প্রোসেস ফুদ সেক্তরদা আর অমসুং দি.গীদমক ২০২১গী ইহান হানবা ভর্চুয়েল এক্সপো  এম.ও.এফ.পি.আই.গী এম.ও.এস. শ্রী রামেশ্বর তেলিনা ঙসি হৌদোকখ্রে৷ ভারতকী প্রিমিয়র ফুদ তেক্নোলোজি ইন্সতিত্যুসনশিংগী মন্ত্রালয়না মতেং পাংলিবা আর অমসুং দি প্রোজেক্তশিং অসিগী ফলশিং অদু উৎথোক্ননবগীদমক ২০২১গী জানুৱারী ২০দগী ২২ ফাওবা প্রোসেস ফুদ সেক্তরদা লৈরিবা আর অমসুং দি অসিগীদমক ২০২১গী ভর্চুয়েল এক্সপো অসি ফুদ প্রোসেসিং মন্ত্রালয়না শিনখিবনি৷

শ্রী রামেশ্বর তেলিনা আর অমসুং দি পোর্তেল অদুসু পুথোকখ্রে অমসুং মদু স্তেকহোল্দর পুম্নমক্তা ফংহল্লগনি৷ লৈবাক অসিদা লৈরিবা ইন্সতিত্যুসনশিং অসিনা পাংথোক্লিবা রিসর্চ অসি হায়রিবা পোর্তেল অসিদা ফংলগনি৷ মসিগী পোর্তেল অসিদা রিসর্চ প্রোজেক্ত ২০০রোম ফংলি৷ মসিগী আর অমসুং দি পোর্তেল পুথোরকপা অসিনা প্রদক্ত শেমগৎপদা অমসুং তেক্নোলোজি প্রোসেস তৌবদা মতেং পাংলগনি, পেকেজিং হেন্না নিংথীনা তৌবা য়াহন্দুনা ফুদ প্রেসেসিং সেক্তরদা হেন্না কান্নবা পীরগনি হায়না শ্রী তেলিনা ফোংদোকখ্রে৷ 

মসিগী এক্সপো অসি ফুদ প্রেসেসিং ইন্দস্ত্রীশিংগী, রুরেল দিভেলপমেন্ত, লৌউ শিংউ অমসুং লৌমীশিংগী য়াইফ থৌরাংগী অমসুং পঞ্চয়াতি রাজকী কেন্দ্রগী মন্ত্রী শ্রী নরেন্দ্র সিংহ তোমারগী লুচিং মখাদা শিল্লবনি হায়না এফ.পি.আই.গী সেক্রেতরী শ্রীমতি পুস্পা সুব্রাহমনিয়মনা ফোংদোকখ্রে৷

থৌরম অসিদা আই.তি.সি.গী ফুদ দিভিজনগী সি.ই.ও. অমসুং এফ.আই.সি.সি.আই.গী ফুদ প্রোসেসিং কম্মিতীগী চিয়রমেন শ্রী হেমান্ত মালিকনা ৱা ঙাংদুনা থৌরম অসি হৌদোকখি৷ এফ.আই.সি.সি.আই.গী ফুদ প্রোসেসিং কম্মিতীগী কো-চিয়র অমসুং কেলোগ ইন্দিয়া অমসুং খা এসিয়াগী এম.দি. শ্রী মোহিত অনন্দনা থৌরম অসিগী ৱারোইশিন পীখি৷

ভর্চুয়েল এক্সপো অসিনা ভারতকী মমিং লৈরবা ফুদ তেক্নোলোজি ইন্সতিত্যুসনশিং মমিং ওইনা পল্লবদা এন.আই.এফ.তি.ই., আই.আই.এফ.পি.তি., সি.এফ.তি.আর.আই., আই.সি.এ.আর.,আই.আই.তি.শিং অসিনা ফুদ প্রোসেসিং সেক্তরদা লৈরিবা আর অমসুং দি অমসুং ইন্নোবেসন অদু উৎলগনি৷ নোভেল ফুদ প্রদক্তশিং, ফুদ ইঞ্জিনিয়রিং, ফুদ সেফতী অমসুং ক্বালিতী ইভালুয়েসনশিং অসিদা লৈরিবা ইন্নোবেসনশিং, ফুদ পেকেজিং সোলুসনশিং অমসুং ফুদ ইন্দস্ত্রী ৱেস্ত য়ুতিলাইজেসন হায়রিবা কাংলুপশিং অসি য়াওরিবা আর অমসুং দি প্রোজেক্তশিং উৎথোকপা অসিনা য়াম্না মরু ওইবা মফমশিং ওইরগনি৷

এক্সপো অসি ৱেবিনারশিং, বি২বি মীফমশিং, ৱন-তু-ৱন চেতশিং, ইনফোর্মেতিব মেতর্নেল খুদম ওইনা ই-ব্রোঞ্চরশিং, ভিজিতিং কার্দশিং অমসুং অতোপ্পা দোকুমেন্তশিং অসিগী খুৎথাংদা নেতৱার্কিং ইফর্তশিং অসি হেন্না পাকথোক চাওথোকহন্নবা শেমখিবা ইন্তরেক্তিব প্লেতফোর্ম অমনি৷

*****

(Release ID: 1691447) Visitor Counter : 110