবা রেলৱেজ প্রোজেক ৪(অনৌবা লাইন ৩ অমসুং দব্লিং ১) হৌজিক তোঙান-তোঙানবা তাঙ্ককশিংদা লৈরে। মখোয়গী মনুংদা য়াওরি:

১. লুপা কোতি ১৮,৫৫৪ চঙনা কিলোমিতর ২১৬গী অনৌবা লাইন প্রোজেক ৩ পায়খৎপদা কিলোমিতর ৬ থবক হৌরে অমসুং মার্চ ২০২০ ফাওবদা লুপা কোতি ২,২৭৫ চাদিং তৌখ্রে।

২. জনুৱারি,২০২১দা লুপা কোতি ৩৪৭ চঙনা কিলোমিতর ২৭ শাংবা দব্লিং প্রোজেক ১ অয়াবা পীখ্রে।  

হৌজিক লাদাখতা রেলৱেজ প্রোজেক অমতা পায়খৎপা লৈতে।

রেলৱেজ প্রোজেক অমা লোইশিনবা অসি তোঙান-তোঙানবা মরমশিং হায়বদি রাজ্য সরকারনা লম লৌশিনবা, ফোরেস্ত দিপার্তমেন্তনা উমংগী অয়াবা পীবা, লৈনুং অমসুং কংফালদা লৈরম্বা য়ুম-কৈ কয়া হোংদোকপা, তোঙান-তোঙানবা ওথোরিতিশিংদগী অয়াবা লৌবা, মফম অমগী লম্মিৎ-তুমিৎকী ফিবম, প্রোজেক মফমগী লো অমসুং ওর্দরগী ফিবম অমসুং নোং-চিংগী ফিবমশিংনা মরম ওইদুনা চহি অমদা থবক শুবা য়াবা থা মশিংগী মখা য়াম্না পোল্লি। অসিগুম্বা ফিবম অসি হৌজিক পায়খৎলিবা প্রোজেকশিং লোইশিনবগী মফম পীবা ঙমদে অমসুং প্রোজেকশিং অথুবা মতমদা লোইশিন্নবা থবক পায়খৎলি।

ফন্দশিং রাজ্যশিং ওইনা য়েংলগা পীবা নত্তে। জোনগী ওইনা পায়খৎলিবা প্রোজেকশিংগী অচঙবা শেনফম, চাদিং তৌখিবা, বজেতকী শেনফমশিং ভারত রেলৱেজগী ৱেবসাইত (www.indianrailways.gov.in >Ministry of Railways >Railway Board >About Indian Railways >Railway Board Directorates >Finance(Budget) >Railway wise Works Machinery & Rolling Stock Programme) অসিদগী অকুপ্পা মরোলশিং ফংগনি।

ৱাফম অসি ঙসি লোক সভাদা হংলকপা ৱাহং অমা অইবা ওইনা পীবা পাউখুম অমদা রেলৱেজ, কমর্স অমসুং ইন্দস্ত্রি অমসুং কঞ্জুমর এফেয়ার্স, ফুদ অমসুং পব্লিক দিস্ত্রিবুসনগী মিনিস্তর শ্রী পিয়ুস গোয়ালনা ফোঙদোকখিবনি।

****

(Release ID: 1695027) Visitor Counter : 115