দুর্গাপুরগী সি.এস.আই.আর.-সি.এম.ই.আর.আই. অমসুং এহমদাবাদকী এম.এস.এম.ই.-দি.আই.না খুৎশম্নদুনা শিনবা ‘এম.এস.এম.ই.শিংগীদমক ঈশিং শেংদোকপগী তেক্নোলোজীশিং’ হায়বা ৱেবিনার অসি হৌদোকপা মতমদা , এহমদাবাদকী এম.এস.এম.ই.-দি.আই.গী দাইরেক্তর, শ্রী কে.ঐচ. শাহানা হায়খি, “ ওর্গনাইজেশন অসিনা হৌখিবা চহি খরা অসিদা ঈশিংবু য়াম্না হোংনা অমসুং কান্নবা মওংদা শেংদোক্নবগী ওইবা তেক্নোলোজীশিং লেপ্তনা পুথোরক্লি অমসুং এম.এস.এম.ই. কম্যুনিতীশিংগী মরক্তা অসিগী অপাম্বা অমসুং খংনিংবসু পোকহল্লি।” মহাক্না  সি.এস.আই.আর.-সি.এম.ই.আর.আই.গুম্বা তেক্নোলোজিগী মরমদা মাংজিল থারিবা ইন্সতিত্যুশনশিংগী হেন্দোক থোয়দোক্লবা অনৌবা তেক্নোলোজীশিংবু লাইনা ফংবা ঙম্নবগীদমক লমদম অদুগী এম.এস.এম.ই.শিংনা মথৌ তাবদা খুৎশম্ননা থবক পাংথোক্নবা অমসুং মতেং পাংগনি হায়না মহাক্না বিজনেসকী কম্যুনিতীদা থাজবা পীরকখি।

 

 

দুর্গাপুরগী, সি.এস.আই.আর.-সি.এম.ই.আর.আই.গী দাইরেক্তর প্রোফেসর, (দা.) হরিস হিরানিনা চীফ স্পিকর ওইনা ৱা ঙাংবদা হায়খি, "ভারতকী মীশিংগী চাদা ৬০দি লৌউ-শিংউবনা মরু ওইবা শিনফম ওই। মরম অদুনা লৌউ-শিংউবদা চংবা মরু ওইবা পোৎশক অমা ওইবনা ঈশিং অসিনা য়াম্না চাউবা থৌদাং অমা লৌরিবনি। সি.এস.আই.আর.-সি.এম.ই.আর.আই.না গ্রীন ৱাতর প্যুরিফিকেশন/ ত্রীতমেন্ত ইনোভেশনশিং অসি মহৌশাগা য়েংনরুবদা দিসেন্ত্রেলাইজ ওইজরবসু মসিবু  চাউখৎনবা হোৎনবদা মপুং ওইনা মীৎয়েং থম্লি অমসুং মসিগী কান্নবসু উবা ফংলি। মসিগী ঈশিং শেংদোকপগী তেক্নোলোজীশিং অসি লেপ্পা লৈতনা য়াম্না য়াংনা পাকশন্না মসিগী প্যুরিফিকেশন প্রোফাইল অদু শন্দোরকপদা নত্তনা মসিগী ইনর্জী সুফিসিয়েন্ত ওইবা মগুন অদু হেনগৎহল্লি। অনৌবা মখলগী বায়োলোজিকেল-কেমিকেল-ফিজিকেল ফিলত্রেশন মীদিয়া অসিসু য়াম্না লাইনা ফংবা অমসুং লমদম অসিদা ফংবা পোৎলম্নি। মসিগী তেক্নোলোজীশিং অসি  অতৈ –অতোপ্পগা য়াম্না মরী লৈনৈ অমসুং মসিনা মল্তি-স্তেজ ফিলত্রেশনগী কেরেক্তরিস্তিকশিং লেপ্তনা হাপচিল্লি। ভারতকী ৫৪%না য়াম্না অৱাংবা থাক্তা ঈশিংগী অৱাবা মায়োক্নবনা অমসুং ঈশিং ফংদবনা মরম ওইরগা মিলিয়ন ১০০গী মথক্কী পুন্সিদা অৱাবা কয়া মায়োক্নরি। সি.এম.আর.আই.গী তেক্নোলোজীশিং অসিগী খুত্থাংদা ঈশিং শেংদোকপদা চংবা মমল অদু লিতর অমদা পৈশা ১দগীনা পৈশা ১০ ফাওবা ওই অমসুং মসিগী লমসিদা হেন্দোক থোয়দোক্না চাউখৎলকপগী মমি লৈ। ঈশিং শেংদোকপদা চংবা মমল অসি মসিগী মমাংদা লৈরম্বা তেক্নোলোজীশিং অদুগা চাংদম্নবদা চাউরাক্না শরুক ১/১০ ওই। সি.এম.ই.আর.আই- সি.এম.ই.আর.আই.না পুথোকপা ঈশিং শেংদোকপগী তেক্নোলোজীশিং অসি হৌজিক ফাওবদা বিজনেস তৌবা কাংলুপ ৫৬দা খুৎশিন্নখ্রে। মসিগী তেক্নোলোজীশিং অসি এম.এস.এম.ই.গী পার্তনরশিংদগী  ঙমখৈ লৈতনা থাগৎনরক্লি অমসুং ময়াম্না থাগৎলকপগী মতুং ইন্না মখোয়না তেক্নোলোজী অসি শিজিন্নদুনা মিলিয়ন অমদগী হেনবা মীওইশিংগী পুন্সিদা অহোংবা পোরকখ্রে অমসুং মসিনা শেল য়াম্না তিংদনা অমসুং য়াম্না ফবা মওংদা ঈশিং শেংবগী লম্বি অমা পীরি। ৱার্ল্দ বেঙ্ক, ন্যু দিবেলপমেন্ত বেঙ্ক, এশিয়ন দিবেলপমেন্ত বেঙ্কনচিংবা কয়াদগী মতেং ওইনা ঈশিং শেংদোকপগী / ত্রীতমেন্তকী অমসুং ফ্লদ মেনেজমেন্তকীদমক চাউরবা শেনফম কাইথদুনা লৈরি অমসুং মসিবু এম.এস.এম.ই.শিংনা নীংথিজনা খ্বাইদগী হেন্না ফগদবা মওংদা লৌথোকপগী মথৌ তাই।"

খঙজিনগদবা অমনা সি.এস.আই.আর.-সি.এম.ই.আর.আই.না পুথোকপা মেকানাইজ দ্রেন ক্লীনিং সীস্তেম অসিনা ফুন্দুনা লৈবা দ্রেনশিংগী খ্বাইদগী ফবা অমসুং খুদক্কী ওইনা শেংদোকপগীদমক্তা  সেল্ফ-প্রোপেলিং নোজল অমসুং রোবোত অমসুং মোবাইল ফিলত্রেসন য়ুনিত শিজিন্নরি। হন্দক্তা পুথোক্লিবা এফ্লুএন্ত ত্রিতমেন্ত প্লান্ত অসিদা লৌউ-শিংউগী শিজিন্নবগীদমক্তা সি.এম.ই.আর. রেসিদেন্সিয়েল কোলোনীদগী থাদোরকপা ফত্তবা ঈশিংশিং অদুবু রিসাইকল তৌবা অনৌবা মখলগী মল্তি-লেয়র ফিলত্রেশন সীস্তেম য়াওরি। সি.এস.আই.আর.-সি.এম.ই.আর.আই.না অথাপ্পা মফমশিংদা য়াম্না লায়না পানবা য়াবা সোলার ইনর্জীনা মথৌ পাংথোকপা য়াম্না ৱাংবা ফ্লো-রেত লৈবা আর্সেনিক রিমুভেল ফিল্তর অমসু শেমখ্রে।

অতোপ্পা ৱাঙাংলোইশিং অদুগী মরক্তা এহমদাবাদকী আই.ই.দি.এস., এম.এস.এম.ই.-দি.আই.গী দিপ্যুতী দাইরেক্তর, শ্রী পি.এন. সোলঙ্কীসু য়াওখি। মহাক্না এম.এস.এম.ই.শিংদা সি.এস.আই.আর.-সি.এম.ই.আর.আই.না লৈবাক অসিদা ঈশিংগী অৱাবা থেংনরিবশিং অসিবু কোকহন্নবা হোৎনরিবশিং অসিবু শৌগৎপীনবা অমসুং থৱায় য়াওনা মতেং পাংনবা হায়খি। শ্রী সোলঙ্কীনা হায়খি গুজরাত্তা ইন্দস্ত্রীদগী থোক্লকপা ফত্তবা ঈশিং মোৎহল্লিবশিংবু সি.এস.আই.আর.-সি.এম.ই.আর.আই.গী ঈশিং শেংদোক্নবগী তেক্নোলোজীশিং অসি  এম.এস.এম.ই.শিংনা শিজিন্নদুনা  ঈশিং নুংশিৎকী ফিভম ফগৎহনবদা খুৎশম্নদুনা থবক তৌবা য়াগনি।

*****

(Release ID: 1692590) Visitor Counter : 91