কমর্স অমসুং ইন্দস্ত্রী মন্ত্রালয়
শ্রী পিয়ুশ গোয়লনা লোজিস্তিক্সকী অহানবা রাজ্যশিংগী লৈবাক্কী কনফরেন্সতা ৱা ঙাংখ্রে
লোজিস্তিক্স হায়বদি অচুম্বা কস্তমরদা, অচুম্বা মতমদা, অচুম্বা মফমদা, অচুম্বা ফিভমদা, অচুম্বা পোত্থোক পীবনি হায়খি
হৌজিক খন্ন-নৈনরিবা নেস্নেল লোজিস্তিক্স পোলিসী অসিনা কারবার তৌবগী মওংবু হেন্না নুংঙাইহল্লগনি
Posted On:
19 JAN 2021 8:20PM by PIB Imphal
কেন্দ্রগী রেলৱেজ; কম্মমর্স অমসুং ইন্দস্ত্রী; কঞ্জ্যুমর এফিয়র্স অমসুং ফুদ অমসুং পব্লিক দিস্ত্রিব্যুসনগী মন্ত্রী, শ্রী পিয়ুশ গোয়লনা হৌজিক-হৌজিক খন্ন-নৈনরিবা নেস্নেল লোজিস্তিক্স পোলিসী অসিনা নেস্নেল লোজিস্তিক্স কাউন্সিল অমসুং স্তেৎ লোজিস্তিক্স কো-ওর্দিনেসন কম্মিতীগা লোয়ননা লোজিস্তিক্স সেন্তরশিংবু নীংথিনা শিন্দোক্নবা অমসুং অপুনবা ওইনা চাউখৎমিন্ননবগী তেমপ্লেৎ অমা ওইনা থবক তৌগনি হায়খি। লোজিস্তিক্সকী অহানবা রাজ্যশিংগী লৈবাক্কী কনফরেন্স অসিদা ৱা ঙাংবদা, মহাক্না কম্মর্স অমসুং ইন্দস্ত্রী মন্ত্রালয়গী লোজিস্তিক্স তীম অসিনা তোঙান-তোঙানবা ত্রান্সপোর্তকী পাম্বৈ, চে-চাং অমসুং স্তেকহোলদরশিংবু তেক্নোলোজীগী প্লেৎফোর্ম অমগী খুত্থাংদা পুন্সিন্দুনা কারবার তৌবগী থৌওং হেন্না নুংঙাইহন্ননবা অরায়বা মওংদা থবক তৌবগী থৌওং অমা ওইহন্নবা হোৎনরি হায়খি।
ঙসিগী থৌরম অসিদা মহাক্না তেংবাংনদুনা থবক তৌমিন্নবগী ইথিলবু থাগৎলদুনা শ্রী গোয়লনা হায়খিবদা মসিগী থৌওং অসিনা কারবারগী খুন্নাই অমসুং স্তেকহোলদরশিংনা লোজিস্তিক্স হেন্না থাজহল্লগনি অমসুং কেন্দ্র অমসুং রাজ্যসু তীম অমা ওইনা থবকসু তৌরে হায়খি। মহাক্না হায়খিবদা লোজিস্তিকা অমগী তৌফম থোক্লিবা কস্তমরদা পেলহনবা অমসুং মসিগীদমক্তা তঙাই ফদবা মরী লৈনবা ইনফ্রাস্ত্রকচরশিংসু মতিক চানা লৈরে হায়খি। মন্ত্রীনা লোজিস্তিক্স হায়বদি আর. ৫গী ৱাফম্নি হায়খিঃ অচুম্বা কস্তমরদা, অচুম্বা মতমদা, অচুম্বা মফমদা, অচুম্বা ফিভমদা, অচুম্বা পোত্থোক পীবা। লোজিস্তিক্স অসিনা লৈবাক অমগী শেন্মিৎলোন অমসুং ইন্দস্ত্রীগী লাইফলাইন্নি হায়রদুনা লোকদাউনগী মনুংদা লৈবাক্কী মীওই অমত্তনা হৱাই-চেংৱাই, মৈ, তঙাইফদবা পোৎলমশিং লৈতবগী অৱাবা অমত্তা নংহনখিদে হায়না মন্ত্রীনা হায়খি।
শ্রী গোয়লনা হায়খিবদা ভারত্তা বিলিয়ন দোল্লর ২০০গী লোজিস্তিক্সকী ইকোসীস্তেম লৈ হায়খি। মসিগী অচৌবা শরুক অমদা ইন্দিয়ন রেলৱেজনা শৌগৎলি। “ঐখোয়না লোজিস্তিক্সকী মমল হন্থরক্নবা অমসুং রেলৱেনা পীরিবা সেবা অসিগী পাক-চাউবসু হেনগৎহন্নবা হোৎনরি। কোবিদকী ইরাং অসিবু খুদোংচাবা অমা ওইনা লৌরদুনা, রেলৱেজনা মসিগী থবক তৌবগী থৌওংবু নৌনা অমুক শিনহদোকখ্রে। শুন্যদা য়ুম্ফম ওইবা তাইম-তেবল অমসু শেমখ্রে। ঙরাং, জনুৱারি ১৮, অসিদা ফ্রৈৎ ত্রেনগী চাংচৎকী খোঙজেল অসি মমাং চহিগী মান্নবা মতমদা ২২.৪৭ কি.মি./পুং ওই খিবগা চাংদম্নবদা ৪৬.৭৭ কি.মি./পুং ওইখি”।
হন্দক্কী চহিগী জনুৱারিগী অহানবা নুমিৎ ১৮নিদা ফ্রৈৎ ত্রেনগী চাংচৎকী খোঙজেল অসি মমাং চহিগা চাংদম্নবদা ৯৭% হেন্না হেনখি হায়না মন্ত্রীনা হায়খি। মহাক্না দি.এফ.সি. অসি ফ্রৈৎ ত্রান্সপোর্ত খক্তমক পুগদবা কোরিদোরনি অমসুং মসিদা খোঙজেলবু অমুক্কা হেন্না হেনগৎহনগনি অমসুং পোত্থোকশিং অমসুং অপিকপা পার্সেলগী চাং হেন্না পুহন্দুনা মসিবু পুথোক-পুশিংগী অচঙবা মমলসু হন্থহনগনি হায়খি। “ইং ২০২২ ফাওবগী মনুংদদি, ঐখোয়না ইস্তর্ন অমসুং ৱেস্তর্ন দেদিকেতেদ ফ্রৈৎ কোরিদোর অনিমক লৈদুনা ভারতকী মীয়ামগী সেবা তৌরগনি। প্রধান মন্ত্রী, শ্রী নরেন্দ্র মোদীনা ইস্তর্ন অমসুং ৱেস্তর্ন মাইকৈগী দেদিকেতেদ ফ্রৈৎ কোরিদোর অনিমক্কী অহানবা কিলোমীতর ৬৫০গী অশাংবসু শঙ্গাখ্রে। মার্চ ফাওবগী মনুংদা ঐখোয়না দি.এফ.সি.গী অতোপ্পা অহেনবা কিলোমীতর ৩৫০-৪০০সু শিজিন্নবা য়ারগনি”।
শ্রী গোয়লনা ভারতনা নীংহন্নবা লৈতবা অমসুং খুদোংচাবা কয়াবু থেংনবা ঙম্বগী মতিক অসি মালেমদা উৎপসু ঙমখ্রে হায়না হায়খি। হৌজিক থোক্লক্লিবা স্তেতিস্তিক্স খুদিংমক্না অনৌবা ভারত অসিনা শাহৌ লৌবগী মতাংদা হান্নবা লৈরম্বা রেকোর্দ খুদিংমক থুগাইরগনি, ভারৎকী শেন্মিৎলোনবু মরোমদোম লেপচবা ঙম্বগী মঙলানসু মংফাওনরগনি অমসুং মালেমগী মফমদা ফংফম থোকপা মফমসু ফংলগনি হায়খি। মহাক্না মখা তানা অসুম্না হায়খি, “প্রধান মন্ত্রী, শ্রী নরেন্দ্র মোদীগী লুচিং মখাদা লৈবা ভারত অসিনা অয়েৎপা অসিনা খুদোংচাদবা ওইরক্কনি অমসুং ঐখোয়না মসিবু খুদোংচাবদা ওন্থোকপা ঙম্লে হায়বা থবক্না তাকখ্রে”।
*****
(Release ID: 1690277)
Visitor Counter : 163