রেলৱে মন্ত্রালয়
কোবিদ-১৯গী মায়োক্তা চৎথখিবা খ্বাইদগী চাউবা তিকা থাবগী খোঙজংদা ভারত রেলৱেজ শরুক য়াখি
নিউ দিল্লি অমসুং জবালপুরদা লৈবা রেলৱেজ হোস্পিতালশিংদা কোবিদ তিকা থাবগী থবকশিং পাংথোকখি অমসুং অহানবা নুমিত্তা দোক্তর অমসুং পেরামেদিক্স ১২৪ তিকা থাখি
রেলৱেজ হোস্পিতালশিংদা হোস্পিতালগী মকোকশিং হান্না তিকা থাখি
प्रविष्टि तिथि:
16 JAN 2021 10:26PM by PIB Imphal
কোবিদ-১৯গী মায়োক্তা চৎথখিবা খ্বাইদগী চাউবা তিকা থাবগী খোঙজংদা ভারত রেলৱেজ শরুক য়াখ্রে।
ঐখোয়গী প্রধান মন্ত্রীনা পুৱারিদা খ্বাইদগী চাউবা তিকা থাবগী খোঙজং হৌদোক্লবা অমসুং ৱা ঙাংলবা মতুংদা, লৈবাক শীনবা থুংনা চৎথরিবা কোবিদ-১৯ তিকা থাবগী শরুক অমা ওইনা ঙসি নোর্থন রেলৱেজ সেন্ত্রেল হোস্পিতালদা তিকা থাবগী থবক হৌদোকখি।
স্তাফশিং পুক্নিং থৌগৎপা ওইনা, এন.আর.সি.ঐচগী এম.দি দোক্তর সরত সি.খোরৱালদা অহানবা ওইনা তিকা থাখি। মসিগা মান্নবা মওংদা, জবালপুরদশু এম.দিদা হান্না তিকা থাখি।
সেনিয়র দোক্তরশিং য়াওনা হোস্পিতালগী স্তাফ কয়া তিকা থাখি। তিকা থাখ্রবা মতুংদা হকচাংদা অকায়বা লাকপরা হায়না মিনিত ৩০ য়েংশিনখি। থৌরম অদু য়াম্না ফজনা শীনখি। তিকা থাফমদা পায়খৎলিবা অশীন-অরাংগী থবকশিং মী খুদিংমক্না থাগৎনখি।
ঙসি নোর্থন রেলৱেজ সেন্ত্রেল হোস্পিতালদগী হকশেলগী স্তাফ ৫১ কোবিসিল্দ তিকা থাখ্রে। মখোয়গী মনুংদা নুপা ২৮ অমসুং নুপী ২৩নি।
জবালপুর রেলৱেজ হোস্পিতালদা দোক্তরশিং অমসুং পেরামেদিকশিং ৭৩ তিকা থাখ্রে।
তিকা কাপখ্রবা মতুংদা ঙসি মীওই অমতা অশোই-অঙাম থোকপা লৈতে।
অসিগুম্বা তিকা থাবগী থবকশিং এন.আর.সি.ঐচতা মখা তানা পাংথোক্কনি। জনুৱারি ১৮,২০২১দা মথংগী তিকা থাবগী থবক পাংথোক্নবা থৌরাং তৌরি।
(रिलीज़ आईडी: 1689300)
आगंतुक पटल : 236