ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয়গী নেস্নেল ইনফোর্মেতিক্স সেন্তর(এন.আই.সি.)গী মখাদা লৈরিবা পব্লিক সেক্তর এন্তর্প্রাইজ অমা  ওইরিবা নেস্নেল ইনফোর্মেতিক্স সেন্তর সর্ভিসেস লিংখৎখিবা চহী ২৫ মপুং ফারকপগী থৌরম অসি পাংথোকখ্রে৷ কম্ম্যুনিকেসন্স, ইলেক্ত্রেনিক্স অমসুং ইনফোর্মেসন তেক্নোলোজী অমসুং লো অমসুং জস্তিস্কী কেন্দ্রগী মন্ত্রী শ্রী রবি শঙ্কর প্রসাদনা থৌরম মপু ওইনা শরুক য়াখি৷ ইকাই খুম্নরবা মীওইশিং (মৈতী) সেক্রেতরী শ্রী অজে সোহনে, (মৈতী) স্পিসিয়েল সেক্রেতরী অমসুং ফাইনান্সিয়েল এদভাইজর শ্রীমতি জ্যোতি অরোরা, (মৈতী) এদিস্নেল সেক্রেতরী অমসুং এন.আই.সি.এস.আই.গী চিয়রমেন  দা. রাজেন্দ্র কুমার, নেস্নেল ইনফোর্মেসন সেন্তর(এন.আই.সি.)গী দাইরেক্তর জেনেরেল দা. মীতা ভর্ম, তেক্ত মহিন্দ্র ইন্দিয়াগী সি.ই.ও. স্রী সি.পি. গুর্বানি, নাস্কোমগী প্রসিদেন্ত শ্রীমতি দেবজানি ঘোশ অমসুং এন.আই.সি.এস.আই.গী মেনেজিং দাইরেক্তর শ্রী প্রশান্ত কুমার মিত্তলনা সিল্ভর জুবিলি থৌরম অসিদা শরুক য়াখি৷

থৌরম অসিদা ৱা ঙাংলদুনা শ্রী রবি শঙ্কর প্রসাদনা অসুম্না ফোংদোকখ্রে, “তেক্নোলোজী অসিনা থবক খুদিংমক তৌবা ঙমহল্লি, হেন্না লাইথোকহল্লি৷ দিজিতেল ইন্দিয়া অসি তেক্নোলোজিগী শক্তি শিজিন্নদুনা ভারত মচাশিং অসিদা হেন্না কান্নবা পীনবা ইহৌ অমনি৷ মসিনা দিজদিতেল দিবাইদ অদু অমগা অমগা শম্নহল্লি অমসুং দিজিতেল ইনক্লুজন পুরকই৷”

মহাক্না মখাতনা অসুম্না ফোংদোকখ্রে, “ইন্দিয়ন এন্তর্প্রিনরশিং, সরকার অসিনা অমসুং প্রাইভেৎ সেক্তর অসিনা পুথোক্লিবা লো-কোস্ত তেক্নোলোজীগী ইহৌ অসিনা মরম ওইদুনা কোরোনা লাইনা অসি লান্থেংনবদা ঐখোয়না ভারততা ভেক্সিন শাজবা ঙমগদৌরিবনি৷ ভারততা ৫জি শাবা অসিনা ঐখোয়গী পান্দম ওইগদবনি অমসুং এন.আই.সি.এস.আই.গী চহী ২৫ মপুং ফারকপগী পাংথোক্লিবা থৌরম অসিগা মরী লৈননা এন.আই.সি.এস.আই. অমসুং অতোপ্পা ওপরেতরশিং য়াওনা প্রাইভেৎ সেক্তর পুম্নমক্না হেন্না গ্যান তান্নবা অমসুং আই.তি. তেক্নোলোজীগী থোক্লক্লিবা কাউন্তরশিং অসি শিজিন্ননবা অমসুং ইন্নোভেৎ তৌনবা ঐনা হায়রি৷ ঐনা ভারত অসি দাতা ইকোনোমী অমা ওইনা মালেম অসিদা খ্বাইদগী মাংজিল তানা চৎলিবা লৈবাক অমা ওইনা উই অমসুং এন.আই.সি.এস.আই.না য়াম্না মরু ওইবা থৌদাং লৌরগনি৷ অফ্রিকান লৈবাক কয়া অমনা দিজিতেল ইন্দিয়া অমসুং লো-কোস্ত তেক্নোলোজিকেল সোল্যুসনশিং অসিগী মতাংদা কা হেন্না কুপথনা খঙবা পাম্লি৷”

মফম অমহেক্তদগী থবক তৌবা য়াবা, ই-ওক্সন ইন্দিয়া, তেজাস-ভিজুয়েল ইন্তিলিজেন্স তুল অমা অমসুং এন.আই.সি. প্রদক্ত পোর্তফোলিয়ো: থৌরম অসিদা কেন্দ্রগী মন্ত্রী শ্রী রবি শঙ্কর প্রসাদনা পুথোকখ্রে অমসুং এন.আই.সি.এস.আই.গী সিল্ভর জুবিলী ই বোঞ্চর অদু পুথোকখ্রে:

১. তেজাস – এন.আই.সি. অমসুং এন.আই.সি.এস.আই.(সি.ই.দি.এ.)না পুন্না খুৎশম্নদুনা শেম্লিবা ভিজুয়েল ইন্তিলিজেন্স তুল অসি ওপন সোর্চ তেক্নোলোজিশিং শিজিন্নদুনা ইন-হাউস্তা মপুং ওইনা শেম্বনি৷ তুল অসি কেন্দ্রগী অমসুং রাজ্যগী তোঙান তোঙানবা লেভেলশিং অসিদা সরকারগী দিপার্তমেন্তশিং অসিনা মরু ওইনা শিজিন্নরগনি৷ মসিনা ওফিসিয়েলশিং অসিনা এনালাইতিকেল রিপোর্তশিং শেম্বদা অমসুং দাতা অদু হেন্না চুম্না নৈননবা অমসুং স্মার্ত ভিজ্যুলাইজেসনশিং তৌবদা স্তেত-ওফ-দি-আর্ত অমসুং অফবা দাতা এনালাইসিস ফংহল্লগনি৷

২. ই-ওক্সন ইন্দিয়া –মসিনা সরকারগী দিপার্তমেন্তশিং অমসুং ওর্গনাইজেসনশিং অসিগী রিভর্স ওক্সনগী অৱাৎপশিং অমসুং ইলেক্ত্রোনিক্সশিং ফংহল্লি৷ মসিনা ক্লারিফিকেসনশিং, দোকুমেন্তশিং লেম্না ওক্সন তৌবা য়াহন্দুনা, অফবা এনবাইরোনমেন্ত অমদগী, ইন্দস্ত্রী স্তেন্দর্দ ওপন তেক্নোলোজিশিং শিজিন্নদুনা, মফম অমা হেক্তদগী ২৪ x৭ বেসিস্তা ক্বোতশিং ওনলাইনদা পীশিনবা য়াহন্দুনা বিদ্দরশিং অসিগী মরক্তা অমগা অমগা য়েংথিনহন্দনবা অমসুং হেন্না ময়েক শেংনা থবকশিং পাংথোক্নবা পান্দম থম্লি৷

৩. ৱার্ক ফ্রোম এনিৱেয়র পোর্তেল – দবল্যু.এ.দবল্যু(ৱার্ক ফ্রোম এনিৱেয়র) পোর্তেল অসিনা মরু ওইবা এপ্লিকেসনশিং য়াম্না লাইনা সরকারগী এমপ্লোইয়ীশিং অসিদা ফংহল্লগনি৷ দবল্যু.এ.দবল্যু. পোর্তেল অসি কোর ৱার্কপ্লেস এক্সপরিয়েন্স অসিগী মতুং ইন্না শেম্মী অমসুং মসিবু শিজিন্নরিবা মীওইশিং অসিনা হোংলক্লিবা অহোংবশিং অসিদা য়াম্না লাইনা চুশিন্নবা ঙম্নবা এনবাইরোনমেন্ত অমা শেম্মী৷ দবল্যু.এ.দবল্যু. পোর্তেলনা ফংহল্লিবা ভর্চুয়েল ৱার্ক এনবাইরোনমেন্ত অসিনা এমপ্লোইয়ীশিং অসিনা মরু ওইবা রিসোর্চশিংগা লোইননা ওর্গনাইজেসনগী এপ্লিকেসনশিং অমসুং দাতা অদু শিজিন্নবা য়াহল্লি অমসুং মহাক্কা থবক তৌমিন্নবা ওফিসিয়েলশিং অসি পাউ ফাওদোক ফাওজিন তৌবা য়াহল্লি৷

৪. প্রদক্তাইজ সোফতৱেয়র এপ্লিকেসনশিং মালেমগী থাক্তা পুখৎতুনা দিজিতেল ইন্দিয়া অসি হেন্না পাকথোক চাওথোকহন্নবা ইন্তরনেস্নেল ওফরিংগীদমক এন.আই.সি. প্রদক্ত পোর্তফোলিয়ো৷ মনুং চল্লিবা প্রদক্ত ওফরিংশিং অদুদি,

i) ইওফিস – দিজিতেল ৱার্কপ্লেস সোল্যুসন; ii) জি.ই.পি.এন.আই.সি. – গভর্মেন্ত ইপ্রোক্যোর্মেন্ত সিস্তেম; iii) সর্ভিস প্লস – ইন্তিগ্রেতেদ ইসর্ভিস দেলিভরী ফ্রেমৱার্ক অমা; iv) ই-হোস্পিতাল – হেল্থকেয়র সর্ভিস দেলিভরী লাইথোকহনবা; v) ভুনক্সা – কেদেস্ত্রেল মেপ্পিংগী সোল্যুসন অমা; vi) ইপ্রিজন্স – প্রিজন মেনেজমেন্তগী আই.তি. সোল্যুসন; vii) ইকোর্তশিং – জস্তিস দেলিভরী সিস্তেম অমা; viii) দর্পন – গভর্মেন্ত দেশবোর্দ প্লেতফোর্ম৷

*****