কোবিদ-১৯ লাইচৎকী মায়োক্তা মালেমগী ওইনা খ্বাইদগী অচৌবা বেক্সিনেসন কেম্পেন লৈবাক শিনবা থুংনা লোঞ্চ তৌখিবগা ইরোইননা অন্দমান অমসুং নিকোবর কম্মান্দগী হেদক্বাতরশিংগী লুচিং মখাদা আই.এন.ঐচ.এস. ধনবন্তরীদা জনুৱারী ১৯, ২০২১দা ত্রাই-সর্ভিসেসকী এল্থ কিয়র ৱার্করশিং (ঐচ.সি.দবল্যু.শিং)গীঅহানবা তাঙ্কক্কী বেক্সিনেসন দ্রাইভ হৌখ্রে। তাঙ্কক নাইবা মওংদা মথং মনাও নাইনা কম্মান্দগী ফ্রন্ত লাইন ৱার্কর (এফ.এল.দবল্যু) পুম্নমক তিকা থাদোক্কনি। অহানবা তাঙ্কক্কী বেক্সিন দোস পুন্না ৩৭০ অন্দমান অমসুং নিকোবর এদমিনিস্ত্রেসনগী দিরেক্তোরেৎ ওফ হেল্থ সর্ভিসেসতগী ফংখ্রে। কম্মান্দ অসিগী তোঙান তোঙানবা য়ুনিৎশিংগী ঐচ.সি.দবল্যু.শিং, নোদেল ওফিসরশিং অমসুং বেক্সিনেতরশিংবু এ অমসুং এনগী এদমিনিস্ত্রেসন অমসুং দবল্যু.ঐচ.ও.গী মীহুৎশিংনা পোর্ত ব্লাইয়রদা বেক্সিনেসনগী থৌওংগী মতাংদা ত্রেনিং পীখ্রে। বেক্সিনেসন দ্রাইভ অসি কম্মান্দর-ইন-চীফ, অন্দমান এন্দ নিকোবর কম্মান্দ (সি.আই.এন.সি.এ.এন.) লেফতনেন্ত জেনরেল মনোজ পান্দেনা হৌদোকখি।

থৌরম অসিদা পর্সনেলশিংদা ৱা ঙাংবদা, ঈথৎ অসিদা কোবিদ-১৯ লাইচৎ লাকশিনবদা ঐচ.সি.দবল্যূশিংনা হোৎনখিবশিং অদু শীংথানিংঙাই ওই হায়না সি.আই.এন.সি.এ.এন.না থাগৎখ্রে। মহাক্না হায় বেক্সিনেসন দ্রাইভ অসিনা ‘ফাইতিং-ফিৎ’ অমসুং ‘ওপরেসন-রেদী’ ওইহনবা খক্তা নত্তনা লাইচৎ অসি লাকশিন্নবা অমসুং মুত্থৎনবা মালেমনা হোৎনরিবশিং অসিদা মতেংসু পাংলি। মহাক্না বেক্সিনগী মরমদা তোকঙাশিং শন্দোক্লিবা অদি থাজবীগনু অমদি লম অসিদা লৈরিবা এক্সপর্তশিংদা থাজবা থম্নবসু ফোঙদোকখ্রে। মহাক্না বেক্সিনেসনগী মতুংদসু কোবিদ-১৯গা চুনবা চৎন-লোনচৎ মখা তানা ঙাক্না চৎপা মথৌ তাই হায়না ফোঙদোকখ্রে।

প্রোতোকোলগী মতুং ইন্না চেকশিল থৌরাং পুম্নমক লৌখৎতুনা অমদি কোবিদ-১৯গা চুনবা কাংলোনশিং চেকশিন্না ঙাকপগা লোইননা মকোক থোংবা হেল্থ ওফিসর অমসুং ঐচ.সি.দবল্যু. ৩৬ তিকা থাখ্রে। লাক্কদৌরিবা নুমিৎ খরা অসিদা লেমহৌরিবা দোসশিং অসি তাঙ্কক নাইবা মওংদা অৱাং থংবা অমদি খা থংবা গ্রুপ ওফ আইলেন্দশিংদা লৈরিবা য়ুনিৎশিংদা মথৌ তৌরিবা য়াওনা অতোপ্পা ঐচ.সি.দবল্যুশিংদা কাপকনি।

কম্মান্দদা বেক্সিন প্রোগ্রাম হৌদোকখিবগা লোইননা লাইচৎ অসিগী মায়োক্তা লান্থেংনবগী অরোইবা তাঙ্কক্তা এ অমসুং এন এদমিনিস্ত্রেসনদা আর্ম ফোর্সশিং শরুক য়াখি।

*****