আর্থ সাইন্স মন্ত্রালয়
ইন্দিয়ন মেতিওরোলোজিকেল দিপার্তমেন্ত(আই.এম.দি.)না মহাক্কী ১৪৬শুবা মপোক নুমিৎ থৌরম পাংথোকখ্রে
দা. হার্শ বর্ধননা মুক্তেস্বর, উত্তরখন্দ অমসুং কুফ্রি, হিমাচল প্রদেশতা দোপ্লর ৱেদর রেদারশিং পুথোকখ্রে; ইসরোগা খুৎশম্নদুনা আই.এম.দি.দা মল্তি-মিসন মেতিওরোলোজিকেল দাতা রিসিভিং অমসুং প্রোসেসিং সিস্তেম (এম.এম.দি.আর.পি.এস.) লোঞ্চ তৌখ্রে
দা. হার্শ বর্ধন : স্তেত-ওফ-আর্ত দোপ্লর ৱেদর রেদারশিং থম্লকপা অসিনা দিজাস্তর মেনেজরশিং অমসুং কাইলাশ মন্সারোভর অমসুং চার ধম য়ত্রদা তীর্থ চৎলিবা মীওইশিং অসিদা য়াম্না মমল নাইদ্রবা মতেং ফংহল্লগনি
২০২০গী মতমদা সাইক্লোন দিস্তর্বেন্সেসগী মতাংদা পীবা রিপোর্ত, হিন্দি লোনদা ইরিবা মেগাজিন-‘মৌসম মঞ্জুশা’ অমসুং ত্রোপিকেল সাইক্লোনগী মতাংদা মৌসমগী অখন্নবা ইসু অমা পুথোকখ্রে; সি.এস.আই.আর-এন.আই.এস.সি.এ.আই.আর.গা খুৎশম্নদুনা “আই.এম.দি. জর্নেল মৌসমগী ওনলাইন ৱেব পোর্তেল” ওফিসিয়েল্লী ওইনা পুথোকখ্রে
Posted On:
15 JAN 2021 7:57PM by PIB Imphal
ঙসি ইন্দিয়ন মেতিওরোলোজিকেল দিপার্তমেন্ত(আই.এম.দি.)না মহাক্কী ১৪৬শুবা মপোক নুমিৎ থৌরম পাংথোকখ্রে৷ আই.এম.দি. অসি ভারতনা মনিং মখা তমদ্রিঙৈ মমাং মতমদগী লৈরক্লবা লৈবাক অসিগী খ্বাইদগী লিরবা, সাইন্তিফিক সর্ভিস ওর্গনাইজেসনশিং অসিগী মনুংদা অমনি৷ সাইন্স অমসুং তেক্নোলোজী, আর্থ সাইন্সেস অমসুং হকশেল অমসুং য়াইফ য়ুম্বালগী কেন্দ্রগী মন্ত্রী দা. হার্শ বর্ধন; এম.ওই.এস.কী সেক্রেতরী দা. এম. রজীবন; আই.এম.দি.গী দাইরেক্তর জেনেরেল দা. মৃত্যুঞ্জে মোহাপত্র; এম.ও.ই.এস.কী জোইন্ত সেক্রেতরী দা. বিপিন চন্দ্র; শ্রী অনন্দ শর্ম, হেক/এস.সি.-জি., ওর্গনাইজিং কম্মিতী অমসুং এম.ও.ই.এস. অমসুং আই.এম.দি.গী ওফিসিয়েল কয়ামরোম্না থৌরম অসিদা শরুক য়াখি অমসুং উত্তরখন্দ সরকারগী মুখ্য মন্ত্রী শ্রী ত্রিবেন্দর সিংহ রৱত; হিমাচল প্রদেশ সরকারগী মুখ্য মন্ত্রী শ্রী জাই রাম থাকুর অমসুং আই.এম.দি.গী মমাংগী দি.জি.শিং অসিনা ভর্চুয়েল ওইবা প্লেতফোর্মদা শরুক য়াখি৷
থৌরম অসিদা দা. হার্শ বর্ধননা মুক্তেস্বর, উত্তরখন্দ অমসুং কুফ্রি, হিমাচল প্রদেশতা দোপ্লর ৱেদর রেদারশিং পুথোকখ্রে; ইসরোগা খুৎশম্নদুনা আই.এম.দি.দা মল্তি-মিসন মেতিওরোলোজিকেল দাতা রিসিভিং অমসুং প্রোসেসিং সিস্তেম(এম.এম.দি.আর.পি.এস.) হৌদোকখ্রে অমসুং ২০২০গী মতমদা সাইক্লোন দিস্তর্বেন্সেসগী মতাংদা পীবা রিপোর্ত হিন্দি লোনদা ইরিবা মেগাজিন-‘মৌসম মঞ্জুশা’ থাদোরকখ্রে; সি.এস.আই.আর-এন.আই.এস.সি.এ.আই.আর.গা খুৎশম্নদুনা “আই.এম.দি. জর্নেল মৌসমগী ওনলাইন ৱেব পোর্তেল” ওফিসিয়েল্লী ওইনা পুথোকখ্রে (http://mausamjournal.imd.gov.in/index.php/MAUSAM/about/submissions); অমসুং ত্রোপিকেল সাইক্লোনগী মতাংদা মৌসমগী অখন্নবা ইসু অমা থাদোরকখ্রে৷
আই.এম.দি.গী স্তাফশিং, ওফিসরশিং, আর্থ সাইন্সেস মন্ত্রালয় অমসুং মেতিওরোলোজিকেল কম্ম্যুনিতী পুম্নমক অসিদা ইকাই খুম্নবা উৎলদুনা দা. হার্শ বর্ধননা অসুম্না ফোংদোকখ্রে, “১৮৭৫দা আই.এম.দি. অসি হেক লিংখৎখিবা নুমিৎ অসিদগী হৌদুনা য়াম্না ফৎতবা ইশিং-নুশিৎকী ফিভমশিং অসিনা থোহনবা চৈথেংশিং অসিদগী মীওইবগী পুন্সি অমসুং থৱাই পানবা জীবশিং অসি কন্নবা হোৎনবদা য়াম্না মরু ওইবা থৌদাং লৌদুনা লাক্লি”৷ ঐখোয়গী ফুদ সেক্যুরিতীগী পুন্সি লম্বী ওইরিবা নোংজুগী ফিভমশিং অসি ময়ামদা খঙহনবা অসিনা লৈবাক অসিগী শেল-থুম চাওখৎহনবতা নত্তনা নোংজু থাগী মতমদা থোকপা ইশিং ইচাউ অমসুং ইকং-থোকপা অসিনা মরম ওইদুনা পুন্সি মাংগদৌরিবা মীগী মশিংসু হন্থহল্লি৷ “ঐখোয়গী জি.দি.পি. অসি লৌউ-শিংউবদা য়ুমফম ওইবা অসিনা মরম ওইদুনা নোং অমসুং সাইক্লোনগী ফিভম অসি হেন্না চুম্না ময়ামদা খঙহন্নবা ঐই.এম.দি.না লেপ্পা লৈতনা মীৎয়েং থমদুনা লাক্লি৷ হৌখিবা চহী খরা অসিদা আই.এম.দি.না য়াম্না চুম্না অমসুং মতম চানা তোঙান তোঙানবা অরুবা ফিভমশিং খুদম ওইনা সাইক্লোন, নোং কন্না চুগদবা, খাকপা য়াওনা নোং চুবা, মৈশাগী ৱেব অমসুং অয়িংবা ৱেবশিং অসি ময়ামদা খঙহনবা অসিনা পুন্সি মাংগদবা মীগী মশিংশিং অদু হন্থহনবা ঙম্লে”, হায়না মহাক্না ফোংদোকখ্রে৷
“ইন্দিয়ন মেতিওরোলোজিকেল দিপার্তমেন্তনা সেন্ত্রেল অমসুং নোংচুপ থংবা হিমালয়গী তোঙান তোঙানবা মফমশিংদা ফেস নাইবা মওং অমদা দোপ্লর ৱেদর রেদারশিং থমদুনা মহাক্কী ওবজর্বেস্নেল নেতৱার্ক হেন্না মোদর্নাইজ তৌনবা হোৎনরি”৷ “মসিগী রেদার অসিনা কা হেন্না শিথীবা ইশিং নুংশিৎকী ফিভমশিং অদু ৱেবর ফোর্কাস্তরশিং অসিদা ফংহল্লগনি অমসুং মসিনা উত্তরখন্দ অমসুং হিমাচল রাজ্যগী লৈবাক মীয়ামশিং অসিগী য়াইফনবা অমসুং অশোক অপন য়াওদনবা দিপার্তমেন্ত অসিনা পীরিবা সর্ভিস অসি হেন্না ফহল্লগনি৷ মসিনা দিজাস্তর মেনেজরশিং অমসুং কাইলাশ মন্সারোভর অমসুং চার ধম য়ত্রদা তীর্থ চৎলিবা মীওইশিং অসিদা য়াম্না মমল নাইদ্রবা মতেং ফংহল্লগনি”, হায়না মহাক্না ফোংদোকখ্রে৷
ইসরোগা খুৎশম্নদুনা আই.এম.দি.দা শেমগৎখ্রবা মল্তি-মিসন মেতিওরোলোজিকেল দাতা রিসিভিং অমসুং প্রোসেসিং সিস্তেমগী আউতপুত অসি কা-হেন্না ফিভম শাথীবা ইশিং-নুংশিৎকী ফিভমশিং য়েংশিনবদা অমসুং ময়ামদা খঙহনবদা শিজিন্নরগনি অমসুং সেক্তোরেল এপ্লিকেসন কয়া অমা দিফেন্স সর্ভিসেস, দিজাস্তর মেনেজমেন্ত, পৱার সেক্তর, এভিয়েসন, রেলৱে. তুরিজম অমসুং এগ্রো-মেতিওরোলোজিকেল এদভাইজরী সর্ভিসশিং অসিনা অখন্নবা সেতলাইত-বেজ প্রদক্ত ইমাজেরীশিং শিজিন্নরগনি হায়না মন্ত্রী অসিনা শন্দোক্না ফোংদোকখ্রে৷ ভারত অসি কম্প্যুতিং পৱারদা য়ু.কে., য়ু.এস.এ. অমসুং জপানগী হেক মথংদা ৪শুবা মফম কল্লিবা অসিগীদমক মহাক্না থাগৎখ্রে অমসুং “কা হেন্না শাথীবা ইশিং-নুংশিৎকী ফিভমশিং মরিক চুম্না মীয়ামদা খঙহনবদা মতেং পাংলিবা অমমম্না কি.মি. ১২গী রিজোলুসন লৈবা এন্সেম্বল মোদেল অনি লৈবা লৈবাক অসি ভারত খক্তনি হায়না মঙোন্দা হায়রখিবা” অদু মহাক্না ময়ামদা পুথোক্তুনা খঙহনখ্রে৷
থৌরম অসিদা তোঙানবা তোঙানবা রাজ্যশিংদা লৈরিবা ওফিসিয়েলশিং, সাইন্তিসশিং অমসুং আই.এম.দি. ইন্সতিত্যুসনশিং অসিদা পীগদৌরিবা মনাশিং অমসুং এপ্রিসিয়েসন সর্তিফিকেৎ অদু লাওথোকখ্রে৷
*****
(Release ID: 1689272)
Visitor Counter : 161