নেতাজি সুভাস চন্দ্র বোসকী ১২৫শুবা মপোক কুমওন থৌরম পাংথোক্নবা কলচর মিনিস্ত্রিগী মখাদা লৈবা সাউথ সেন্ত্রেল জোন কলচরেল সেন্তর,নাগপুরনা এক ভারত শ্রেস্থ ভারত স্কিমগী মখাদা ঙসি অখন্নবা থৌরম অমা পাংথোকখ্রে। থৌরম অদুদা পেত্রোলিয়ম অমসুং নেচরেল গ্যাসকী য়ুনিয়ন মিনিস্তর শ্রী ধরমেন্দ্র প্রধান নেতাজিগী পোক্নফম লমদম কতক্তা চৎখি অমসুং শক্নাইরবা অথৌবা অসিগী মীতমদা লৈ কত্তুনা ইকায়খুম্নবা উৎখি। থৌরম অদুগী শরুক অমা ওইনা শীনবা কলচরগী থৌরমশিং শ্রী প্রধান শরুক য়াখি।

শ্রী প্রধান্না হায়খি ঐখোয়গী লৈবাক্কী থৌনা ফরবা লুচিংবা অমা, নেতাজি সুভাস চন্দ্র বোসকী পোক্নফম লমদমদা মহাক্কী মফমদা ইকায়খুম্নবা উৎপগী খুদোংচাবা অমা ফংবা অসিদা ঐ চাউথোকচবা ফাওই। নেতাজি খোঙজং অমসুং কৎথোকপশিং তুংগী মীরোলদা খঙহন্নবা চহি অসিদগী হৌনা নেতাজিগী মপোক নুমিৎ অসি পরাক্রম দিৱস হায়না থৌরম পাংথোক্নবা ভারত সরকারনা ৱারেপ লৌরে।

মিনিস্তরনা হায়খি ভারতকী নিংতম ইহৌদা নেতাজিনা মশক্নাইবা থৌদাং অমা লৌখি। নেতাজিগী ৱাহৈশিং ‘ঐঙোন্দা ঈ পীয়ু, ঐনা অদোমগী নিংতম্বা পীগনি’ হায়বা অসিনা মতম অদুগী নহারোলশিংদা মরৈবাক নুংশিবগী ৱাখল্লোল অমা পোকহনখি। নেতাজিগী মরৈবাক নুংশিবা অমসুং থৌনা ফবা হৌজিক মতমগী মীরোলশিংদা ইথিল পীগনি।

ঙসি অয়ুক পুং ১১ তাবদা কলচর মিনিস্ত্রিগী মখাদা লৈবা এক ভারত শ্রেস্থ ভারতনা অখন্নবা কলচরগী থৌরমশিং শীনখি। থৌরম অদুগী শরুক অমা ওইনা নাগপুরদা লৈবা লুপ প্রায়াসনা “বোস” কৌবা লীলা অমা অমসুং মরৈবাক নিংবা ঈশৈশিং অমসুং জগোয়গী থৌরমশিং পাংথোকখি। মসিগা মান্নবা মওংদা, থৌরম অসিগী শরুক অমা ওইনা ওরিয়া  কলাকারশিংনা খুনুং ঈশৈ অমসুং জগোয়গী থৌরমশিং পাংথোকখি। জাতিগী ঈশৈ শক্তুনা থৌরম অদু লোইশিনখি।

*****

 

(Release ID: 1691780) Visitor Counter : 84