পানাজি, ২০২১গী জানুৱারী ২৩

“দ দোগ দিন্ত স্লীপ লাস্ত নাইতনা খেন্নবা পুন্সি মরিগী ৱারী লীরি, মখোয়দা ফাওরকপা খেন্নবা, মীওইশিং অসিনা মখোয়গী ওইবা তোঙানবা অৱাবশিং থেংনরিবা অসিগা অমগা-অমগা য়েৎশিন্নবগী ৱারী লীরি । অফবা অমসুং ফত্তবা অনিগী ওইবা ৱারী কয়া অমা ঐখোয়গী মরক্তা লৈরি। ঐহাক্না ৱারী মরি থেংনরি, হায়রিবাশিং অসি ঐহাকনা মুভি অসিদা পুন্না হাপ্লি”। দাইরেক্তর রামিন রাসৌলিনা মহাক্কী আই.এফ.এফ.আই. ৫১ ফিল্মগী মরমদা ৱা ঙাংখি, মহাক্না হায় মদুদি মসি আফগানিস্তানদা থোকপা অশেংবা ৱারীদা য়ুমফম ওইবনি। রাসৌলিনা ঙসি, ২০২১গী জানুৱারী ২৩দা গৌৱাগী, পানাজিদা ৫১শুবা ইন্তর্নেস্নেল ফিল্ম ফেস্তিবেল ওফ ইন্দিয়াদা লৌবা প্রেস কনফরেন্স অমদা ৱা ঙাংখি। ফিল্ম অসি ইন্তর্নেস্নেল কম্পিতিসন কেতগরীদা আই.এফ.এফ.আই ৫১দা ঙরাং মালেমগী ওইনা অহানবা ওইনা উৎখি।   

মিনিত ৯১ শাংবা ফিচর ফিল্ম অসি আফগানিস্তানগী খর চংশিল্লগা লৈবা মফম অমদা নমখিবনি। মসিদা নহা ওইরিবী য়াও শেনবী অমা, উচেক ফাবা নুপামচা অমা অমসুং অৱাবা তারবা ওজা অমা মখোয়গী স্কুল মৈনা চাকখ্রবা মতুংদা থেংনখিবনি। ফিল্ম অসি নহা ওইরিবী য়াও শেনবী অমনা য়ু.এস.কী নুপী লান্মী অমা কন্দুনা মহাক্কী খুঙ্গংদা পুরকখিবা অসিদগী হৌরকখি। মুভি অসি ইরান অমসুংআফগানিস্তান্দা নমখি অমসুং দারি অমসুং ইংলিস লোলদা শেমগৎখি।      

“ইরানিয়ান অমসুং আফগানগা শক্তম লাংবশিংনা প্রোজেক্ত অসিদা পুনখি। মসি ইরান অমসুং আফগানিস্তানগী মরক্তা পুন্না পুথোকপনি, অদুবু অয়াম্বনা এক্তরশিং অসি আফগান ওইরি”। মহাক্না মখা তানা হায় মদুদি: “মুভি অসিগী শরুক খর আফগানিস্তানগী মফমদা নম্বা চান্নদবা মরম্না ইরান্দা নমখি”।

মহাক্না ইন্দিয়ন অমসুং মেলেমগী সিনেমাগী পামজবা হংবদা রামিন্না হায় মদুদি, আফগান্দা লৈরিবা অতৈগুম্না মহাকশু ইন্দিয়ন মুভি অমসুং বোল্লিৱুদকী ইশৈশিং তাদুনা চাওরকই। “শেংনা হায়রবদা, অদোম্না ইরানিয়ানগী চৎনবি অমসুং ইন্দিয়নগী ওইবা মচাক কয়া অমা ঐহাক্কী ফিল্মদা উবা ফংগনি। খুদম অমা পীরদুনা মহাক্না মখা তাখি মদুদি: “মুভি অসিদা, উচেক ফাবা নুপা মচা অসিনা উচেকশিংগা তেঙ্ক অমদা চংজফম লৌবা মতমদা, মহাক্না খোমজিন্দুনা তাবা ইশৈশিংগী মরক্তা বোল্লিৱুদকী ইশৈশিং য়াওরি”।

“ইন্দিয়া অমসুং আফগানিস্তান্না য়াম্না নক্নবা মরী লৈনৈ অমসুং আফগানিস্তান্দা ইন্দিয়াগী চৎনবিগী হৌগৎলকপা শাফু লৈরি” হায়না মহাক্না মখা তাখি।

লায়চৎ মরক অসিদা আই.এফ.এফ.আই.না ফেস্তিবেল অসি শিনবগীদমক থাগৎপা ফোংদোক্লদুনা, দাইরেক্তরনা, হায়রিবা অসিদা মুভি অসিবু আই.এফ.এফ.আই.গী অচৌবা প্রদাদা উবা অসিদা, মহাক্না য়াম্না হরাওনা হায়খি: “মফম অসিদা লাকপা অসি য়াম্না হরাওই; মসি ঐহাক্কী ফিল্ম অসিনা মালেমগী খ্বায়দগী চাওরবা ফেস্তিবেলদা উৎপগী খুদোংচাবা ফংলি।ঐহাক্না ইন্দিয়াবু পাম্মী অমসুং ঐহাক্না মফম অসিদা লাক্লিবা অসি অহানবনি। মফম অসিদা ঐহাক্না নুঙাই”।

দাইরেক্তর রামিন রাসৌলিনা মহাক্কী ফিল্মগী শিনফম অসি ইরান্দগী হৌরকখি অমসুং হৌজিক্না নেদরলেন্দদা লৈরি। মহাক্না সিনেমাদা থৱায় য়াওবা অসি মহাক্না চহি তরামরি শুবদগী ইবা হৌরকখি, অমসুং চহি তরাতরুক্তা মহাক্না মহাক্কী অহানবা ৮এম.এম. ফিল্ম শেম্বা হৌখি। মহাক্না অতেনবা ফিল্ম ১০ অমসুং ফিচর ফিল্ম অনি শেমখ্রে। মহাক্কী অহানবা ফিচর ফিল্ম, লিনা,  ২০১৭দা ফেস্তিবেল সর্ক্যুইত চংখি। দ দোগ দিন্ত স্লীপ লাস্ত নাইত অসি মহাক্কী অনিশুবা ফিচর ফিল্মনি।

***