ত্রাইবেল এফিয়র্স মন্ত্রালয়

ত্রাইবেল এফিয়র্সগী মিনিস্ত্রীনা কোইনা চৎপা থবক শুবশিংগী দিজিতেল দেতা সোলুসন “শ্রমশক্তি” ভর্চুএল্লি ওইনা হৌদোকখ্রে

Posted On: 22 JAN 2021 4:50PM by PIB Imphal

ত্রাইবেল এফিয়র্সগী য়ুনিয়ন মিনিস্তর শ্রী আর্জুন মুন্দানা ঙসি গৌৱাগী, পঞ্জিমদা পাংথোকপা থৌরম নেস্নেল মাইগ্রেসন সপ্পোর্ত পোর্তেল অমা ওইরিবা “শ্রমশক্তি” ভিদিও কনফরেন্সকী খুত্থাংদা ভর্চুএল্লি ওইনা হৌদোকখ্রে।মসিনা স্তেত অমসুং লৈবাক্কী ওইবা থাক্তা কোইনা চৎপা থবক শুবশিংগী থৌরমশিংদা মতেং পাংগনি। মহাক্না গৌৱাদা ত্রাইবেল মাইগ্রেসন সেল অমা, ত্রাইবেল ম্যুজিয়ম অমা অমসুং কোইনা চৎপা থবক শুবশিংগী ত্রেনিং মেন্যুএল অমা ওইরিবা “শ্রমশক্তি” হৌদোকখি। গৌৱাগী মুখ্য মন্ত্রী প্রমোদ সাৱান্তনশু গৌৱাদা স্তেত কয়াদগী গৌৱাদা লাকপা কোইনা চৎপশিংগীদমক হেন্না লায়নবা অমসুং মতেং ওইনবা কত্থোক্লবা মাইগ্রেসন সেল অমসু হৌদোকখি।   

ত্রাইবেল এফিয়র্সগী য়ুনিয়ন মিনিস্তর শ্রী আর্জুন মুন্দা, মিনিস্তর ওফ স্তেত মিস রেনুকা সিংহ সারুতা অমসুং এম.ও.তি.এ.গী সেক্রেতরী শ্রী দীপক খান্দেকরনা ভিদিও কনফরেন্সকী খুত্থাংদা ভর্চুএল্লি ওইনা শরুক য়াখি। গৌৱাগী মুখ্য মন্ত্রী দাঃ প্রমোদ জি সাৱান্ত, ত্রাইবেল এফিয়র্সগী মিনিস্তর শ্রী গোবিন্দ জি গাউদে অমসুং লেবর অমসুং এম্প্লোইমেন্ত মিনিস্তর শ্রীমতি জেন্নিফর মোন্সেরেত্না গৌৱাগী, পঞ্জিমগী সি.এম.গী রেসিদেন্সতগী থৌরম অসি শরুক য়াখি। এম.ও.তি.এ.গী জোইন্ত সেক্রেতরী দাঃ নবলজিৎ কাপুরনা  ত্রইবেল এফিয়র্সগী মিনিস্ত্রীনা গৌৱী স্তেতকীদমক পীরিবা মখল কয়াগী প্রোজেক্তশিং অমসুং মাইগ্রেসন রেপোসিতরী পোর্তেলগী মরমদা প্রজেন্তেসন অমা পীখি।

থৌরম অসিদা ৱা ঙাংলদুনা, শ্রী আর্জুন মুন্দানা পনখি মদুদি লমকোইবশিং অসিগী অশেংবা মতমগী দেতা ৱাৎপা মরম্না স্তেত অসিদা অমসুং লৈবাক অসিগী সরকারদা অচৌবা অৱাবা অমা ওইরি অমসুং মসিবু মতিক চানা লালোং অমসুং পোলিসিশিং অসি স্তেতশিং অসিদা শেম্বদা অৱাবা অমা ওইরি। “লৈবাক শিনবা থুংনা লমকোইদুনা থবক শুবশিং অসি কোরোনা ভাইরসনা মরম ওইদুনা লোকদাউন্দ লৈখিবদগী অৱাবা মায়োক্নরি। ত্রাইবেলগী মীশিং মরক্তগী লমকোইবশিং অৱাবা মায়োক্নরি অমসুং য়াম্না লুবা অমসুং খুদোংথিনিঙাই ওইবা ফিবমদা লৈরি। করিগুম্বা মতমদা মখোয়না ললোনবা অমসুং খুৎশুমন পীদবা থবক মফমদা অৱাবা ময়াম অমা থোকই” হায়না মহাক্না হায়খি।

মহাক্না মখা তানা শন্দোক্না তাকখি মদুদি ত্রাইবেল লমকোই রেপোসিতরি, শ্রম শক্তিনা দেতাগী অহোবা লৈরিবা অসি মায় পাক্না পীবা ঙমগনি অমসুং থবক থিবদা লমকোইনা থবক শুবা চৎলিবশিংদা শক্তি পীবা ঙম্লগনি। মসিনা সরকারগা শম্নদুনা হান্না আত্মানির্ভর ভারতকী মখাদা লৈরিবা য়াইফনবগী স্কীম অসিনা মতেং পীগনি। মখল কয়াগী দেতাশিং অসি দেমোগ্রাফিক প্রোফাইল, হিংবগী মখল, স্কিল মেপ্পিং অমসুং লম চৎপগী মওং য়াওনা শ্রম শক্তিদা রেকোর্দ তৌগনি।

শ্রী মুন্দানা ত্রাইবেল ত্রেনিং মোদ্যুল – শ্রামসাথি অসি হৌদোকখি, হায়রিবা অসিনা লমকোইবশিংদা শাফবা অমসুং পোত্থোক লৈবা অমা ওইনবা থাজবা পীরি। “ত্রাইবেলগী লম কোইনা চৎতুনা চৎলিবা কাংলুপশিং অসিনা মখোয়গী লাকফম অমসুং মখোয়না চৎলিবা মফমশিং অসিদগী মখোয়না ফংফম থোকপা হক, মখোয়দা পীগদবা, থবক শুবগী মওং সমাজগী ওইবা ঙাক-শেনবা অসি মখোয়না খঙজদে”। মহাক্না মসি অমসু হায় মদুদি মসিগী মোদ্যুল অসিগী মখাদা ত্রেনিং মতুংদা, ত্রাইবেল লমকোই থবকশুবশিং অসি মখোয়না মশাগী হক অমসুং ফংফম থোকপা মখোয়গী লাকফম অমসুং মখোয়না চৎলিবা মফমশিং অসিদগী ফংবা য়াই।

গৌৱাগী মুখ্য মন্ত্রী দাঃ প্রমোদ জি সাৱান্তনা খঙহল্লি মদুদি গৌৱা অসি লমকোই থবকশুবশিং অসিগী ইন্দিয়াদা অহানবা ওইনা থুংফম ওইরি। “সেল অসি লমকোই থবকশুবশিং অসিগী চংগদবা ময়াম অমা পীরি – লেগেলগী মতেং, হৈ-শিংবা হেনগৎহনবা, থবক্কী মরী পীবা, মীয়ামগী ওইবা সেবা মদুদি হকশেল, ইন্সুরেন্স, ফাইনান্সিএল ইনক্লুসন,” হায়না মহাক্না হায়খি।  

*****



(Release ID: 1691475) Visitor Counter : 5


Read this release in: English , Hindi , Punjabi , Tamil