(তীম এম.সি.ভি.না মতিক-মগুন উৎলিঙৈগী মরক্তা)

মীয়াম্বু তংদু লৈতানা লৈহন্নবা মীয়াম ঙাক-শেনবগী মথৌ তৌরিবা পেরামিলিতরী ফোর্সতা তেংবাংনবা মতমগা চান্নবা তেক্নিকেল ওইবা ঙাক্লৌ পীবা; মখোয়দা থাক ৱাংবা থৌওং শিন্নবা অমসুং মদুগী ত্রেন তৌবগী মিৎয়েং মখাদা সি.এস.আই.আর.না সি.আর.পি.এফ., আই.জি. (আর.এফ.)কী লুচিং মখাদা মখোয়না য়ারবা মীওইশিংদা মোব কন্ত্রোল ভেহিকল (এম.সি.ভি.)গী কাংলুপ্তা চনবা ‘কম্পেক্ত মেদিয়ম হেভী’ কাংলুপকী অনৌবা গারী মখল অহুমগী মতিক-মগুন উৎখ্রে। মসিগী উৎপগী থৌওং অসি গুরুগ্রামদা লৈবা সি.আর.পি.এফ. গ্রুপ সেন্তরগী পেরেদ গ্রাউন্দদা হন্দক্তা মাই পাক্না পাংথোকখিবনি। মসিগী খুৎলায়শিং অসি ভারত্তা মরোমদোম শাজবা অহানবা মখলগী খুৎলায়শিংনি।

এম.সি.ভি.শিং অসি সি.এস.আই.আর.গী মখাদা থবক তৌবা লেবোরেতরী অমা ওইরিবা দুর্গাপুরদা লৈবা ‘সেন্ত্রেল মেকানিকেল ইঞ্জিন্যারিং রিসর্চ ইন্সতিত্যুৎ’ (সি.এম.ই.আর.আই.)না শেম-শাদুনা মসিগী মতিক-মগুন উৎখিবনি অমসুং মসিনা লৈবাক অসিদা মরোমদোম শাজবগী ইহৌ অমসু পুরকপা হৌরক্লি। মসিগী এম.সি.ভি. প্রোতোতাইপ অসিগী অরুম্বা কাংলুপ্তা লৈবা গারী অসিনা তোন ৭.৫গী অরুম্বা পুবা ঙম্মি। অদুগা মসিগী মেদিয়মগী কাংলুপ্তা লৈবা গারীশিং অসিনা তোন ২.৫গী অরুম্বা পুবা ঙম্মি অমসুং মসিগী কম্পেক্তকী কাংলুপকী গারী অসিনা ত্রেক্তরদা য়ুম্ফম ওইদুনা মমাই লৈথোক-লৈশিন তৌবদা নুঙাইবা ওইহল্লি। মসিগী তঙাই ফদবশিং অমসুং কাঙলোনশিং অসি তোঙান-তোঙানবা স্তেকহোলদরশিংনা থৌওং অসিদা য়াওদুনা শেমগৎখিবনি।

প্রোতোতাইপ অসিদা তোঙান-তোঙানবা মথৌ চেনবা পোৎলমশিং পুন্সিন্দুনা গারীগী কাঙলুপ শেম্বনি অমসুং মীয়াম লাকশিনবদা তঙাই ফদবগী মতুং ইন্না হাপ্পনি। মসিগী তৌবা ঙম্বশিংগী খুদম খরদি মমাং থাংগৎপা য়াবা, ঙাকথোক্নবা মমাংগী মাইখুম লেংথোক-লেংশিন য়াবা, মাইকৈ খুদীংদগী ইরিতেন্ত স্প্রে কাপ্পগী পথাপ, কোঙ্গোন কাপ্নবা পথাপ অমসুং তিয়ার স্মোক কাপ্পগী পথাপ য়াওরি।
অতোপ্পা তৌবা ঙম্বশিংদি কেবিন প্রেসরাইজেসন সীস্তেম, মতিক চাবা ইলেক্ত্রোনিক ভিজন সীস্তেম য়াওবা হন্দোক-হঞ্জিন তৌবা য়াবা তিয়ার গ্যাস কাপ্পগী পথাপ, ৱাইদ এঙ্গল সর্ভেলিএন্স, মলতি ভিদিও ত্রান্সমিসন সীস্তেম, জি.পি.এস. ত্রেক্কর অমসুং জি.পি.এস. নেভিগেতরনি। মসিগী শেম-শাবগী মওং অসিনা মখা তানা পুথোরক্কদৌরিবা পোত্থোকশিংদা লায়না অমসুং অথুবা মতমদা শেমদোকপা য়াবগী কান্নবা পীরি। মসিগী পুথোক্কদৌরিবা মখলশিং অসিদি শিজিন্নগদৌরিবা মীওইশিংনা মীয়াম লাকশিনবগী থৌওংশিংদা হেন্না নীংথিনা থবক তৌবা ঙম্বগী মতিক্কী মতুং ইনবা তঙাই ফদবগী মতুং ইন্না অমসুং মথৌ তৌবা ঙম্বগী মতুং ইন্না শেম-শাগনি। সি.আর.পি.এফ.কী আই.জি. (আর.এ.এফ.)কী মথক্তা দি.আই.জি. আর.এ.এফ., কম্মান্দেন্ত আর.এ.এফ., দি.আই.জি. বি.এস.এফ., দাইরেক্তর ও.দি.সি. ভি.ঐচ.এফ., ২-১/সি. অসম রাইফল্স, দি.সি. সি.আই.এস.এফ., দি.সি. আই.তি.বি.পি., দি.সি. এস.এস.বি., তি. কম্মান্দর এন.এস.জি., এস.এস.পি. জে.কে.পি.এস., হরিয়ানা পুলসিকী দি.সি.পি.শিং, দি.আই.জি. কম্মান্দেন্ত অমসুং মহারাস্ত্রা পুলিসকী দি.সি.পি., সি.এস.আই.আর.-সি.এম.ই.আর.আই. অমসুং সি.এস.আই.আর. ঐচ.ক্যু.গী সাইন্তিস্ত, তেক্নিকেল অমসুং সেনিয়র ওফিসিএলশিংসু থৌরম অসিদা শরুক য়াখি।

 (ত্রেক্তরদা য়ুম্ফম ওইবা এম.সি.ভি.না মথৌ পাংথোক্লিঙৈ)

 (কম্পেক্ত মেদিয়ম কাংলুপকী গারীনা মথৌ পাংথোক্লিঙৈ)

 (অরুম্বা কাংলুপকী গারীনা মথৌ পাংথোক্লিঙৈ)

******