ভারত সরকারগী আর.সি.এস.-য়ু.দি.এ.এন. (রীজনেল কন্নেক্তিভিতী স্কিম – উরে দেশ কা আম নাগ্রিক)গী মখাদা নাশিক (মহারাস্ত্রা) অমসুং বেলগাউম (কর্নাতকা)গী মরক্কী অহানবা দাইরেক্ত ফ্লাইৎ পায়বগী থবক ঙসিদগী হৌদোকখ্রে। মসিগী রুৎ অসিদা থবক তৌবা হৌবসিনা বেলগাউম্বু ভারত পুম্বগী শহর ১০গা নোংথক্কী লম্বীদা শম্নহনখ্রে। বেলগাউম এয়র্পোর্ত অসি বেঙ্গালোর অমসুং মেঙ্গালোরগী মথংদা রাজ্যসিগী ত্রাফিক্কী মতুং ইন্না খ্বাইদগী অহুমশুবা মী চিনবা এয়র্পোর্তনি। ঙসিগী ফ্লাইৎ লম্থাবগী থৌরম অসিদা সিভিল এভিএসন মন্ত্রালয় (এম.আই.সি.এ.) অমসুং এয়র্পোর্ত ওথোরিতী ওফ ইন্দিয়া (এ.এ.আই.)গী ওফিসিএলশিংনা শরুক য়াখি। ঙসি ফাওবগী মনুংদা, য়ু.দি.এ.এন. স্কিমগী মখাদা রুৎ ৩১১দা থবক তৌবা হৌখ্রবনি।

পল্লিবা শহর অনিসিগী মরক্তা হকথেংননা পায়বা ফ্লাইৎ/ত্রেন লৈতবনা মরম ওইদুনা রুৎ অসিগী দাইরেক্ত ফ্লাইৎ লৈহন্নবা হায়জরকপা কয়া লাকখি। মীয়াম্না মফম অসিগী মরক্তা চৎনবগীদমক্তা শাংলবা অমসুং ৱারবা পুং ১০ শোরোক্কী খুত্থাংদা চৎনরম্মি। নাশিক অসি লমকোয়বা অমসুং কারবারগী অচৌবা পন্থুংফম অমনি। কুম্ভ মেলা শিনবা লাইনীংফম মরিগী মনুংদা অমা ওইরিবা অমসুং শিরদি সাই তেম্পল অমসুং ত্রিম্বাকেশ্বর তেম্পলগী গেৎৱেসু ওইরিবা শহর অসিনা চহি খুদিংগী লমকোয়ব লাখ কয়াগী পুক্নিং চীংশিল্লি। মসিদগী হেন্দোক্তুনা, ভারতকী ভাইনয়ার্দ অমসুং ৱাইনয়ার্দ অয়াম্বনা শহর অসিদা লৈবনা নাশিক অসিবু ভারতকী অঙ্গুর অমসুং ৱাইনগী কোনুং হায়রগসু খঙনৈ অমসুং কারবারগী খুন্নাইগী মীওইশিংগী পুক্নিংশু চীংশিল্লি। মখা তাবা ওইনা, মীওই অয়াম্বনা মসিগী লম্বী অসি শিজিন্নদুনা কোলহাপুর অমসুং গোৱাদা লমকোয়বা অমসুং কারাবারগীদমক্তা চৎনৈ। হৌজিক্তি, মীয়াম্না ফ্লাইৎ তোংদুনা মিনিৎ ৬০গী মনুংদা য়াম্না নুংঙাইনা চৎপা য়ারগনি।

য়ু.দি.এ.এন. ৩গী বিদ্দিংগী থৌরমদা বেলগাউম-নাশিক রুৎ অসি স্তার এয়রদা পীখি। এয়রলাইন অসিদা য়ু.দি.এ.এন. স্কিমগী মখাদা মীওইশিংনা পুথোকপা ঙম্বা ভরাদা চলায়নবা ভাইএবিলিতী গেপ ফন্দিং (ভি.জি.এফ.)সু পীরি। এয়রলাইন অসিনা চয়োল অমদা অহুম্লক পায়গনি অমসুং মী ৫০ তোংবা য়াবা ইম্ব্রাইর ই.আর.জে.-১৪৫ এয়রক্রাফনা পায়গনি। মসিগী রুৎ অসিনা এয়রলাইন অসিনা য়ু.দি.এ.এন.গী ১৫শুবা রুত্তা থবক হৌবা ওইগনি।

ফ্লাইৎকী সেদ্যুল অসি মখাদা পীরিঃ

***