ঙসি ভিদিও কনফরেন্সকী খুৎথাংদা প্রভাসি ভারতীয়া দিৱসকী চহিগী মীফমদা “হকশেল, শেন-থুম, খুন্নাই অমসুং মালেমগী মরীশিংদা কোবিদ মতুংগী শিংনবশিং” হায়বা হিরমদা হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্ত হর্স ভর্ধন্না লুচিংদুনা প্লেনারি সেসন পাথোকখ্রে। মুথাম্মা হোলদা হকথেংন্না পাংথোকখিবা ১৬শুবা মীফম অসিগী পান্দমদি ‘কোবিদ মতুংগী শিংনবশিং ময়োক্নবা’ হায়বা অসিনি।

য়ুনিয়ন মিনিস্তরনা হায়খি হৌজিক থেংনরিবা লাইচৎ অসিদগী মীওইবা খুন্নাইনা হিংবদা মায়োক্নরিবা খুদোংথিবা অদু উৎলে অমসুং ঐখোয়না য়াম্না য়াংনা থবক পায়খৎনবা হোৎনগদবনি। ঐখোয়গী অনা-লায়য়েংগী থবকশিং অমসুং থৌরাং তৌবদা থৌশাদবদগী তুংদা লাক্কদবশিং অদু লাইচৎ অসিনা মীওইবা খুন্নাইদা মিকপ থোকহল্লে। অসিগুম্বা মালেমগী অৱাবা তারবা মতম অসিদা, মালেমগী হকশেলগী খুদোংচাদবশিং থেংন্নবা অমসুং মালেমগী মীয়ামগী হকশেলগী অৱাবশিং য়েংশিন্নবা শেন থাদবা অমসুং থৱায় য়াওবা অমুক হেনগৎহন্নবা মালেমগী ওইনা মতেং পাংনবা হেনগৎহন্নবা হোৎনবা মতম ওইরে। মতেং পাংনদুনা অমসুং ঐখোয়গী লৈরিবা পোৎলমশিং অমনা অমদা পীদুনা অৱাবশিং কোকহনবা ঐখোয়না দরকার ওইরে। লায়নাশিংদগী শিবা লাকশিন্নবা অফবা লম্বী অমা থিবা ঐখোয়না দরকার ওইরে। মালেমগী ওইনা হিদাক-লাংথকশিং অমসুং তিকাশিং কোন্নদবা লৈহন্দনবা ঐখোয়না অনৌবা পাম্বৈ অমা দরকার ওইরে। হায়রিবা পান্দমশিং অমসুং লম্বীশিং অসিগীদমক ঐনা নখোয় ময়ামগা লোয়ন্না থবক তৌমিন্নবা পাম্মী। লৈবাক কয়াগী থবকশিং খঙলবা নখোয় ময়ামগা লেপ্তনা উনবা অসিনা চাউখৎপা খোঙজেল য়াংখৎহন্দুনা হকশেলগী লমদা থম্লিবা পান্দমশিং ফংবা ঙমহনগনি।

মহাক্না হায়খি কোবিদ-১৯ তিক য়েন্থোক্নবা কো-ৱিন কৌবা অফবা রিএল তাইম দিজিতেল প্লেতফোর্ম অমা অরোইবদা ভারতনা পুথোক্লে। মালেম শীনবা থুংনা মমল হোঙবা, শাফবা অমসুং কান্নবা তিকাশিং পুথোক্নবা ঐখোয়না থবক পায়খৎলি। ঐখোয়গী লাল্লোংগী মরুওইবদি তিকা থাখ্রবা মতুংদা খুদোংথিবা থোক্তনবা তিকাশিং শাফনবা থাজবশিং লৈহনবনি।

শাথিরবা ভাইরস অসি ভারতনা কমদৌনা থেংনবগে হায়বগী মতাংদা দোক্তর হর্স ভর্ধন্না হায়খি ভারত্তা অনাবা মীওই মশিং খ্বাইদগী য়াম্না ফরে। সরকার অমসুং মীয়াম পুন্না হোৎনদুনা ঐখোয়না কোবিদ-১৯ লাকশিনবদগী ভারতনা কেস মশিং অমসুং শিবা মশিং লাকশিনবা ঙম্লে।

মহাক্না হায়খি প্রধান মন্ত্রী শ্রী নরেন্দ্র মোদীজিগী লমজিং মখাদা সরকারনা থবক য়াংনা পায়খৎলে অমসুং হৌখিবা চহিগী জনুৱারি ৮দা নোভেল ভাইরসকী অহানবা মীফম পাংথোকখি। লৈবাক অসিদা কোবিদ-১৯ লাকশিন্নবগী সরকারনা মার্চ ২৯,২০২০দা সরকারনা ইমপ্বার গ্রুপ ১১ শেমখি।

লৈবাক অসিনা পায়খৎলিবা থবকশিংগী অফবা ফলশিং ফংলকপদা থাগৎলদুনা মহাক্না হায়খি কোবিদ তেস্ত তৌনবা জনুৱারিদা লৈবাক অসিদা লেবোরেতোরি অমা খক লৈরম্বদগী হৌজিক লেবোরেতোরি ২,৩১৬ লৈরে। হৌজিক নোংমদা তেস্ত লাখ ১০ হেন্না পাংথোক্লে। মমাঙদা জিরোদা লৈরম্বদগী হৌজিক লৈবাক অসিদা নোংমদা দাইগনোস্তিক কিৎস লাখ ১০ হেন্না পুথোকপা ঙম্লে।

মমাঙ থানা থবক তৌরিবা মীওইশিং থাগৎলদুনা মিনিস্তরনা হায়খি খুদোংচাদবা কয়া থেংনরবসু ঐখোয়গী কোবিদ লান্মীশিংনা থৌদোক কয়াদা মাইপাক্লে অমসুং মীওইবা খুন্নাইগী থবক পাংথোক্লি। ঐখোয়গী লৈবাক্কী মীয়াম কোবিদতগী ঙাকথোক্নবা চোকথবা নাইদনা থবক তৌরিবা দোক্তরশিং, নর্সশিং, পেরামেদিকশিং, মমাঙ থানা থবক তৌরিবশিং, সেকুরিতি অমসুং পুলিসকী মীওইশিং, সেনিতরি ৱার্করশিং, ভোলুন্তিয়ারশিং অমসুং পাউমীশিংগী মফমদা লৈবাক অসিনা লমন তোল্লে।

দোক্তর হর্স ভর্ধন্না প্রধান মন্ত্রী অচৌবা প্রোজেক অয়ুস্মান ভারতকী মতাংদসু ৱা ঙাংখি।  স্কিম অসিনা মীওই মিল্লিয়ন ৫০০ হেনবদা লেম্না হেল্থ ইন্সুরেন্স পীনবা পান্দম থমদুনা, মসি মালেমদা খ্বাইদগী চাউবা হেল্থ ইন্সুরেন্স স্কিম ওইরে।

*****

(Release ID: 1687490) Visitor Counter : 133