زرعی مزدوروں اور دیہی مزدورں (بنیاد1986-87=100) سے متعلق آل انڈیا صارفین  قیمت اشاریہ کے اعداد وشمار دسمبر 2020 میں گراوٹ دیکھی گئی۔ زرعی مزدوروں کا اشاریہ 13 پوائنٹ کی کمی کے ساتھ 1047 (ایک ہزار اور پینتالیس) پوائنٹ رہا، جبکہ دیہی مزدوروں کا انڈیکس 12 پوائنٹس کی کمی کے ساتھ 1053 (ایک ہزار تریپن) پوائنٹس رہا۔ زرعی مزدوروں اور دیہی مزدوروں کے عام اشاریے میں اس گراوٹ کی بڑی وجہ خوراک میں بالترتیب(-) 14.40 پوائنٹس اور (-) 13.73 پوائنٹس کی صورت حال رہی، جس کا خاص سبب دالوں، پیاز، آلو، پھول گوبھی اور بیگن وغیرہ کی قیمتوں کا گرنا رہا۔

قیمتوں میں اتار /چڑھاؤ کا اشاریہ ریاستوں میں مختلف رہا۔ زرعی مزدوروں کے اشاریہ میں 18 ریاستوں میں ایک سے 20 پوائنٹس کا اضافہ، جبکہ 2 ریاستوں میں ایک سے دو پوائنٹس کی گراوٹ درج کی گئی۔ ان میں تامل ناڈو اس اشاریہ میں 1253 پوائنٹس کے ساتھ سرفہرست رہا، جبکہ ہماچل پردیش 823 پوائنٹس کے ساتھ سب سے نیچے رہا۔

دوسری طرف دیہی مزدوروں کے اشاریے میں 18 ریاستوں میں ایک سے 20 پوائنٹس کی کمی اور 2 ریاستوں میں ایک سے تین پوائنٹس کا اضافہ درج کیا گیا۔ تامل ناڈو 1236 پوائنٹس کے ساتھ اس اشاریہ میں سرفہرست ہے، جبکہ بہار 870 پوائنٹس کے ساتھ سب سے نیچے رہا۔

زرعی مزدوروں اور دیہی مزدوروں سے متعلق کنزیومر پرائس انڈیکس  نمبرس میں سب سے زیادہ گراوٹ گجرات اور مغربی بنگال میں ریکارڈ کی گئی (ہرایک 20 پوائنٹس)، جس کا خاص سبب گڑ، پیاز، ہری مرچ، سبزیوں اور پھلوں کی قیمتوں کا گرنا رہا۔ اس کے برعکس زرعی مزدوروں اور دیہی مزدوروں سے متعلق صارفین قیمت اشاریہ کے اعداد وشمار میں سب سے زیادہ اضافہ  ریاست میگھالیہ میں درج کیا گیا(بالترتیب 2+ پوائنٹس اور 3+ پوائنس) جس کا خاص سبب دالوں، سرسوں کے تیل، خشک مچھلی، سبزیاں اور پھل ، جلانے کی لکڑی اور پلاسٹک کے جوتوں کی قیمتوں میں اضافہ رہا۔

سی پی آئی-اے ایل اور سی پی آئی-آرایل پر مبنی افراط زر کی پوائنٹ ٹو پوائنٹ شرح گھٹ کر دسمبر 2020 میں 3.25 فیصد اور 3.34 فیصد ہوگئی، جبکہ  نومبر 2020 میں یہ بالترتیب 6.00 فیصد اور 5.86 فیصد تھی۔ دسمبر 2020  سی پی آئی-اے ایل اور سی سی آئی-آر ایل کے خوراک اشاریہ پر مبنی افراط زر کی شرح بالترتیب (+)2.97 فیصد اور (+)2.96 فیصد رہی۔

آل انڈیا کنزیومر پرائس انڈیکس نمبر (عام اور گروپ وائز)

تازہ ترین اشاریہ کے حوالے سے بولتے ہوئے محنت اور روزگار کے وزیر مملکت (آزادانہ چارج) جناب سنتوش گنگوار نے کہا کہ سی پی آئی-اے ایل اور آرایل پر مبنی افراط زر میں بالترتیب 3.25 فیصد اور 3.34 فیصد کی کمی آئی۔ اس کا سبب یہ رہا کہ دالوں، پیاز، آلو، پھول گوبھی اور بیگن کے نرخ میں گراوٹ سے غذائی افراط زر میں کمی واقع ہوئی۔

اشاریہ کو جاری کرتے ہوئے لیبر بیورو کے ڈائریکٹر جنرل جناب ڈی پی ایس نیگی نے کہا کہ افراط زر میں کمی آنے سے دیہی علاقوں میں کام کرنے والے کروڑوں مزدوروں میں خوشی کی لہر دوڑ جائے گی، کیونکہ اس کی وجہ سے ان کی جیب پر پڑنے والا بوجھ کچھ ہلکا ہوجائے گا۔

*****************

U-646

ش ح۔  س ب ۔  ت ع۔

(21-01-2021)