এভিয়েসন ইন্দস্ত্রীগী তৌবা ঙম্বা অদু উৎথোক্নবা নুমিৎ হুমনিগী মেগা ইভেন্ত এরো ইন্দিয়া ২০২১ বেঙ্গলুরুদা হয়েংদগী হৌরগনি৷ এসিয়াগী প্রিমিয়র এয়র শো অসিগীদমক রক্সা মন্ত্রীনা থৌরম মপু ওইদুনা ফমখিবা কর্তেন রাইজর প্রেজ কনফরেন্স অদু ফেব্রুৱারীগী তাং ২দা পাংথোকখ্রে৷ ২০২১গী এরো ইন্দিয়া অসি ইকাই খুম্নরবা রক্সা মন্ত্রী রাজনাথ সিংহনা হৌদোক্লগনি অমসুং হৌদোকপগী থৌরম অসিদা য়েলহনকা এয়র ফোর্স স্তেসনদা ফ্লাইং দিস্প্লে অমা উৎলগনি৷ থৌরম অসিদা শ্রী রাজনাথ সিংহবু কর্নতকাগী মুখ্য মন্ত্রী বি.এস. য়েদিয়ুরপ্পানা উক্লগনি৷

ইকাই খুম্নরবা প্রধান মন্ত্রীগী অত্মনির্ভর ভারত অসিনা পুক্নিং থৌগৎলদুনা ফ্লাইং দিস্প্লে অসিনা ফোর্মেসনশিংদা পাইদুনা এরোস্পেস সেক্তরদা লৈরিবা ভারতকী কত্তিং এদজ তেক্নোলোজী অমসুং তৌবা ঙম্বশিং অদু উৎলগনি৷ কোবিদ-১৯ লাইচৎ অসিনা চেলেঞ্জ কয়া অমা পীরবসু হন্দক চহী অসিগী এরো ইন্দিয়া ২০২১ পাংথোক্লগনি৷ অসিগুম্বা চেলেঞ্জশিং অসি লৈরবসু চহী অনি খুদিংগী পাংথোকপা অসিগুম্বা থৌরম অসি শিনবগীদমক ওর্গনাইজেসন অসিবু শ্রী রাজনাথ সিংহনা থাগৎখ্রে৷ মহাক্না ইকাই খুম্নরবা প্রধান মন্ত্রী শ্রী নরেন্দ্র মোদীগী মংলান অত্মনির্ভর ভারতপু থাগৎখ্রে অমসুং দিফেন্স মন্ত্রালয় অসিনা ঐখোয়গী আর্ম ফোর্সশিং অসিগী তঙাই ফদবা অৱাৎপশিং অসি মেনশিন্নবা খক্তা নত্তনা ঐখোয়গী মরুপ মপাং ওইরিবা মপান লমগী লৈবাকশিং অসিদা দিফেন্স ইক্যুইপমেন্তশিং থাদোক্তুনা ভারত অসি দিফেন্স এক্সপোর্তর অমা ওইহন্নবা লৈবাক অসিদা লৈরিবা দিফেন্স ইক্যুইপমেন্তশিং অসিবু শারিবা দোমেস্তিক মেন্যুফেকচরিং অসিদা লেপ্পা লৈতনা থৌনা পীরি৷ হায়রিবা ৱাখল্লোন অসিগী মতুং ইন্না ঐচ.এ.এল.দা লুপা কোতি ৪৮,০০০গী অচৌবা কন্ত্রেক অসি পীরিবনি হায়না মহাক্না ফোংদোকখ্রে৷

তেক্নোলোজিকেলদা বেজ তৌবা অমসুং এভিয়েসন অসিগা মরী লৈননা ইন্দিস্ত্রী লিদরশিং য়াওশিল্লকপা অসিনা বেঙ্গলুরু অমসুং এরো ইন্দিয়া ২০২১গী মরক্তা লৈরিবা মরী অদু হেন্না চেৎশিনহল্লগনি৷ থৌরম অসিনা ভারত অমসুং মালেম অসিগী ইন্দস্ত্রী লিদরশিং, ভিজনরীশিং, কেন্দ্র অমসুং রাজ্য এদমিনিস্ত্রেতরশিং অসিগী মরক্তা কোলোবোরেসন অমসুং কোওপরেসন তৌবগী খুদোংচাবশিং অদু ফংহল্লগনি৷

২০১৪দগী হৌদুনা ভারতনা শেমজ শাজরিবা দিফেন্স ইক্যুইপমেন্ত অসি মালেম অসিগী ব্যুজিনেস কম্মযুনিতী অসিনা পাম্বগী রেস্পোন্স লাক্তুনা লৈবাক অসিগী দিফেন্স মেনুফেকচরিং অসি হেন্না হেন্না ইনখৎনবা সরকার অসিনা পোলিসী রিফোর্মশিং পুথোকখ্রে হায়না শ্রী রাজনাথ সিংহনা ফোংদোকখ্রে৷ হৌজিক্কী মতম অসিদা ভারত অসি থাজবা য়াবা দিফেন্স ইনবেস্মেন্তগী পন্থুংফম অমনি হায়বা অসি মালেম অসিনা মশক খঙবা হৌরক্লে হায়না মহাক্না মখাতানা ফোংদোকখ্রে৷ এরো ইন্দিয়া অসিনা লৈবাক অসিদা শাজবা পোৎ-চৈশিং য়োকখৎনবা মীৎয়েং থম্লিবা প্রধান মন্ত্রীগী মংলান অত্মনির্ভর ভারত অসিদা হেন্না শাফু পীরগনি হায়না রক্সা মন্ত্রী অসিনা ফোংদোকখ্রে৷

এগজিবিতর ৫৪০ হেনবনা মখোয় মখোয়গী দিফেন্স মেনুফেকচরিং অদু উৎলগনি হায়না রক্সা মন্ত্রী অসিনা ফোংদোকখ্রে৷ থৌরম অসিনা মালেম অসিগী দিফেন্স ইন্দিস্ত্রী  অসিগা ভারতকা পুন্না চৎমিন্ননবগী লম্বী অদু পীবদা মতেং পাংলগনি৷ কোবিদ-১৯ লাইনা-লাইচৎ অসিনা পীরিবা চৈথেং অমসুং অৱাংথংবা ঙমখৈদা ভারততা শাফু পীরিবা সেক্যুরিতী চেলেঞ্জ অসি লৈনা লৈনা হন্দক্কী মতম অসিদা এরো ইন্দিয়া পাংথোকপা অসি য়াম্না অরাইবা অমদি নত্তে হায়না মহাক্না মখাতানা ফোংদোকখ্রে৷

লোইশিল্লকগী ৱারোলদা হন্দক্কী লুরবা মতম অসিদা অসিগুম্বা থৌরম অসি মাই পাক্না শিন্নবা হোৎনরিবা স্তেকহোল্দর পুম্নমকপু রক্সা মন্ত্রা শ্রী রাজনাথ সিংহনা থাগৎখ্রে৷ দিফেন্স প্রদক্তসন দিপার্তমেন্তগী ওফিসিয়েলশিং, আর্ম ফোর্সেস অমসুং ওর্গনাইজিং কম্মিতী অসিনা অৱাবা কয়া অমা খাঙদুনা হোৎনখিবা অসিগীদমক মহাক্না ইকাই খুম্নবগা লোইননা থাগৎপা ফোংদোকখ্রে৷

এরো ইন্দায়া অসি অতোপ্পা চহী অমগা বেঙ্গলুরু শহর অসিদা পাংথোক্কদৌরিবা অসি কর্নতকাগী মীয়াম মরু ওইনা বেঙ্গলুরুগী মীয়াম অসিগী ওইনা য়াম্না চাওথোকচনিংঙাই ওইরবা থৌদোক অমনি হায়না মুখ্য মন্ত্রী বি.এস. য়েদিয়ুরপ্পানা ফোংদোকখ্রে৷  হিন্দুস্তান এরোনোতিক্স লিমিতেদনা লাইত কোম্বেৎ এয়রক্রাফত “ তেজাস” ব্যুজিনেস দিল ফংখিবা অসি রাদ্য অসিগী ওইনদি য়াম্না চাওথোকচনিংঙাই ওইরবা থৌদোক অমসু ওইরি হায়না মহাক্না ফোংদোকখ্রে৷

হন্দক্কী অসিনা এরো ইন্দিয়া অসি চহী ২৫ মপুং ফারে অমসুং  থৌরম অসিগী ১৩শুবা ইদিসন ওই৷ ফেব্রুৱারী ৫দা পাংথোক্কদৌরিবা এরো ইন্দিয়া ২০২১ অসিদা ইকাই খুম্নরবা ভারতকী রাস্ত্রপতিনা শরুক য়ারগনি৷ এরো ইন্দিয়া ২০২১গী হৌদোকপগী থৌরম অসিদা ইন্দস্ত্রী এসোসিয়েসনশিং অসিনা শ্রী রাজনাথ সিংহবু ওক্লগনি৷ ইকাই খুম্নরবা কর্নতকাগী দিপুতী মুখ্য মন্ত্রী দা. অস্বথনরায়ন সি.এন., ইকাই খুম্নরবা কর্নতকাগী ইন্দস্ত্রী মন্ত্রী শ্রী জগদিশ শেত্তর, দিফেন্স প্রদক্সন দিপার্তমেন্তগী সেক্রেতরী শ্রী রাজ কুমার, দি.আর.দি.ও.গী সেক্রেতরী দা. জি. সাথীশ রেদ্দী, কর্নতকাগী চীফ সেক্রেতরী কপিল মোহন অমসুং দিফেন্স মন্ত্রালয়, কর্নতকা সরকার, হিন্দু্স্তান এরোনোতিক্স লিমিতেদ অমসুং তোঙান তোঙানবা ইন্দস্ত্রী এসোসিয়েসনশিং অসিগী সেনিয়র ওফিসিয়েলশিংনা থৌরম অসিদা শরুক য়াখি৷

*****

(রিলিজ আই.দি.: 1694650) ভিজিতর কাউন্তর : 140