সিবিল এবিয়েসন মন্ত্রালয়

আর.সি.এস-উরানগী মখাদা শেমগৎপা হিসার এয়রপোর্ত শঙ্গারে
শঙ্গাবা অসিদগী চান্দিগরদগী হিসার ফাওবা লৈবাক অসিগী অহানবা এয়র তেক্সি সর্বিস হৌরে

Posted On: 14 JAN 2021 4:26PM by PIB Imphal

ভারত সরকারগী উরে দেস কা আম নাগরিক(আর সি এস-উরান) স্কিমগী মখাদা চান্দিগরদগী হরিয়ানাদা নৌনা শাবা হিসার এয়রপোর্ত ফাওবা অহানবা ফ্লাইত ঙসি লমথাখ্রে। ফ্লাইত অদু হরিয়ানাগী চীফ মিনিস্তর শ্রী মনোহর লাল খাত্তরনা লমথাখি। শঙ্গাবা অদুদা সিবিল এভিএসন মিনিস্ত্রি অমসুং এয়রপোর্ত ওথোরিতি ওফ ইন্দিয়াগী সেনিয়র ওফিসিএলশিং শরুক য়াখি। লমথাখিবা অসিদগী উরান স্কিমগী মখাদা শেমগৎপা ৫৪শুবা এয়রপোর্ত থবক হৌরে। হৌজিক ফাওবদা উরান স্কিমগী মখাদা লম্বী ৩০৭, হেলিপোর্ত ৫ অমসুং ৱাতর এরোদ্রোম ২ য়াওনা এয়রপোর্ত ৫৪ মথৌ পাংথোক্লি।

হরিয়ানা সরকারগী মখাদা লৈবা সিত ১৮গী এয়রক্রাফ মখলগা চুনবা হিসার এয়রপোর্ত অসি পব্লিক লাইসেন্স এয়রপোর্ত অমনি। উরান স্কিমগী পান্দম “লৈবাক অসিগী মীচম মীয়াম পাইহনবা অমসুং লৈবাক অসিদা মথক্তা চৎথোক-চৎশিন তৌবা মমল হোঙহনবা অমসুং পাক-শন্না ফংহনবা” ফংনবা সিবিল এভিএসন মিনিস্ত্রিনা হিসার এয়রপোর্ত শেমগৎপনি। মতুং তারকপদা মরক্কী ওইনা মীচম মীয়ামগী থবকশিং পাংথোক্নবা শেমগৎ-শাগৎনবা ভারত সরকারনা লুপা করোর ২৮.৬০ কাইথোকখি। হিসার এয়রপোর্ত হেন্না ফজনা শেমগৎ-শাগৎনবা এয়রপোর্ত ওথোরিতি ওফ ইন্দিয়াদা লম শীন্নখ্রে। শেমগৎ-শাগৎপা অসিগী মনুংদা অনৌবা তর্মিনেল বিল্দিং, হেঙ্গরশিং, রনৱে ফগৎহনবা, নুমিদাং পাইবা য়ানবা খুৎলায়শিং থম্বা, এ.তি.সি, সেকুরিতিগী পোৎলমশিং শেমগৎপা য়াওরি।

উরান ৪ বিদ প্রোসেসকী মখাদা হিসার-চান্দিগর-হিসার লম্বী অসি এয়রলাইন এভিএসন কন্নেকতিবিতি এন্দ ইনফ্রাস্ত্রকচর দিবলপ্পরস প্রাইভেদ লিমিতেৎ(এয়র তেক্সি)দা শীন্নখ্রে। এয়রলাইন অসিদা লৈবাক অসিদা এয়র তেক্সি সর্বিস হৌদোকপদা মতেং পাংনবা লৈবাক অসিগী অহানবা স্তার্দঅপ এয়রলাইন ওইরে। হায়রিবা উরান ফ্লাইতশিং অসিনা হিসারদগী চান্দিগর ফাওবা চৎপদা পুং ৪.৫০ চঙলম্বা অদু য়াম্না নুংঙাইবা মিনিত ৪৫গী খোঙচৎ অমা ওইহল্লগনি অমসুং স্কিম অসিগী মখাদা পেসেঞ্জর লৈতবা অমসুং মশিং য়াম্না লৈতবা এয়রপোর্তশিংদা থবক তৌবদা পুক্নিং থৌগৎনবা খনগৎলবা এয়রলাইনশিংদা কেন্দ্র, রাজ্য সরকার অমসুং এয়রপোর্ত ওপরেতরশিংনা ভাইএবিলিতি গেপ ফন্দিং(ভি জি এফ)কী মওংদা শেন্থং পীবদগী ভারাসু মমল হোঙলে।

থৌরাং অসিনা হরিয়ানা অমসুং চান্দিগরগী মীয়ামগী অনিংবশিং থুংহল্লগনি। লনাই থবক্কী অমসুং শীনফমগী ওইনা হায়রিবা সহর অনি অসিগী মরক্তা মীওই কয়া য়াম্না তোইনা চৎথোক-চৎশিন তৌরি। হিসার অসি হরিয়ানা রাজ্যগী হিসার দিবিজনগী হিসার জিলাগী হেদক্বাতরনি। মফম অসি ভারতকী খ্বাইদগী চাউবা গালভানাইজ আইরন পুথোকপা সহরনি। লম্বী অসিদা ফ্লাইত পাইবা হৌবদগী লমদম অসিগী শেন-থুমগী ফিবম ফগৎলগনি অমসুং লমদম অসিদা মথক্তা চৎথোক-চৎশিনগী থবক হেনগৎহল্লগনি।

****



(Release ID: 1688589) Visitor Counter : 4