نئی دلّی ، 23 جنوری / ویلنٹائن ڈے ہمارے سماج کی ذہنی فلاح و بہبود پر  اثر ڈال رہا ہے ۔ یہ پیغام ‘ دا 14 فروری اینڈ بیؤنڈ ’ میں دیا گیا ہے ، جسے افّی – 51 کے انڈین پنورما  میں غیر فیچر فلم  کے زمرے میں   شامل کیا گیا ہے ۔ ڈائریکٹر اُتپل کلال کے الفاظ میں ‘‘ یہ فلم اس انتہائی  پونجی واد والے دن  کے تجارتی  طرز   کے بارے میں ہے ’’ ۔ وہ 22 جنوری ، 2021 ء کو  بھارت کے 51 ویں بین الاقوامی فلم فیسٹیول ( افّی ) میں ایک پریس کانفرنس سے خطاب کر رہے تھے ۔ اِس سے ایک دن پہلے ، اُن کی فلم کی نمائش کی گئی تھی  ۔

          ڈائریکٹر نے وضاحت کی  کہ اُن کی فلم محبت کے جشن  کے بارے میں  نہیں ہے بلکہ  اِس بات کو ظاہر کرتی ہے کہ کس طرح  کثیر ملکی کمپنیاں  معصوم انسانی ذہنوں کو ورغلا کر  فائدہ اٹھا رہی ہیں ۔  ویلنٹائن ڈے کے مختلف پہلوؤں کو اجاگر کرتے ہوئے ، اِس فلم میں  ، اُن مضمرات کو دکھایا گیا ہے ، جو اِس دن کی وجہ سے سماج میں سرایت کر گئی ہیں ۔ ماہر نفسیات شلپا  اگروال  نے یہ بات  کہی ، جنہوں نے  59 منٹ کی اِس فلم میں کام کیا ہے اور وہ بھی اس پریس کانفرنس میں موجود تھیں ۔

          کلال نے کہا کہ وہ ایک کہانی کے ذریعے  پیغام دینا چاہتے ہیں ۔  ‘‘ جب میں اِس موضوع پر ریسرچ کر رہا تھا تو میں اِسے ایک  صحافت   کے طریقے سے  بیان  نہیں کرنا چاہتا تھا  بلکہ  ایک کہانی کے طور پر پیش کرنا چاہتا تھا ۔ ’’

          اس دستاویزی فلم میں بہت سے دانشور اور  معروف شخصیات  شامل ہیں  ، جیسے ڈاکٹر سدھیر بھاوے  ،  پولیس افسر ڈی ایس پی منجیتا  ونزارا ، وکیل یشما ماتھر  ، امریکی بھارتی مصنف  راجیو ملہوترا  ، دانشور نتیا نند مشرا  اور صحافی  نمیتا سنگھ  نے بھی  فلم میں  کام کیا ہے ۔   فلم کے پیغام کو مزید تقویت دینے کے لئے  امریکہ کے سابق صدور کے پرانے  ویڈیوز  کو بھی استعمال کیا گیا ہے ۔

          افّی  کے بارے میں ڈائریکٹر اتپل کلال نے کہا کہ عالمی وباء کے دوران  اتنے شاندار  فیسٹیول کا انعقاد واقعی بہت  مثبت کام ہے ۔

۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔۔۔ ۔۔۔۔۔۔۔۔

U. No. 736