কলচর অমসুং তুরিজমগী মিনিস্তর ওফ স্তেত (আই./সি.) শ্রী প্রহলাদ সিংহ পতেলনা ঙসি মধ্য প্রদেশকী জবলপুর দিস্ত্রীক্তকী মফম অনি কারানবেল (সাইত ১) অমসুং তেৱার (সাইত ২)দা এক্সাভেসন সাইত হৌদোকখ্রে। থৌরম অসিদা মিনিস্তরনা নাৎকী ওইবা পুজাদা শরুক য়াখি অমসুং উ পাম্বী অমশু থাখি।

কারানবেল ত্রীপুরি চৎপদা মিনিস্তরনা ইন্তরপ্রেতেসন সেন্তর অমা এগ্রীকলচরেল ফীলদ অসিদা তাদুনা লৈরিবা অমসুং খুঙ্গং অসিগী য়ুমশিংদা লৈরিবা থায়নগী ওইবা পোৎলমশিংগীদমক মফম অমা শাগৎপগী অপাম্বা থমখি। মহাক্কী খোঙচৎ অসিদা শ্রী পতেলনা খুঞ্জাশিং অসিগী য়ুমশিংদা কোইখি।

তেৱারগী সাইত ২ অসি য়েংশিনবা মনুংদা মিনিস্তরনা বাওদিগী থায়নগী ওইবা পোৎলমশিং অসি ঙাক্তুনা থম্নবা খঙহনখ্রে অমসুং মুর্তিশিং অসি এস্কাভেসন কেম্পদা মফম চানা থম্নবা খঙহনখি। মসি মিনিস্তর অসিগী জবলপুর সর্কলগী নৌনা পুথোকপা আর্কিওলোজিকেল সর্ভে ওফ ইন্দিয়া অসিদা অহানবা লাকপনি। মিনিস্তরনা এ.এস.আই. জবলপুর সর্কল অসি মথৌ নিংথিনা পাংথোক্নবা মতেং পীগনি হায়না থাজবা পীখ্রে। 

আর্কিওলোজিকেল সর্ভে ওফ ইন্দিয়াগী জবলপুর সর্কল অসি ২০২০গী ওগস্ত থাদা অনৌবা সর্কলশিং হায়বদি ত্রীচি, ঝান্সি, মীরুত, হাম্পি, রায়গঞ্জ অমসুং রাজকোত য়াওনা শেমগৎশিবনি।

জবলপুর সর্কলগী আর্কিওলোজিস্ত সুপরিন্তেন্দেন্ত শ্রী সুজিত নায়নগা অতৈ এ.এস.আই.স্তাফশিংগা লোয়ননা খোঙচৎ অসিগী মনুংদা শরুক য়াখি।

****

(রিলিজ আই.দি.: 1689283) ভিজিতর কাউন্তর : 138