হারিয়ানাগী পানচকুলা দিস্ত্রীক্ততা (পোলত্রী ফার্ম অনি) য়ুমদা য়োকপা উচেকশিংদা এভিয়ান ইনফ্লুএঞ্জাগী পোজিতিব কেস সেম্পল অসি  আই.সি.এ.আর.-এন.আই.ঐচ.এস.এ.দি.দগী চপ চাবা ফংলবা মতুংদা লমকোই উচেক্তগী এভিয়ান ইনফ্লুএঞ্জাগী পোজিতিব কেস অসি মধ্য প্রদেশকী শিবপুরি, রাজগর, শাজাপুর, অগার, ভিদিশা দিস্ত্রীক্ত, জুলোজিকেল পার্ক, কানপুর, উত্তর প্রদেশ অমসুং প্রতাপগর অমসুং রাজস্থানগী দাউশা দিস্ত্রীক্ততা রিপোর্ত লাক্লি। দিপার্তমেন্ত অসিনা শোকহল্লবা স্তেতশিং অসিদা লায়না অসি মখা তানা শন্দোরক্তনবা পাউতাক পীখ্রে। হৌজিক ফাওবদা লায়না অসি স্তেত তরেৎতা লৈরে হায়বা চপ চানা খঙলে (কেরলা, রাজস্থান, মধ্য প্রদেশ, হিমাচল প্রদেশ, হারিয়ানা, গুজরাত অমসুং উত্তর প্রদেশ)।    

০৮/০১/২০২১গী নুমিদাংদা ছত্তিসগর স্তেতকী মফম খরদা অমসুং০৯/০১/২০২১গী অয়ুক্তা ছত্তিসগরগী বালোদ দিস্ত্রীক্ততা য়ুমদা য়োকপা উচেক অমসুং লমলক্কী উচেক মরম চাদনা শিবগী রিপোর্ত লাক্লি। স্তেত অসিদা আর.আর.তি তীম অমা খুয়ৌনরবা ফিবম অসি য়েংলগা শেমখ্রে অমসুং সেম্পলশিং মরী লৈনবা লেবোরেতরীদা থাখ্রে। 

মখা তানা মরম চাদনা ঙানু শিবগী রিপোর্ত অসি দিল্লীগী সঞ্জয় পাৎতগী ফংলি। সেম্পলশিং মরী লৈনবা লেবোরেতরীদা তেস্তিংগীদমক থাখ্রে। মহারাস্ত্রাগী মুম্বাই, থানে, দাপোলি, পার্ভানি অমসুং বীদ দিস্ত্রীক্ততগী অশিবা ক্বাক্কী সেম্পলশিং এন.আই.ঐচ.এস.এ.দি.দা এ.আই. খংদোক্নবগীদমক থাখ্রে। 

মরক অসিদা কেরলাগী শোক্লবা দিস্ত্রীক্ত অনিদা কল্লিংগী থবকশিং চৎথখ্রে অমসুং থবকশিং অসিগী মতুংদা পায়খৎকদবা লমজিং লমতাকশিং কেরলা স্তেত অসিদা পীখ্রে। সেন্ত্রেল তীম অমা কেরলা, হারিয়ানা অমসুং হিমাচল প্রদেশকী স্তেতশিং অসিদা য়েংশিন্নবা অমসুং ইপিদেমিলোজিকেস ওইনা থিজুন্নবা কেরলা য়ৌখ্রে।

স্তেত অমসুং য়ু.তি.গী চীফ সেক্ত্রেতরী/এদমিনিস্ত্রেতর ই-পাউ ফাওনবা অমদা, দি.এ.ঐচ.দি.গী সেক্ত্রেতরীনা স্তেত এনিমেল হজবেন্দরী দিপার্তমেন্ততা ই-পাউ অমসুং মতেং পীনদুনা হেলথ ওথোরিতিশিংগা কুপ্না য়েংশিন্দুনা মীওইবদা চোংশিল্লক্তনবা চেকশিন থৌরাং লৌখৎনবা হায়খ্রে। মসিগী মথক্তা ঈশিংগী মফমশিং, অহিংবা উচেক, জু, পোলত্রী ফার্ম অসিনচিংবা অসি কুপ্না য়েংশন্নবা হায়রি। স্তেতশিং অসিশু এভিয়ান ইনফ্লুএঞ্জা অসি খুদক্তা লাকপদা ঙাকথোক্নবা অমসুং কল্লিং তৌবদা শিজিন্নবা পি.পি.ই. কিত মরাং কাইনা থম্নবা খঙহনখ্রে। সেক্ত্রেতরী/এদমিনিস্ত্রেতরশিংদা তোঙা শন্দোকপা থিংনবা পায়খৎপা য়াবা থবক পায়খৎনবা অমসুং ফুৎতোক্লবা অমসুং থোংদোক্লবা পোলত্রী অসি অকাইবা লৈতে হায়বা অসি মীয়ামদা খঙহনগদবনি। দি.এ.ঐচ.দি.মতেং স্তেত অসিদা শোইদনা ফংহগনি।   

*****