কোবিদ বেক্সিনেসন দ্রাইভ অসিগী মখাদা ভারত সরকারনা বেক্সিন কাপখ্রবশিংদগী ফীদবেক লৌনবা ইলেক্ত্রোনিক্স অমসুং আই.তি. (এম.ই.আই.তি.ৱাই.)না দেবেলপ তৌবা প্লেৎফোর্ম অমা ওইরিবা ‘রেপিদ এসেসমেন্ত সিস্তেম (আর.এ.এস)’ শীজিন্নরি। আর.এ.এস. প্লেৎফোর্ম শীজিন্ননবা থৌরাং অসিনা বেক্সিনেসন সেন্তর পুম্নমক্তা বেক্সিনেসন প্রোসেস চত্থরিঙৈ মনুংদা কাংলোন পুম্নমক ঙাক্না চৎহনবগা লোইননা প্রজাশিংনা বেক্সিন কাপ্পদা থেংনবা এক্সপরিয়েন্স অদু ফগৎহন্নবা পান্দম থমখি।

ফীদবেক সিস্তেম অসিনা সরকারনা বেক্সিনেসন প্রোসেস অসি হেন্না সিতিজেন-ফ্রেন্দলী ওইহনবদা মতেং পাংগনি। আর.এ.এস. প্লেৎফোর্মনা নুমিৎ ৪নিগী অতেনবা মতমগী মনুংদা বেক্সিন কাপখ্রবা মীওই পুম্নমক্তা এস.এম.এস. লাখ ৬.২রোম থাখ্রে।

বেক্সিনেসনগী এক্সপরিয়েন্সকী ফীদবেক লৌখৎনবা মখাদা পীরিবা প্রোসেস অসি পাইখৎকনি।

নুমিৎ অমদা বেক্সিন কাপখিবশিংগী রেজিস্তর মোবাইল নম্বরশিং অমসুং মখোয়গী মমিংশিং অদু কো-ৱিন প্লেৎফোর্মনা অহিংদা আর.এ.এস. সিস্তেমদা থাই। আর.এ.এস. সিস্তেমনা ফীদবেক্কী ৱাহংশিংগী ওইবা তোপ-তোপ্পা য়ু.আর.এল. অমা শেম্মি অমদি নুমিৎ অদুদা বেনিফিসরী পুম্নমক্তা পর্সনেলাইজ এস.এম.এস.শিং থাই। এস.এম.এস. অদুদা মীওই অদুগী মমিং, দোজ (ফার্স্ত/সেকেন্দ), অমসুং তোপ-তোপ্পা য়ু.আর.এল. য়াওগনি। এস.এম.এস. অসিগী শীজিন্নরিবা সেন্দর আই.দি. অসি “গোবরাস”নি। সেম্পল এস.এম.এস. অমা মখাদা পীরি:

এ.এক্স.-গোবরাস

“নুংশিজরবা এ.বি.সি. অদোম কোবিদ-১৯গী অহানবা দোজ কাপখ্রে। মেসেস অসি কেন্দ্রগী হকশেল অমসুং য়াইফ য়ুম্বাল মন্ত্রালয়দগী অদোমগী কোবিদ-১৯ বেক্সিনেসন অদুগী ফীদবেক লৌনবা থারকপনি। অদোমনা ফীদবেক অদু য়ু.আর.এল. অসিদা নমলগা পীবিবা য়াগনি।”

এস.এম.এস. অসিদা য়াওবা য়ু.আর.এল.দা য়ুজর অমনা নম্বা মতমদা বেক্সিন কাপখ্রবা পুম্নমক্কী কনফর্মেসনগীদমক্তা কো-ৱিন লোগো য়াওবা বেক্সিনেগী তাং অমসুং মফম, দোজ (অহানবা/অনিশুবা) অমসুং মমিংশিং উৎলক্কনি। মিংশিং অদুদগী য়ুজরনা মাগী মমিং কনফর্ম তৌরবা মতুংদা মখাগী ৱাহংশিং অসি হংলক্কনি:

ৱাহং ১. বেক্সিন কাপফমদা  সোসিএল দিস্তেন্সিং ঙাক্না চৎপরা? (চৎলি/চত্তে)

ৱাহং ২. স্তাফনা অদোমদা বেক্সিনেসনগী প্রোসেসকী মতাংদা খঙহনবরা অমসুং বেক্সিন নীংথিজনা কাপ্পরা? (কাপ্পী/কাপতে)

ৱাহং ৩. অদোমদা এদভর্স ইফেক্তস ফোলোৱিং ইম্ম্যুনাইজেসনগী মতাংদা খঙহনবরা? (খঙহল্লি/খঙহনদে)

ৱাহং ৪. অদোম বেক্সিন কাপলবা মতুংদা এদভর্স ইভেন্ত মোনিতর তৌনবা মিনিৎ ৩০ ঙাইনবা খঙহল্লকপরা? (খঙহল্লি/খঙহনদে)

 

ৱাহং ৫. বেক্সিনেসনগী এক্সপরিয়েন্স অসিদা অদোম অপেনবা পোকপরা? (পোকই/পোক্তে)

করিগুম্বা য়ুজর অদুনা এস.এম.এস. থাখিবা অদুগী পুং ২৪গী মনুংদা ফীদবেক পীরক্তবা তারবদি মথক্তা পীরিবা অসিগুম্না ফীদবেক লৌনবা “১৯২১”দগী কোল অমা তৌগনি। কোল অদু অসুম্না তৌগনি:

সিরিএল নম্বর	প্রোম্প নেম	সক্রিপ্ত
১.	দোজ ১/২ (পার্ত ১)গী ৱেলকম প্রোম্প	দিয়র
২.	দোজ ১/২ (পার্ত ২)গী ৱেলকম প্রোম্প	কোল অসি হকশেল অমসুং য়াইফ-য়ুম্বাল মন্ত্রালয়দগী কোবিদ-১৯ বেক্সিনেসনগী ফীদবেক লৌনবা তৌজরকপনি। অদোম <তাং>দা বেক্সিনেসনগী অহানবা দোজ কাপখ্রে খঙজৈ।
৩.	দোজ ১/২ (পার্ত ৩)গী ৱেলকম প্রোম্প	কদায়দা <মফম>
৪.	ৱাহং ১	অদোম বেক্সিন কাপখ্রবা? কাপলবদি ১ নম্বীয়ু নত্ত্রগা কাপতবা তারদি ২ নম্বীয়ু।
৫.	অহেনবা ফীদবেক	অদোমনা ঐখোয়দা ফীদবেক পীদুনা মতেং পাংবীয়ু (ৱাহং ৪দা ১ নম্বা তারবদি)
৬.	ৱাহং ২	বেক্সিন কাপফমদা  সোসিএল দিস্তেন্সিং ঙাক্না চৎপরা? ঙাকলবদি ১ নম্বীয়ু ঙাক্তবা তারদি ২ নম্বীয়ু
৭.	ৱাহং ৩	স্তাফনা অদোমদা বেক্সিনেসনগী প্রোসেসকী মতাংদা খঙহনবরা অমসুং বেক্সিন নীংথিজনা কাপ্পরা? কাপ্লবদি ১ নম্বীয়ু কাপ্তবা তারদি ২ নম্বীয়ু
৮.	ৱাহং ৪	অদোমদা এদভর্স ইফেক্তস ফোলোৱিং ইম্ম্যুনাইজেসনগী মতাংদা খঙহনবরা? খঙহল্লবদি ১ নম্বীয়ু খঙহনদবা তারদি ২ নম্বীয়ু
৯.	ৱাহং ৫	অদোম বেক্সিন কাপলবা মতুংদা এদভর্স ইভেন্ত মোনিতর তৌনবা মিনিৎ ৩০ ঙাইনবা খঙহল্লকপরা? খঙহল্লবদি ১ নম্বীয়ু খঙহনদবা তারদি ২ নম্বীয়ু
১০.	ৱাহং ৬	বেক্সিনেসনগী এক্সপরিয়েন্স অসিদা অদোম অপেনবা পোকপরা? পোক্লবদি ১ নম্বীয়ু পোক্তবা তারদি ২ নম্বীয়ু
১১.	অরানবা ইনপুৎ	অদোমনা অরানবা ইনপুৎ নম্লে অমুক হন্না ত্রাই তৌবীয়ু
১২.	ইনপুৎ পীদবা	অদোমনা ইনপুৎ অমত্তা নমদে অমুক হন্না ত্রাই তৌবীয়ু
১৩.	থাগৎচরি	সর্ভে অসিদা শরুক য়াবিবগীদমক্তা থাগৎচরী। য়ুমদা লৈদুনা শাফনা লৈবীয়ু।

রেপিদ এসেসমেন্ত সিস্তেম (আর.এ.এস.):

ভারত সরকার অমসুং রাজ্য সরকারশিংনা পীবা ই-সর্ভিসশিং (কাউন্তরশিংগী খুত্থাংদা ওনলাইনগা লোইননা ওফলাইন)গী ওনলাইন্দা খুদক্কী ওইবা ফীদবেকশিং পীনবা নেস্নেল ই-গভর্নান্স দিভিজন, ইলেক্ত্রোনিক্স অমসুং আই.তি. মন্ত্রালয়না রেপিদ এসেসমেন্ত সিস্তেম (আর.এ.এস.) দিবেলপ তৌখ্রে। আর.এ.এস.কী মরুওইবা পান্দমদি তার্গেৎ তৌরিবা কান্নবশিং অদু ফংনবা ই-গভর্নেন্স প্রোজেক্ত অমমমগী অমসুং মসিগা পুন্না চৎলিবা থবক থৌরমগী মখাদা ফীদবেক্কী খুত্থাংদা ই-সর্ভিসশিংগী ক্বালিতী লেপ্তনা য়েংশিনবনি। আর.এ.এস.না প্রজাশিংদা সরকারগী ই-সর্ভিস অমা হেক ফংবগা খুদক্তা সর্ভিস অদুগী মতাংদা ফীদবেক পীনবা ইথিল পীরি। আর.এ.এস.কী এনালাইতিক ফীচরশিং অসিনা সিস্তেম ফগৎহনবা অমসুং সর্ভসশিং ফজনা পীবদা অপুনবা দিপার্তমেন্তশিংগী মতেং পাংলি।

ৱেবসাইৎ: https://ras.gov.in/

*****

 

(Release ID: 1691481) Visitor Counter : 215