শেল-থুম মন্ত্রালয়
দি.আর.আই.না কিলো ৫৫.৬১গী মপাল লৈবাক্কী সনা লুপা করোর ২৮লোমগী ফাগৎলে
Posted On:
21 JAN 2021 9:41PM by PIB Imphal
ম্যান্মার-ভারতকী মরক্তা লোন্না সনা লল্লোনবশিংগী নেৎৱার্ক ফাগৎপগী থবক্তা খুমাং চাউশিনবা ওইনা দিরেক্তোরেৎ ওব রেভিন্যু ইন্তেলিজেন্স (দি.আর.আই.) দিল্লী জোনেল য়ুনিৎনা মপাল লৈবাক্কী লুপা করোর ২৮লোমগী ওইগদবা সনা মফম অনিদগী হায়বদি দিল্লী অমসুং লখনৌদগী তাং ২১, জনুৱারী ২০২১দা মীওই নিপান্দগী ফাগৎলে।
অখন্নবা ঈ পাউ অমা দি.আর.আই.না ম্যান্মারদগী ভারত্তা মপাল লৈবাক্তা শাবা সনা ইন্দো ম্যান্মার ঙমখৈদগী পুশিনলক্লে অমসুং ভারতকী তোঙান-তোঙানবা মফমশিংদা থারে হায়বগী পাউ ফংখি। কোবিদকা মরী লৈনবা লোকদাউনশিং লৌথোকখিবদগী লৈবাক শীনবা থুংনা সনাগী দিমান্দ হেনগৎপগা লোইননা শেনথুমগী থবকশিং পায়খৎনরকপদা আইন কায়না ললোনবগী থবকসু হেনগৎলক্লি। লোকদাউনগী মনুংদা নোংথক্কী লম্বী থিংবনা নারোন্দা লল্লোনবশিংনা ইন্দো ম্যান্মার ঙমখৈদগী লান্দুনা লল্লোনবগী থবক তৌবা হৌগৎলক্লি।
হায়রিবা লম্বী অসিদা মীকুপ নাহুম শিংনা কুপ্না য়েংশিনলদুনা অমসুং চাউনা আইন কায়না লল্লোনবগী থবক থিংনবগী পান্দমদা দি.আর.আই.গী ওফিসিএলশিংনা হৌখিবা থা তরুক্লোম অসিদা সনা ফাগৎপগী থবক চত্থরক্লি। মসিদা নবেম্বর ২০২০দা দি.আর.আই. গুৱাহাতী জোননা লোন্না পুশিল্লকপা সনা কিলো ৫১.৩৩ ফাবা, ওগস্ত অমসুং নবেম্বর ২০২০দা মথংশিৎনা লোন্না পুশিনলকপা সনা কিলো ৮৪ অমসুং কিলো ৬৬ দি.আর.আই. জোনেল য়ুনিৎনা ফাগৎপা অমসুং হৌজিক হৌজিক্কী সনা কিলো ৫৫.৬১ দিল্লী জোনেল য়ুনিৎনা ফাগৎপসিনা খ্বাইদগী নৌবা ওইরি।
দি.আর.আই.না লৌখৎলকপা অকনবা কাউন্তর স্মগ্লিংগী থৌরাং অসি হান্না গারী ফারম্বদগী মী ফাবগী থবক্তা মাই ওনশিল্লক্লি। অদুম ওইনমক, খ্বাইদগী নৌবা "গোল্দন ত্রাইনেঙ্গল" হায়বা কোদনেম পীবা, দি.আর.আই.গী দিল্লী জোনেল য়ুনিৎ অমসুং লখনৌ জোনেল য়ুনিৎনা পুন্না চঙশিনখিবা ওপরেসন অসিদা মী মশাদা লোন্না পুবসু ফাগৎখি, মখোয়না খ্বাংদা ফাবা বেল্তশিংদা লোৎনা পুন্নৈ। অসিগুম্বা পেসেঞ্জর মঙাদি দি.আর.আই. দিল্লী জোনেল য়ুনিৎকী ওফিসরশিংনা দিল্লীগী ময়াদা ফাখি অমসুং পেসেঞ্জর অহুম্না দি.আর.আই. লখনৌ জোনেল য়ুনিৎনা লখনৌদগী ফাখি। মীওইশিং অসিদা থিবা হুম্বগী থবক চত্থবদা সনাগী বার ৩৩৫ ফংখি, অরুম্বনা কিলো ৫৫.৬১নি। হায়রিবা মীওই ৮ অসি ফাজিন্দুনা থম্লি অমসুং মখা তাবা ৱাহং পাউহংগী থবক চত্থরি।
শেলথুম অমসুং কোর্পোরেৎ এফিয়র্স্কী রাজ্যগী মন্ত্রী শ্রী অনুরাগ সিংহ থাকুরনা দি.আর.আই.গী দিল্লী জোনেল য়ুনিৎকী ওফিসতা লাক্তুনা দি.আর.আই.গী ওফিসরশিংবু মায় পাক্না ফাবা ঙমখিবা অসিগীদমক থাগৎখি। সি.বি.আই.সি.গী চীয়রমেন অমসুং পি.আর. দি.জি., দি.আর.আই.সু শরুক য়াখি। শ্রী থাকুরনা ওফিসরশিংগী থৌনাবু থাগৎখি অমসুং মখোয়বু তুংদা হেন্না চাওনা ফাবা ঙম্নবগীদমক পুক্নিং থৌগৎখি।
***************
(Release ID: 1691349)
Visitor Counter : 108