সরকারনা তেক্সতাইল ইন্দস্ত্রীবু মালেমগী থাক্তা চাংদম্নবা ঙমহন্নবা, অচৌবা শেল থাদ্রক্নবা পুক্নিং চীংশিন্নবা, এক্সপোর্ত লৈহন্নবা অমসুং থবক পীবা ঙম্নবগীদমক্তা মেগা ইনভেস্তমেন্ত তেক্সতাইল পার্ক (মিত্রা)গী স্কিম অমা লাউথোকখ্রে। পার্লিয়ামেন্ততা ঙসি কেন্দ্রগী বজেৎ ২০২১-২২ লান্থোক্লদুনা, কেন্দ্রগী শেল-থুম অমসুং কোর্পোরেৎ এফিয়র্সকী মন্ত্রী, শ্রীমতি নিরমলা সিতারমন্না মসিগী থৌওং অসিনা মীরমদা পোত্থোক থাদোকপদা খ্বাইদগী মাংজিন থাবা ওইহনবা ঙম্নবা প্লগ অমসুং প্লেগী খুদোংচাবা লৈবা মালেমগী থাক্কী ইনফ্রাস্ত্রকচর শেমগনি হায়না হায়খি। মিত্রা অসি প্রদক্সন লিঙ্ক ইন্সেন্তিব (পি.এল.আই.)কা লোয়ননা লোঞ্চ তৌগনি।

মেগা ইনভেস্তমেন্ত তেক্সতাইল পার্ককী মতাংদা ৱাফম ফোংদোক্লদুনা, কেন্দ্রগী তেক্সতাইল অমসুং নুপী অঙাংগী য়াই-য়ুম্বাল মন্ত্রী, শ্রীমতি স্মৃতী জুবিন ইরানীনা মহাক্কী ত্বীৎ অমদা অসুম্না হায়খি, “ (মিত্রা) অসি ভারতকী তেক্সতাইল ইন্দস্ত্রীগী ওইনা অচৌবা অহোংবা পুরকপা থৌওং ওইরগনি। প্রদক্সন লিঙ্ক ইন্সেন্তিব (পি.এল.আই.) স্কিমগা লোয়ননা, মিত্রানা শেল থাদবা হেনগৎহনবা অমসুং থবক্কী অহেনবা খুদোংচাবা কয়া পুরক্কনি”।

মহাক্কী অতোপ্পা ত্বীৎ অমদা মহাক্না অসুম্না হায়খি, “মিত্রাগী খুত্থাংদা হৌজিক্কী মতমগা চান্নবা খ্বাইদগী ফবা ইনফ্রাস্ত্রকচরদা মিৎয়েং চঙবা অসিনা ঐখোয়গী লৈবাক্কী মনুংদা লৈজরিবা পোত্থোক পুথোকপা মীওইশিংদা মালেমগী তেক্সতাইল মার্কেত্তা চাংয়েংনবা ঙম্নবা মান্নবা খুদোংচাবা অমস পীদুনা হীরম খুদিংমক্তা ভারতনা মালেমগী এক্সপোর্তকী মাংজিল থাবা শান্নরোই অমা ওইহন্নবা লম্বীসু য়াৎলগনি”।

পোত্থোক শাবদা চঙবা অহিঙবা পোৎলমদগী হৌদুনা মীওইবনা শাবা ফিরোল ফাওবদা লৈরিবা দ্যুতীবু কোম্থোকপগী তঙাই ফদবা লৈরিবা অসিগী মতাংদা পল্লদুনা, শেল-থুম মন্ত্রীনা নাইলোন চেনবু পোলীস্তর অমসুং অতোপ্পা মীওইবনা শাবা ফাইবরশিংদা মান্ননা পুরক্লগনি হায়না লাউথোকখি। কেপ্রোলেক্তম, নাইলোন চীপ অমসুং নাইলোন ফাইবর অমসুং য়ার্নদা লৈরিবা বি.সি.সি.গী মমলবু ৫% ফাওবা চাং নাইন হন্থহনবগী মতাংদা লাউথোক্লদুনা, মন্ত্রীনা মসিগী খোঙথাং অসিনা তেক্সতাইল ইন্দস্ত্রী, এম.এস.এম.ই. অমসুং এক্সপোর্তশিংদা তেংবাংগনি হায়না পনখি।

********