পেসেঞ্জর অমসুং পোৎ-চৈ পুবগী থবক হেন্না ফগৎনবা অমসুং চৎথোক-চৎশিনদা রেলৱেজগী চাকথুং হেন্না ফংনবা নেতৱার্ক পাকথোক-চাউথোক্নবা, থবক হেনগৎনবা, ফ্রৈদ তর্মিনেলশিং শেমগৎনবা, স্তেসন শেমগৎনবা, রোল্লিং স্তোক ইন্দক্সন অমসুং অতোপ্পা শেমগৎ-শাগৎপগী থবকশিংগীদমক ২০৩০ ফাওবদা ভারত রেলৱেজদা লুপা কোতি লাখ ৫০ থাদবা দরকার ওইরি হায়না পানরি।

শেন থাদবদা লৈরিবা অৱাৎপশিং মেনখৎনবা অমসুং অনৌবা তেক্নোলোজিশিং শীজিন্নদুনা থবক ফজনা পাংথোকপা হেনগৎহন্নবা, তোঙান-তোঙানবা থবকশিং হায়বদি নেতৱার্ক চাউথোকহনবা, পেসেঞ্জরশিং নুংঙাইনবা অখন্নবা লম্বীশিংদা পেসেঞ্জর ত্রেনশিং চেন্নবা অনৌবা রেকশিং হাপচিন্নবা পব্লিক প্রাইভেদ পার্তনরশিপ(পিপিপি) মোদেল শীজিন্ননবা ভারত রেলৱেজনা থৌরাং তৌরে। অদুবু ত্রেনশিং চেনবা অমসুং অশোই-অঙাম থোকহন্দনবা থৌদাং মখা তানা ভারত রেলৱেজনা লৌগনি। হৌজিক ফাওবগী ওইনা, পি.পি.পি নমুনাদা ক্লস্তর ১২দা ত্রেন ১২০দা অনৌবা পেসেঞ্জর রেকশিং হাপচিন্নবা থৌরাং তৌরে।

পি.পি.পি ওইনা ত্রেনশিং চেনবা মতমদা, লনাই কাংবুনা থাদখিবা শেনফমশিং হঞ্জিনবা ঙম্নবা রেভিনিউ খোমগৎনবা অমসুং হৌলেজ চার্জশিং পীনবা অমসুং ভারত রেলৱেজগা রেভিনিউ য়েন্ননবা থবকশিং থৌরাং তৌরে।

ৱাফম অসি ঙসি লোক সভাদা হংলকপা ৱাহং অমা অইবা ওইনা পীবা পাউখুম অমদা রেলৱেজ, কমর্স অমসুং ইন্দস্ত্রি অমসুং কঞ্জুমর এফেয়ার্স, ফুদ অমসুং পব্লিক দিস্ত্রিবুসনগী মিনিস্তর শ্রী পিয়ুস গোয়ালনা ফোঙদোকখিবনি।

*****

(Release ID: 1694954) Visitor Counter : 139