মধ্য প্রদেশনা তোঙান-তোঙানবা মীয়ামগা মরী লৈনবা লমশিংদা শেমদোকপা কয়া মাই-পাক্না পাংথোকপগীদমক্তা কেপিতেল প্রোজেক্তকীদমক্তা অহেনবা শেনফম ফংবা অহানবা রাজ্য ওইখ্রে। শেল-থুম মন্ত্রালয়গী চাদিং তৌবগী বিভাগনা রাজ্য অসিদা লৈবাক অমা, রেসন কার্দ অমা, কারবার তৌবদা লাইহনবা অমসুং অর্বান লোকেল বোদীশিংগী শেমদোকপগী থবকশিং পাংথোকখিবগী কেপিতেল চাদিংগীদমক্তা লুপা করোর ৬৬০গী অহেনবা শেনফম কায়থখ্রে। রাজ্য অসিনা মরিশুবা শেমদোকপা ওইরিবা, পাৱর সেক্তর রিফোর্মগী শরুক অমসু লোইশিনখ্রে।

চাউরাকপা লুপা করোর ৬৬০গী শেনফমগী ওইগদবা কেপিতেল প্রোজেক্ত খরসু চাদিংগী বিভাগনা অয়াবা পীখ্রে। অয়াবা পীরবা শেনফম অসিগী ৫০% (হায়বদি, লুপা করোর ৩৩০)দি রাজ্য অসিদা অহানবা ইন্সতোলমেন্ত ওইনা অয়াবা পীরবা প্রোজেক্তশিং অসিগী থাদোকখ্রে। মসিগী লুপা করোর ৬৬০গী শেনফম অসি স্কিম অসিগী পার্ত-২গী মখাদা লৈবা কেপিতেল প্রোজেক্তশিংগী হান্ননা অয়াবা পীখ্রবা লুপা করোর ৬৬০গী শেনফম অদুগী মথক্তনি।

 “কেপিতেল প্রোজেক্তশিংগী ওইবা রাজ্যশিংদা শেলগী তেংবাং পীবা স্কিম”গী স্কিম অসি আত্মানির্ভর ভারত পেকেজকী শরুক অমা ওইনা শেল-থুম মন্ত্রীনা ওক্তোবর ১২, ২০২০দা লাউথোকখিবনি। মসিগী স্কিম অসিনা কোবিদ-১৯গী লাইচৎনা মরম ওইদুনা তেক্স খোমজিনবগী চাংদা অৱাৎপা লৈরকখিবদগী শেল-থুমগী ফিভমদা অৱাবা থেংনরিবা রাজ্যশিংগী কেপিতেল এক্সপেন্দিচরদা তেংবাংনবা হায়দুনা হৌদোকখিবনি।

কেপিতেল এক্সপেন্দিচর অসিনা শেন্মিৎলোনগী তুংগী কান্নবগী মতিকপু হেনগৎহন্নবা অৱাংবা মলতিপ্লাইয়র ইফেক্ত লৈ অমসুং মসিনা শেন্মিৎলোন্না শাহৌ লৌবগী চাং য়াম্না ৱাংহল্লি। মরম অদুনা, কেন্দ্র সরকারগী শেল-থুমগী ফিভম অসি নীংথিবা ওইদ্রবসু, শেনবা চহি ২০২০-২১গী ওইনা রাজ্য সরকারশিংদা অখন্নবা তেংবাং পীনবা ৱারেপ লৌখিবনি।

রাজ্য সরকারশিংনা স্কিম অসিবু তরাম্না ওক্নখি। হৌজিক ফাওবগী ওইনা, শেল-থুম মন্ত্রালয়না রাজ্য ২৭কী সরকারশিংনা হৌদোকরকপা কেপিতেল এক্সপেন্দিচরগী শেনফম লুপা করোর ১০,৬৫৭কী অয়াবা পীখ্রে। স্কিম অসিগী মখাদা, অহানবা ইন্সতোলমেন্ত ওইনা লুপা করোর ৫,৩২৮গী শেনফমশিংদি রাজ্যশিংদা পীথোকখ্রে। রাজ্য শিংগী ওইনা কায়থবা, অয়াবা পীখিবা, পীথখিবা শেনফমশিং অসি মখাদা য়াওরি। তমিল নাদুদি স্কিম অসিগী কান্নবা অমত্তা ফংদ্রি।

কেপিতেল এক্সপেন্দিচর প্রোজেক্তশিং অসি হকশেল, খুঙ্গং চাউখৎপা, থক্নবা ঈশিং পীবা, ইরিগেসন, পাৱর, ত্রান্সপোর্ত, এজুকেসন অমসুং অর্বান দিভেলপমেন্তকুম্বা তোঙান-তোঙানবা সেক্তরশিংগী ওইনা অয়াবা পীখিবনি।

স্কিম অসিগী শরুক অহুম লৈ। মসিগী অহানবা শরুক অসিনা অৱাং-নোংপোক অমসুং চিংগী রাজ্যশিংবু কোল্লি। মসিগী মখাদা, অৱাং-নোংপোক্কী রাজ্য ৭ মক্তা (অরুনাচল প্রদেশ, মেঘালয়, মনিপুর, মিজোরম, নাগালেন্দ, সিক্কিম অমসুং ত্রিপুরা) লুপা করোর ২০০ কায়থখ্রে অমসুং চিংগী রাজ্য (হিমাচল প্রদেশ অমসুং উত্তরাখন্দ) অমমমদা লুপা করোর ৪৫০ কায়থখ্রে। মীশিং অমসুং লমগী পাক চাউবা য়েংলদুনা, অসমগী রাজ্যদদি স্কিম অসিগী মখাদা লুপা করোর ৪৫০গী শেনফম কায়থখি।

স্কিম অসিগী অনিশুবা শরুক্না অহানবা শরুক্তা য়াওদবা রাজ্যশিংগীনি। মখোয়গীদমক্তা লুপা করোর ৭,৫০০গী শেনফম খাক্তুনা থম্লি। মসিগী শেনফমশিং অসি রাজ্যশিং অসিদা ইং ২০২০-২১গী ১৫শুবা ফাইনান্স কম্মিসনগী ইন্তেরিম এৱার্দকী মতুং ইন্না মখোয়গী সেন্ত্রেল তেক্সকী শরুক্কী মতুং ইন্না পীথবনি।

স্কিম অসিগী অহুমশুবা শরুক অসিনা রাজ্যশিংদা মীয়ামগা মরী লৈনবা শেমদোকপগী থবকশিংবু খুমাং চাউশিলহন্নবা পান্দম থম্লি। মসিগী মখাদা, লিপা করোর ২০০০গী শেনফম খাক্তুনা থম্লি। মসিগী শেনফম অসি শেল-থুম মন্ত্রালয়না মে ১৭, ২০২০দা থোকখিবা চেরোল  অদুদা পনবা শেমদোকপগী থবক ৪গী মনুংদগী য়ামদ্রবদা ৩ পাংথোকপা রাজ্যশিং খক্তদা পীগদবনি অমসুং মসিগী মতাংদা খ্বাইদগী অঙনবা ওইনা ফেব্রুৱারি ১৫, ২০২১ ফাওবদা নোদেল মন্ত্রালয়গী খুত্থাংদা খঙহল্লক্কদবনি। শেমদোকপা মরি অদুদি- লৈবাক অমা, রেসন কার্দ অমা; কারবার তৌবদা লাইথোকহনবা; অর্বাল লোকেল বোদী/য়ুতিলিতী রিফোর্ম অমসুং পাৱর সেক্তর রিফোর্ম্নি।

***