কম্মর্স অমসুং ইন্দস্ত্রীগী মন্ত্রালয়গী পার্লিয়ামেন্তরী কন্সল্তেতিব কম্মিতীনা ঙসি “ন্যু ফোরেন ত্রেদ পোলিসী ২০২১ - ২০২৬” হায়বা সবজেক্তা মীফম পাংথোকখ্রে। মীফম অদু কম্মর্স অমসুং ইন্দস্ত্রীগী কেন্দ্রগী রাজ্য মন্ত্রী শ্রী হর্দীপ সিংহ পুরীনা ময়াই তাংবল লৌখি অমদি পার্লিয়ামেন্তকী ওনরেবল মেন্বরশিং অমসুং মন্ত্রালয় অসিগী মকোক থোংবা ওফিসিএলশিংনা শরুক য়াখি।

পার্লিয়ামেন্তকী ওনরেবল মেম্বরশিংদা ফোরেন ত্রেদ পোলিসী (এফ.তি.পি.)গী মতাংদা শন্দোক্না তাকখি। ভারতকী এফ.তি.পি. অসি অমুক্তদা মহৌশানা চহি মঙাগী শেম্মি। এফ.তি.পি. ২০১৫-২০ অসি এপ্রিল ১, ২০১৫দগী চৎনবা হৌখি অদুগা মসি কোবিদ-১৯না মরম ওইদুনা মার্চ ৩১, ২০২১ ফাওবা চহি অমা শাংদোকখি।

অনৌবা এফ.তি.পি. অসি চহি মঙাগী ওইনা এপ্রিল ২০২১দগী চৎনবা হৌরগনি অমসুং মসিনা ভারত অসি ইন্তর্নেস্নেল ত্রেদকী লমদা লুচিংবা অমা ওইহল্লগনি অমসুং লৈবা য়োনবগী খুত্থাংদা অপুনবা খুদোংচাবা ফংলগনি অমসুং ভারত অসি য়ু.এস.দি. ৫ ত্রিলিয়ন ইকোনোমী ওইহন্নবা গ্রোত্থ অমসুং ইপ্লোইমেন্তগী সর্ভিস এক্সপোর্তশিং ফংহল্লগনি। অকক্নবা মতম অমদা ভারতনা য়ু.এস.দি. ৫ ত্রিলিয়ন মার্ক ফংনবা মরুওইবা লমদি এক্সপোর্তশিং হেনগৎহনবা, লৈবা-য়োনবা অমসুং সর্ভিস অনিমক, পোলিসী অসিগা মরী লৈনবা লৈবাক অসি অমসুং মপানগী ওইবা অপনবশিং সিস্তেমেতিক ওইনা কোকহনবা, ত্রাঞ্জেক্সন কোস্তশিং হন্থহন্নবা রিগুলেতরী অমসুং ওপরেস্নেল ফ্রেমৱার্ক অমসুং ইজ ওদ দুইং ব্যুজিনেস হেনগৎহনবা, ইফিসিএন্তকী খুত্থাংদা লো কোস্ত ওপরেতিং ইনভাইরনমেন্ত অমা শেম্বা, কোস্ত ইফেক্তিব ওইবা অমসুং লোজিস্তিক অমসুং য়ুতিলিতী ইনফ্রাস্ত্রকচর মতিক চানা লৈবনি। দোমেস্তিক মেন্যুফেকচরিং অমসুং সর্ভিসেস সেক্তরদা সরকারনা মতেং পাংবগা লোইননা মতিক চাবা ইনফ্রাস্তকচরগা লোইননা মথৌ তৌবা হেনগৎহল্লবদি ভারতকী মনুংদা লৈরিবা থোং মান্নদবা অসি কোকহনবা ঙমগনি অমসুং ত্রেদ পোলিসীদা খোংদাবা য়াগনি।

দিস্ত্রিক্ত এক্সপোর্ত হবশিংগী থৌরাং অসিনা অনৌবা এফ.তি.পি.গী মরু ওইবা মচাক অমা ওইরগনি হায়না খঙহনখ্রে। রিজনেল ওথোরিতীজ ওফ দি.জি.এফ.তি,গী খুত্থাংদা দিপার্তমেন্ত ওফ কম্মর্সনা জিলাশিংদা থৌরাং অসি মাংদা পুখৎনবা রাজ্য/য়ু.তি. সরকারশিংগা থবক পাইখৎখ্রে অমসুং লৈবাক অসিগী জিলা খুদিংমক্না এক্সপোর্ত হব অমা ওইবা ঙম্বগী মতিক ময়াই অদু লৈহন্নবা পান্দমগা ওইননা মসি তাঙ্কক নাইবা মওংদা ইমপ্লিমেন্ত তৌবা ঙমহল্লগনি।

অনৌবা ফোরেন ত্রেদ পোলিসী শেম্নবা স্তেকহোল্দরশিংগা লোইননা মীফমশিং পাঙথোকখ্রে। দিসেম্বর ২০২০দা বোর্দ ওফ ত্রেদকী মীফম পাঙথোকখি মদুদা রাজ্য সরকারশিং অমসুং অতোপ্পা স্তেকহোল্দরশিংদগী ইনপুৎশিং ফংখি। মখা তানা চেম্বরস ওফ কম্মর্স, ইন্দস্ত্রী এসোসিএসনশিং অমসুং এক্সপোর্ত প্রমোসন কাউন্সিলশিংগা লোইননা মখোয়গী ইনপুৎশিং লৌনবা মীফম পাঙথোকখি। তোঙান তোঙানবা স্তেকহোল্দরশিংদগী সজেসনশিং লৌনবা ত্রেদ নোতিস অমা থোকখি অমসুং সজেসন ২০০০ হেন্না লাকখি। সজেসন পুম্নমক অনৌবা এফ.তি.পি. শেম্বদা খন্নগনি।

ঙসিগী মীফম অদুদা পার্লিয়ামেন্তগী ইকাই খুম্নরবা মেম্বরশিংনা অনৌবা ফোরেন ত্রেদ পোলিসী ২০২১-২৬কী মতাংদা কান্নরবা সজেসনশিং পীখ্রে। শ্রী পুরি, এম.ও.এস.না এম.পি.শিংগী তোঙান তোঙানবা ইনপুৎশিং অমসুং সজেসনশিং অদু তরাম্না ওকখি অমদি হায়রিবা অসি অনৌবা এফ.তি.পি. শেম্বা মতমদা মন্ত্রালয় অসিনা খন্থগনি হায়না খঙহনখি। শ্রী পুরিনা এম.পি. পুম্নমক্তা মখা তানা ইনপুৎশিং/সজেসনশিংসু পীরক্নবা হায়খ্রে।

****