য়ুনিয়ন এজুকেসন মিনিস্তর শ্রী রামেশ পোখ্রিয়াল ‘নিশঙ্ক’না ছত্তিসগরদা ঙসি ভিদিও কনফরেন্সকী খুত্থাংদা কেন্দ্রিয়া বিদ্যালায়া বেতিয়াহ অমসুং কেন্দ্রিয়া বিদ্যালায়া নম্বর ৪ কোর্বাগী নৌনা শাবা বিল্দিং শঙ্গাখ্রে।

থৌরম অসিদা ৱা ঙাংলদুনা শ্রী পোখ্রিয়ালনা হায় মদুদি কেন্দ্রিয়া বিদ্যালায়া অসি লৈবাক অসিগী মকোক থোংবদা মমিং লৈরি। মহাক্না হায় মদুদি হৌখিবা চহি তরক অসিগী মনুংদা অনৌবা কে.ভি. ১৫০গী মথক্তা লৈবাক অসিদা হাংদোকখি অমসুং মখোয়গী শেমগৎপা অসি য়াম্না থুনা চংশিল্লি। শ্রী পোখ্রিয়ালনা হায় মদুদি কে.ভি.এস. অসি শাবা মতমদা গ্রীন বিল্দিং নোর্ম শিজিন্নৈ। মহাক্না কে.ভি.এস. লৌখৎলিবা কেন্দ্রিয়া বিদ্যালায়াদা ইকো-ফ্রেন্দলি ওইবা দ্রাইব ‘ছাত্র অমা, উ-পাম্বী অমা’, ঈশিং তুংশিনবগী কেম্পেইন অমসুং নোংগী ঈশিং লোকপা অসিদা থাগৎপা ফোংদোকখি।    

অনৌবা এজুকেসন পোলিসি অসিদা মিনিস্তরনা মখল কয়াগী হাপকদৌরিবা অসিদা মরুওইবা পীখি। মহাক্না অপেনবা ফোংদোকখি মদুদি অতৈ লৈবাক কয়াদা কোরোনা মরম ওইদুনা চহি অমা এজুকেসনগী সেসন অসিদা থেংথখ্রবশু ইন্দিয়াদা ওজা, ছাত্র অমসুং মমা-মপাশিংনা ওনলাইন ক্লাস তৌদুনা  লাইরিক তম্বগী থৌওং চৎথখি। মহাক্না কেন্দ্রিয়া বিদ্যালায়াগী ওজা, ছাত্রশিংবু মফম কয়াদা মতৌ তমফম ওইবা অসিদা চাওথোকপা ফাওই।

অনৌবা কে.ভি.এস. বিল্দিং অমা লুপা করোর ১৩.০১৬ চংবা কুমারাবাঘ বেতিয়াহদা শাখ্রে হায়রিবা অসিদা তঙাইফদনা চংদবা য়াদবা খুদোংচাবা লোইনা য়াওরি। বিহারগী পছিম চম্পরন দিস্ত্রীক্ততা কেন্দ্রিয়া বিদ্যালায়া বেতিয়াহ অসি ২০০৩গী চহি লিংখৎখিবনি হৌজিক্কী ওইনা ক্লাস ১দগী ১০ ফাওবা ছাত্রা ৪৮৯গা লোয়ননা লৈরি। চাওরাক্না একর ১০মুক চাওবা মফম অসি সরকারনা পীরি। মসিগী স্কুল অসি ক্লাস ১দগী ১২ ফাওবা ওইরক্লবা মতমদা চাওরাক্না ছাত্র ১০০০মুক দিস্ত্রীক্ত অসিদা কান্নবা ফংগনি। হৌজিক্কী ওইনা বিহার স্তেত্তা কেন্দ্রিয়া বিদ্যালায়া পুন্না ৫৩ লৈরি।   

চান্দিগরদা কেন্দ্রিয়া বিদ্যালায়া নম্বর ৪ কোর্বাগী অনৌবা বিল্দিং অমসু হৌদোকখ্রে। মসিগী স্কুল অসি ২০১১-১২দা হৌদোকখি। স্তেত সরকারনা একর ১০গী লম পীদুনা কেন্দ্রিয়া বিদ্যালায়া শঙাথনগী মতমগা চুনবা বিল্দিং লুপা করোর ১৫.৮৬ চংনা শাখ্রে। হৌজিক্কী ওইনা ছাত্র ১০২৫ লৈরি। মসি য়েংলগা বিল্দিং অসিদা ফংফম থোকপা মচাকশিং পীরি, স্তাফ ক্বাতর য়াওনা। 

পছিম চম্পরনগী এম.পি. দাঃ সঞ্জয় জায়স্বাল, বালমিকি নাগরগী এম.পি. শ্রী সুনিল কুমার, রাজ্যা সভাগী এম.পি. শ্রী সতিশ চন্দ্র দুবে, পানপারিয়াগী এম.এল.এ. শ্রী উমাকান্ত, বাগাহাগদী এম.এল.সি. শ্রী রাজেশ রাম, বালমিকি নগরদগী এম.এল.সি. শ্রী বিরেন্দ্র য়াদবনা বিহারগী বেতিয়াহদগী ওনলাইন্দা থৌরম অসিবু শরুক য়াখি।

মসিদা ছত্তিসগর এসেমব্লিগী স্পিকর দাঃ চরন দাস মহন্ত, ছত্তিসগরগী রেবিন্যু অমসুং দিজাস্তর মেনেজমেন্তগী মিনিস্তর শ্রী জয় সিংহ অগর্ৱাল, এম.পি. কোরবা, শ্রীমতি জ্যোস্না চরন দাস মহন্ত, মিনিস্তর ওফ স্তেত ফোর সেন্ত্রেল জোন ত্রাইবেল দিবলপমেন্ত ওথোরিতি ছত্তিসগর সরকার অমসুং এম.এল.এ. কাতঘোরা শ্রী পুরুশোত্তাম কানৱার, এম.এল.এ. তানাখর-পলি শ্রী মোহিৎ রাম অমসুং এম.এল.এ. রামপুর শ্রী নানকি রাম কানৱারনা ছত্তিসগরগী কোর্বাদগী থৌরম অসি য়াওখি। 

এজুকেসন মিনিস্ত্রীগী, স্কুল এজুকেসন অমসুং লিতরেসিগী দিপার্তমেন্তগী, সেক্রেতরী, শ্রীমতি অনিতা কার্ৱাল, থৌরম অসিদা ওনলাইন্দা ৱা ঙাংখি। কে.ভি.এস.কী কম্মিস্নর শ্রীমতি নিধি পানদেনা ৱেলকম এদ্রেস পীখি।

*****