পেত্রোলিয়ম অমসুং নেচরেল গ্যাস অমসুং স্তীলগী মন্ত্রী, শ্রী ধর্মেন্দ্র প্রধাননা ঙসি ভুবনেস্বরদা থৌরম অমদা, এল.পি.জি. শিজন্নরিবা মীশিংগীদমক মীস্দ কোল ফেসিলিতি হৌদোকখরে, মসি মীয়ামগী পুন্সি লায়হনবগী মায়কৈদা সরকারগীমরু ওইবা খোংথাং অমনি। ইন্দিয়ন ওইল এল.পি.জি. শিজন্নরিবা মীশিংনা মীসদ কোল নম্বর ৮৪৫৪৯৫৫৫৫৫দা গ্যাস হানবগীদমক বুকিং তৌবগী শিজিন্নবা য়াগনি – ইন্দিয়াগী মফম পুম্নমক্কীদমক অমসুং ভুবনেস্বর সিতীগীদা অনৌবা কনেক্সন লৌনবগীদমক হায়রিবা নম্বর অসি শিজিন্নবা য়াগনি।

মতাং অসিদা শ্রী প্রধাননা ইন্দিয়ন ওইলনা পুথোকপা এক্স.পি.১০০গী শক্তমদা ব্রেন্দেদ মালেমগী থাক্কি  প্রিমীয়ম গ্রেদ পেত্রোল (ওক্তেন ১০০)গী অনিশুবা তাঙ্ককসু হৌদোকখ্রে। অনিশুবা তাঙ্কক অসিদা ইন্দিয়ন ওইলগী ব্রেন্দেদ এক্স.পি.১০০বু চেন্নাই, বেঙ্গলোর, হাইদ্রাবাদ, কোলকাতা, কোচি, ইন্দোর অমসুং ভুবনেস্বর য়াওনা অহেনবা সিতী তরেত্তা হৌদোকখরে। কেন্দ্রগী মন্ত্রী অসিনা এক্স.পি.১০০বু অহানবগী তাঙ্কক্তা, থা অমগী মমাংদা দিসেম্বরগী ০১, ২০২০দা, ইন্দিয়াগী সিতী ১০দা অখন্নবা আউতলেতশিংদা হৌদোকখ্রে।

শ্রী প্রধাননা থৌদোক অসিদা ৱা ঙাংবদা হায়খি, মীসদ কোল ফেসিলিতী অসি মীয়ামদা অহেনবা সর্বিস ফংহনবগী মায়কৈদা দিজিতেল ইন্দিয়া মীশনগী মায়পাকপগী খুদম অমনি। মহাক্না হায়খি সরকারনা সেবা পুম্নমক মীচমদা য়ৌহন্নবা অমসুং মীচমগী পুন্সি হিংবগী মওং লায়হন্নবগীদমক ইন্দিয়াগী মীপুম খুদিংমক্তা চপ মান্নবা মীৎয়েংদা য়েংবা ঙম্নবা তেক্নলোজী শিজন্নরক্লিবনি। মহাক্না হায়খি, সর্বিস অসি ভুবনেস্বরদা হৌদোকখ্রে অদুগা অথুবা মতমদা লৈবাক শিনথুংনা হৌদরক্লনি। শ্রী প্রাধাননা গ্যাস এজেন্সিশিং অমসুং দিস্ত্রিব্যুতরশিংদা, এল.প.জি.সীলিন্দরগী দিলিভরী তৌবগী মতম অদু নোংমা চংবদগী হন্থদুনা পুং খরগী মনুংদা য়ৌহন্নবা হায়খ্রে। মহাক্না হায়খি, লৈবাক অসিনা এল.পি.জি.গীদমক মতম কুইনদগী হোৎনরক্লিবনি। চহি ১৯৫৫দগী ২০১৪ ফাওবদা মী করোর ১৩দা এল.পি.জি. কনেক্সন পিখ্রে, অদুবু ঙসিদি অসিগী কনেক্সন অসি করোর ৩০ য়ৌরে, হায়রিবা অসি সরকারগী ওইনা অচৌবা পান্দম অমা ফংবা অমসুং মীচমদা অশেংবা মখলগী ফ্যুৱেল য়ৌহন্নবগী ৱারেপ অদু উৎলি। এল.পি.জি. কনেক্সন অসিনা ইন্দিয়াগী নুপীশিংবু থৌনা পীরি হায়নসু মহাক্না হায়খি।

মন্ত্রী প্রধাননা মীচমগী পুন্সি লায়হনবগীলম্বিদা তক্নোলোজীগী থৌদাংগী মরমদসু হায়খি। মহাক্না মরু ওইনা দিলিভরী বোয়স’ পু ‘কোরোনা ৱারিয়র’ হায়না কৌখি অমসুং কোরোনা লাইচৎ মতমদসু মখোয়না থৌনা উত্তুনা অমসুং পুকচেল শেংনা অপনবা অমত্তা লৈহন্দনা য়ুম য়ুমদা চৎলগা এল.পি.জি. য়ৌহল্লিবশিংবু ঙমখৈ লৈত্তনা থাগৎখি। মহাক্না হায়খি, মালেম অসিনা, মখোয়গী নুঙাই য়াইফবা অমসুং খুদোংচাবা কয়া লৈনা-লৈনা কোরোনা লাইনা অসিদগী অৱাবা মায়োক্নদুনা লৈরবদা, প্রধান মন্ত্রী, শ্রী নরেনদ্রা মোদীনা লুচিংদুনা ইন্দিয়ানা লাইনা অসিগী মায়ক্তা লান্থেংনখি, মহাক্না লৈবাক শিনবা থুংনা মথৌ পাংথোকহনখি অমসুং মালেমগীদমক খুদম অমা ওইনা উৎখি।

লৈবাক অসিগী খ্বাইদগী কুইরবা অসামগী দিগবোইদা লৈবা রিফাইনরীদগী এক্স.পি. ১০০কী অহানবা লোদ থাদোক্তুনা শ্রী প্রধাননা হায়খি, মসিনা প্রধান মন্ত্রীগী পুর্ৱোদয়গী ৱাখলবু উৎলি মহাক্না হায়খি, এক্স.পি. ১০০ অসি মালেমগী থাক্তা লৈবা অফবা পেত্রোলনি, মসিনা হাই স্পীদ কারশিংগী মগুন অমুক্কসু হেন্না হেনগৎহনগনি। শ্রী প্রধাননা হায়খি, দিগবোই রিফাইনরীদগী পুথোক্লিবা মালেমগী থাক্তা লৈবা অফবা পেত্রোল অসিনা অৱাং-নোচুপকী রিতেল দুকানশিংগী মথৌতাবা থাউ পিবা ঙমগনি। দিগবোইদা হৌজিক হৌজিক লৈরিবা ইনফ্রাস্ত্রকচর অমসুং সেকন্দরী প্রোসেসিং ফেসিলিতীশিং অদু শিজিন্নদুনা এক্স.পি. ১০০ পেত্রোল পুথোক্তুনা মথুরা অমসুং বরৌনিগী খ্বাইদগী থাক ৱাংবা কাংলুপ অসিদা য়াওখ্রে। লৈবাক অসিদা লৈরিবা রিফাইনরীশিংগী মরক্তগী খ্বাইদগী অরিবা রিফাইনরী অমা ওইনা, লৈবাক অসিদা খ্বাইদগী অফবা অমসুং অহেনবা মওংগী পেত্রোল পুথকপা অসি তশেংনা য়াম্না থাগৎনিংঙাই ওইবা মাইপাক্না পাংথোক্লিবা থবক অমনি।

আই.ভি.আর.এস. ফেসিলিতীদগী  মীসদ কোল রিফিল বুংকিংগী কান্নবা খরা:

• অথুবা মতমদা বুকিং তৌবা, কস্তমরনা মতম শাংনা ফোন পাইদুনা লৈবগী মথৌ তাররোই

• আই.ভি.আর.এস.তা কোল তৌবা চার্জ লৌই, অদুবু মসিগী ফেসিলিতী অসিদা কস্তমরনা শেল অমত্তা তিংদে।

• আই.ভি.আর.এস.কী ফেসিলিতী খংদবশিংনা নত্রগা আই.ভি.আর.এস.কী ফেসিলিতী শিজিন্নবা ঙমদদুনা অৱাবা থেংনরিবা অহলশিংনা, মীসদ কোল পীদুনা রিফিল বুকিং তৌবগী খুদোংচাবা লৌবা য়াগনি।

• খুঙ্গংগী কঞ্জুমরশিংগী পুন্সি অমুক্কসু হেন্না লায়হল্লগনি।

*****