দিপার্তমেন্ত ওফ য়ুথ এফিয়র্সকী ইং কুমজা ২০২০গী মরু ওইবা হীরমশিং মখাদা পীরি :

জন অন্দোলন – কোবিদ-১৯ লান্থেংনবা ঙম্নবা চুনবা চৎন-লোনচৎ ঙাক্না চৎনবা এৱের্নেস অমসুং এজুকেসন পীবা

কোবিদ মনুংদা অহল ওইরবা অমদি মীমান্নদ্রবশিং য়েংশিনবিবা

কোবিদ-১৯ লাইচৎ শন্দোকপা লাকশিনবদা মীয়াম্না চুনবা চৎন-লোনচৎকী কাংলোনশিং ঙাক্না চৎপা তশেংনা মথৌ তাই। হায়রিবা অসি য়েংলগা এন.ৱাই.কেস.এস অমসুং এন.এস.এস.না মীয়াম্না কোবিদকা চুনবা চৎন-লোনচৎ ঙাক্না চৎনবা তাকপী-তম্বীনবা অমদি থৌগৎনবা ৱাখল্লোনগা লোইননা কোবিদ-১৯ লান্থেংনবা ঙম্নবা চুনবা চৎন-লোনচৎ ঙাক্না চৎনবা এৱের্নেস অমসুং এজুকেসন হৌখি। হৌখিবা থা ৭-৮ অসিগী মনুংদা শন্দোকখিবা প্রধান মন্ত্রীগী মন কী বাত্তা মহাক্না এন.এস.এস. অমসুং এন.ৱাই.কে.এস.না লৌরিবা থৌদাং অসিবু থাগৎখি। “covidwarriors.gov.in” কী ৱেবসাইৎতা লৈরিবা ৱারিয়র মশিং করোর ১.৫৯গী মনুংদা লাখ ৬০গী মথক্তা দিপার্তমেন্ত ওফ য়ুথ এফিয়র্সতগী ওইখি। এন.ৱাই.কে.এস অমসুং এন.এস.এস.না য়ুমদা করম্না ফেস মাস্কশিং শেমজগনি অমদি মখোয় করম্না চুম্না শীজিন্নগনি, সোসিএল দিস্তেন্সিং ঙাকপা, হাইজিনিক ওইনবা খুৎশা হাম্বা, লাইনাগী দি-স্তিগমতাইজেসন, লান্না থাজবা অমসুং অরানবা ৱাখল্লোনশিং, আয়ুশকী ইম্ম্যুনিতী কনখৎনবা খোঙথাংশিং থৌগৎপা, কোবিদ-১৯গী তেস্ত তৌথোক্নবা মীয়ামদা থৌগৎপা, আরোগ্যা সেতু দাউনলোন তৌদুনা শীজিন্ননবা থৌগৎপা অসিগুম্বা তোঙান তোঙানবা থবক-থৌরমশিং অসিগী খুত্থাংদা প্রজা করোর ৬.৪৭দা মাই পাক্না মতেং পাংখি।

থবক-থৌরম খরগী অকুপ্পা মরোল মখাদা পীরি:

• আরোগ্যা সেতু এপ দাউনলোদ তৌনবা ভোল্যুন্তীয়রশিংনা মীওই করোর ২.১৯দা থৌগৎপা।
• covidwarriors.gov.inদা ভোল্যুন্তীয়র লাখ ৬১.৩৫ এনরোল তৌখি।
• য়ুমদা ফেস মাস্ক শানবা প্রজা করোর ১.৪৬ ত্রেন তৌখি।
• কোবিদ-১৯দগী ঙাকথোক্নবা অহল ওইরবা মীওই লাখ ২২.৭৮দা মখোয়বু য়েংশিনবিখি।
• মতম অসিগী মনুংদা মীমান্নদ্রবা মীওই লাখ ৭.৩৯দা য়েংশিনবিখি।
• কোবিদ-১৯ লাইচৎ মনুংদা ভোল্যুন্তীয়র লাখ ১৯ হাপচিনখি।
• আই.জি.ও.তি./এম.ও.ঐচ.এফ.দবল্যু./দবল্যু.ঐচ.ও./এন.সি.দি.সি.গী মোদ্যুলশিংদা ভোল্যুন্তীয়র লাখ ৬২গী মথক্তা ত্রেন তৌখি।

এন.এস.এস. ভোল্যুন্তিয়টশিংনা ফেস মাস্কশিং য়েন্থোকপা

একজাম সেন্তরশিংদা এন.এস.এস. ভোল্যুন্তিয়রশিংনা হেন্দ সেনিতাইজেসন দ্রাইব চত্থবা

ভারতকী রাস্ত্রপতিনা নেস্নেল সর্ভিস স্কীম (এন.এস.এস.) এৱার্দশিং ভর্চ্যুএল ওইনা পীখি: ভারতকী রাস্ত্রপতি শ্রী রাম নাথ কোবিন্দনা নই দিল্লীগী রাস্ত্রপতি ভৱনদগী সেপ্তেম্বর ২৪, ২০২০দা ইং কুমজা ২০১৮-১৯গী নেস্নেল সর্ভিস স্কীম (এন.এস.এস.) এৱার্দশিং ভর্চ্যুএল ওইনা পীখি। কেন্দ্রগী য়ুথ এফিয়র্স অমসুং স্পোর্তসকী মন্ত্রী শ্রী কিরেন রিজিজুনা থৌরম অসি নই দিল্লীগী বিজ্ঞান ভৱনদগী শরুক য়াখি। ইং কুমজা ২০১৮-১৯গী নেস্নেল সর্ভিস স্কীম (এন.এস.এস.) এৱার্দ অসি য়ুনিভর্সিতী/+২ কাউন্সিল, এন.এস.এস. য়ুনিৎশিং অমসুং মখোয়গী প্রোগ্রাম ওফিসরশিং অমসুং এন.এস.এস. ভোল্যুন্তীয়র অসিগুম্বা তোঙান তোঙানবা কেতগোরী ৩দা এৱার্দী ৪২দা পীখি।

নেহরু য়ুবা কেন্দ্র সঙঘাথন্না কন্সতিত্যুসন দে পাঙথোকখি: দিপার্তমেন্ত ওফ য়ুথএফিয়র্সকী নেহরু য়ুবা কেন্দ্র সঙঘাথন (এন.ৱাই.কে.এস.)না ভারতকী শংবিধান, ফন্দামেন্তেল দ্যুতীশিংগী মরু ওইবা হিরমশিং অমদি ৱাখল্লোন অমসুং দা. বি.আর. অম্বেদকরগী পুন্সি অমদি মহাক্না তৌরম্বা থবকশিং অদু খঙহন্নবা পান্দমগা লোইননা নবেম্বর ২৬, ২০২০দা কন্সতিত্যুসন দে পালন তৌখি। এন.ৱাই.কেস.এস.না নেস্নেল য়ুথ ভোল্যুন্তীয়রশিং, নহা লুচিংবশিং, অমসুং লৈবাক অসিদা লৈরিবা য়ুথ ক্লবশিংগী মেম্বরশিংগী মতেংগা লোইননা কন্সতিত্যুসন দে য়ুথ ক্লব এক্তিবিতীস কেম্পেন মোদ অমদা পাঙথোকখি। হায়রিবা অসিগী শরুক ওইনা খুঙ্গং ৮১,৪৭৩দগী নহা ভোল্যুন্তীয়র লাখ ৪.২৭ হেনবনা কন্সতিত্যুস্নেল ভেল্যুস এন্দ ফন্দামেন্তেল দ্যুতীসকী ৱেবিনারশিং/তোকশিংদা শরুক য়াখি; #সংবিধান দিৱস অসিপোস্ত ৭,৩০৪ অমসুং ইমেজ ২৭,৭৫৬কা লোইননা প্রমোৎ তৌখি;  #মেরাকর্তাব্যাগী পোস্ত ৩০,৭৬৯গা লোইনা ইমপ্রেসন নম্বরিং লাখ ২.৭৬কা লোইননা সিয়র তৌখি; নহা লাখ ৮.৮০ অমসুং অতোপ্পা স্তেকহোল্দরশিংনা শরুক য়াবগা লোইননা কেম্পেন প্রমোসনগী বজ ক্রীএসন/পব্লিসিতীগী থবক থৌরম ১৫,৬৮৯; নহা ১৮,৫২৩না শরুক য়াবা পেন্তিং কম্পিতিসন; নহা ২৮,১৪৯না শরুক য়াদুনা সংবিধান অমসুং শ্রী বি.আর. অম্বেদকরগী পুন্সি ৱারীদা এক্সপর্ত ৯৬৪না লেকচর পীখি; নহা ২৫,২৩৬না শরুক য়াবগা লোইননা স্লোগান ইবগী থবক-থৌরম ১,৩২৬; নহা ১,৯২৭না শরুক য়াবা ওনলাইন ক্বিজ প্রোগ্রাম ১৪৪; নহা ১৪,৭৫৯না শরুক য়াবা ঈ পীবগী প্রোগ্রাম ২০৫; ফন্দামেন্তেল দ্যুতীশিংগী প্রীএম্বল ৱাল ৬১৫ থেৎখি। পুন্না শরুক য়াখিবা প্রজা অসি লাখ ৩৫.৬১ ওইখি।

ফিৎ ইন্দিয়া কেম্পেন-

“ফিৎ ইন্দিয়া কেম্পেন” অসি এন.ৱাই.কে.এস.না ফিৎ ইন্দিয়া কেম্পেনগী থিম অসি মীওই মশিং কয়াদা খঙহন্নবা অমসুং নুংতিগী হকচাং ফনা থম্নবা পুংখাই অমা শাজেল তৌনবা নহাশিং অমসুং খঞ্জাশিং এজুকেৎ তৌনবা অমসুং থৌগৎনবা পাঙথোকখি। থবক-থৌরমশিং অসিগী অকুপ্পা মরপল মখাদা পীরি:

· ৱেবকাস্তকী খুত্থাংদা অগস্ত ১৫, ২০২০দা ভাত সরকারগী য়ুথ এফিয়র্স এন্দ স্পোর্তস মন্ত্রালয়গী রাজ্য মন্ত্রী (আই/সি) শ্রী কিরেন রিজিজুনা অগস্ত ১৫, ২০২০দা ফিৎ ইন্দিয়া য়ুথ ক্লবশিংগী রেজিস্ত্রেসন লোঞ্চ তৌবা। প্রোগ্রাম অসি খুঙ্গং ৯৬,৭৯০গী নহা ২১,৮০,৭০০না মীৎয়েং তাখি।

· ফিৎ ইন্দিয়া ফ্রীদম রন অসি হকচাং ফনা থম্নবা অমসুং লৈবাক নীংবগী ৱাখল্লোন পোকহন্নবা দিস্ত্রিক্ত নেহরু য়ুবা কেন্দ্রশিংনা অগস্ত ১৫, ২০২০দা পাঙথোকখি।  রন অসিদা এন.ৱাই.কে.এস. ফিল্দ ওফিসিএলশিং, কোবিদ ভোল্যুন্তিয়রশিং, এফিলিয়েৎ তৌরবা য়ুথ ক্লবশিং, গঙ্গা দুৎস অমসুং এন.দি.আর.এফ.কী ত্রেন তৌরবা য়ুথ ভোল্যুন্তিয়রশিং অমসুং অতোপ্পা য়াওনা পুন্না ৫,০৭,৫৬০ শরুক য়াখি অমসুং অশাংবা কি.মি. ১০,১৫,১২০ কোনশিনখি।

· ফিৎ ইন্দিয়া য়ুথ ক্লবশিংগী রেজিস্ত্রেসন- মাগী www.fitindia.gov.inতা এন.ৱাই.কে.এস. য়ুথ ক্লব ৪৯,৬৩৫ অমসুং ফিৎ ইন্দিয়া য়ুথ ক্লবশিংনা রেজিস্তর তৌখি।

· ফিৎ ইন্দিয়া দাইলোগ - প্রধান মন্ত্রী শহরী নরেন্দ্র মোদীনা সেপ্তেম্বর ২৪, ২০২০দা ফিৎ ইন্দিয়া মুফমেন্তগী চহি অমা মপুং ফারকপগী পাল্লন তৌবা ওইনা লৈবাক শিনবা থুংবদগী ফিৎনেস এক্সপর্তশিং অমসুং ইনফ্লুয়েন্সরশিংগা লোইননা ৱারী শাখি। ওনলাইন ফিৎ ইন্দিয়া দাইলোগ মনুংদা মহাক্না ‘ফিৎ ইন্দিয়া এজ এপ্রোপ্রিয়েৎ ফিৎনেস প্রোতোকল’ লোঞ্চ তৌখি। মীওই লাখ ৯.১১না ফিৎ ইন্দিয়া দাইলোগ মীৎয়েং তাখি।

· প্রাভাত ফেরীস ৫১,৫৮৮ দিস্ত্রিক্ত নেহরু য়ুবা কেন্দ্রশিংনা থৱায় য়াওনা হোৎনদুনা পাঙথোকখি অমসুং নেস্নেল য়ুথ ভোল্যুন্তিয়র, য়ুথ ক্লবশিংগী মেম্বরশিং অমসুং খুন্নাইগী অতোপ্পা তোঙান তোঙানবা শরুকশিংদগী লাখ ১৩.০৯না শরুক য়াখি। য়ুথ ভোল্যুন্তিয়র লাখ ২.৭৪না মখোয় মশাবু ফিৎ ইন্দিয়া পোর্তেলদা রেজিস্তর তৌখি। #NewIndiaFitIndiaগী হেশ তেগ মশিং ৮২,৭৩৬ রেকোর্দ তৌখি।

· এন.ৱাই.কে.এস. য়ুথ ক্লবশোংনা থৱায় য়াওনা শরুক য়াবগা লোইননা দিসেম্বর ৭তগী ১৩, ২০২০ ফাওবা ফিৎ ইন্দিয়া মুফমেন্ত মেসেস শন্দোক্নবা দিস্ত্রিক্ত এন.ৱাই.কে.শিংনা সাইক্লোথোন ২৫,৬৯০ পাঙথোকখি। খুন্নাই অসিগী শরুক পুম্নমক্তগী নহা লাখ ১১.৫৬না শরুক য়াখি। সাইক্লোথোনশিং পাঙথোক্লিঙৈ মনুংদা অশাংবা কি.মি. ৬৭.০৫ কোনশিনখি।

পোশন অভিয়ান

পোশন অভিয়ানগী মখাদা নেহরু য়ুবা কেন্দ্রশিংনা ন্যত্রিসনগা মরী লৈনবা থবক-থৌরম লাখ অমগী মথক্তা পাইখৎখি: য়ুথ এফিয়র্স অমসুং স্পোর্তস মন্ত্রালয়না সেপ্তেম্বর ১, ২০২০দগী হৌখিবা পোশন মাহগী মনুংদা তোঙান তোঙানবা থবক থৌরমশিং পাইখৎখী। পোশন মাহনা ন্যুত্রিসন ইন্দিকেতরশিং হেনগৎহন্নবা লৈবাক শিনবা টুংনা মোবিলাইজেসন তৌনবা পান্দম থমখি। দিপার্তমেন্ত ওফ য়ুথ এফিয়র্সকী নেহরু য়ুবা কেন্দ্র সঙ্গথন (এন.ৱাই.কে.এস.)না লৈবাক শিনবা থুনা হৌখিবা চহি অনি অসিগী সেপ্তেম্বর থাদা নেস্নেল ন্যুত্রিসন মন্থ (রাস্ত্রিয়া পোশন মাহ) পাঙথোক্তুনা লাকখি। রাস্ত্রিয়া পোশন মাহ পাঙথোকপগী শরুক অমা ওইনা দিস্ত্রিক্ত নেহরু য়ুবা কেন্দ্রশিংনা দিস্ত্রিক্ত এদমিনিস্ত্রেসন, অঙ্গনৱাদি, আশা ৱার্করশিংগা লোইননা চুংশিন্নদুনা নেস্নেল য়ুথ ভোল্যুন্তীয়রশিং (এন.ৱাই.ভি.শিং), য়ুথ ক্লবশিংগী মেম্বরশিং, কোবিদ ভোল্যুন্তীয়রশিং, গঙ্গা দুৎশিং অমসুং অতোপ্পা এন.ৱাই.ভি.শিংবু মচি ওইবা চীঞ্জাক চাবা ৱাৎপগী সমস্যাশিং, মমাগী খোমলাং পীথকপগী কান্নবা, কিচন গার্দেনশিং থম্বা অসিগুম্বগী মতাংদা খুঞ্জাশিং সেনিতাইস তৌদুনা মপুং ফানা ইমপ্লিমেন্ত তৌনবা থৌগৎখি। নহা অমদি খুঞ্জা ৫১,০২,৯১২না শরুক য়াদুনা পোশন মাহদা থবক-থৌরম পুন্না ১,০৪,৪২১ পাইখৎখি। লাইচৎ মনুং অমদি মতুংদা মরু ওইনা সিবিয়র্লী এক্যুৎ মালনোরিশ ওইবা অঙাংশিংগীদমক্তা মচি ওইবা চীঞ্জাক চাবা ৱাৎপা অসি ঙাকথোকপা অসিগুম্বা হিরমশিংদা লমজিং লমতাক্নবা ন্যুত্রিসন এক্সপর্তশিং, খ্বাইদগী ফবা খোঙথাংশিং অমসুং মাই পাকখিবগী ৱারীশিং অসিনচিংবগা লোইননা তোঙান তোঙানবা রিসোর্স পর্সনশিংগী মতেংগা লোইননা ৱেবিনার ১,১২৫ পাঙথোকখি।

পোশন মাহ ২০২০ পাঙথক্নবা খনগৎলবা থবক-থৌরমশিং:

• সিবিয়র এক্যুৎ মালন্যুত্রিসন (এস.এ.এম.) ওইবা অঙাংশিং খঙদোকপা অমসুং ত্রেক তৌবগা লোইননা কিচন গার্দেনশিং লৈহন্নবা প্লান্তেসন দ্রাইব।

• দিজিতেল প্লেৎফোর্মশিংগী খুত্থাংদা কম্ম্যুনিতীদা য়ুম্ফম ওইবা সিবিয়র্লী মালনোরিশ/এস.এ.এম. ওইবা অঙাংশিং ভিজ্যুএল/ঙন্না খঙদোকপগী সেন্সিতাইজেসনদা মীৎয়েং চংনবা এন.ৱাই.এস.কে.গুম্বা য়ুথ ভোল্যুন্তীয়র গ্রুপশিং হেনগৎহনবা।

• “ফিৎ ইন্দিয়া” কেম্পেনগা লোইননা কো-ব্রান্দিং তৌবদা অমসুং এফ.এস.এস.এ.আই.গা লোইননা ফুদ ক্বালিতীগী দিজিতেল সেন্সিতাইজেসন তৌবা।

• অহেনবা ওইনা ন্যুত্রিসনগী সেন্সিতাইজেসন তৌবা, অফবা সেনিতেসন অমসুং হাইজিনগী প্রেক্তিসশিং, দাইতরী দাইভর্সিতী মরাং কাইহনবগী কান্নবা।

• মরী লৈনবা কেম্পসশিং/প্রিমাইসশিংদা ন্যুত্রি-গার্দেনশিং লৈহনবা।

এন.এস.এস., এন.সি.সি., এন.ৱাই.কে.এস ভোল্যুন্তীয়রশিং অমসুং উন্নাৎ ভারত অভিয়ানগী খুত্থাংদা নেস্নেল এজুকেসন পোলিসীগী মরমদা এৱের্নেস পীনবা নেস্নেল ৱেবিনার: এজুকেসন মন্ত্রালয়না সেপ্তেম্বর ১৬, ২০২০দা শিক্ষক পর্বকী থৌরাংগী মখদা এন.এস.এস., এন.সি.সি., এন.ৱাই.কে.এস ভোল্যুন্তীয়রশিং অমসুং উন্নাৎ ভারত অভিয়ানগী খুত্থাংদা নেস্নেল এজুকেসন পোলিসীগী মরমদা এৱের্নেস পীনবা নেস্নেল ৱেবিনার অমা পাঙথোকখি। ভর্চ্যুএল মীদিয়মগী খুত্থাংদা লৈবাক শিনবা থুংবদগী নেস্নেল কেদেৎ কোর্পস, নেস্নেল সর্ভিস স্কীম, নেহরু য়ুবা কেন্দ্র সঙ্গথন অমসুং উন্নাৎ ভারত অভিয়ানগী ভোল্যুন্তীয়রশিংনা শরুক য়াখি।

নেস্নেক এজুকেসন পোলিসী ২০২০গী মরু ওইবা ফীচরশিংগী মরমদা ই-পাউশিং খঙহনবা: এন.ৱাই.কে.এস.তা নেস্নেল এজুকেসন পোলিসী, ২০২০গী মরু ওইবা ফীচরশিংগী মরমদা মহৈরোয়শিং, মমা-মপাশিং, গ্রাম পঞ্চায়ৎশিং অমসুং মীয়ামগী মরক্তা খঙহনবগী থৌদাং পীখি। মসিগী শরুক অমা ওইনা এন.ৱাই.কে.এস.না ৱাতসএপ অমসুং ৱেবিনারশিংগী খুত্থাংদা নেস্নেল এজুকেসন পোলিসী ২০২০দা প্রধান মন্ত্রীগী মেন এদ্রেসতা ভিদিও সিয়র তৌবা, ওজাশিং, মমা-মপাশিং, মীয়াম অমদি পি.আর.আই.শিংগী মেম্বরশিংগী থৌদাং অদু খঙহনবা, ইমুং মনুংশিংদা মতেং পাংবা, অঙাংশিংগী ময়ুমদা লর্নিং মেতরিএলশিং য়ৌহনবদা ওজাশিংগী মতেং পাংবা অমসুং ভোল্যুন্তীয়রশিংগী য়ুমগী অনকপদা লৈবা অঙাং ওইরিব লর্নরশিংবু মখোয়না তাকপীবা অসিগুম্বা থবক থৌরমশিং এন.ৱাই.কে.এস.না পাইখৎখি। এন.ই.পি.-২০২০গী মরু ওইবা ফীচরশিংগী মতাংদা পুন্না প্রজা করোর ৩.৯০ সেনিতাইজ তৌখি।

রাস্ত্রিয়া স্বচ্ছতা কেন্দ্র হৌদোকপা অমদি গন্দগী মুক্ত ভারত অভিয়ান পাইখৎপা: অগস্ত ৮, ২০২০দা মশিং য়াম্লবা এন.ৱাই.কে.এস. ওফিসিএলশিং, য়ুথ ক্লব মেম্বরশিংনা রাস্ত্রিয়া স্বচ্ছতা কেন্দ্র হৌদোকপা মীৎয়েং তাখি। থৌরম অসিগা লোইননা চয়োল অমগী মমাংদা গন্দগী মুক্ত ভারত অভিয়ানসু হৌদোকখি। গন্দগী মুক্ত ভারত অভিয়ানগী শরুক অমা ওইনা এন.ৱাই.কে.এস.না সিঙ্গল য়ুস প্লাস্তিকক খোমজিনবা অমসুং খাইদোকপা, পব্লিক বিল্দিং শ্রামদান/শেংদোকপা, এস.বি.এম. মেসেসশিংগী ৱাল পেন্তিং তৌবা, শ্রামদান অমসুং প্লান্তেসন, ওনলাইন পেন্তিং কম্পিতিসন, লুনানবগী অমসুং সেন্সিতাইজেসনগী থবক-থৌরমশিং অমসুং অমাংশঙ শাবা/শেমজিনবা থবকশিং অসি পাঙথোকখি। নহা লাখ ৯৫.১৩না পুন্না শরুক য়াদুনা পুন্না থবক লাখ ৩.৪১ পাঙথোকখি।

ভর্চ্যএল মোদকী (ৱেবিনার) খুত্থাংদা এক ভারত শ্রেস্তা ভারত প্রোগ্রাম (ই.বি.এস.বি.) ২০২০-২১: দিপার্তমেন্ত ওফ য়ুথ এফিয়র্সনা এক ভারত শ্রেস্তা ভারতকী পাউজেল শন্দোকপদা মাংজিল থাখি। এন.ৱাই.কে.এস./এন.এস.এস.না হৌখিবা থা ০৭ অসিদা ৱেবিনার ৬৭ পাঙথোকখি মসিদা নাৎ, তুরিজম, চীঞ্জাক্কী হৈনবীশিং, জগোই, লোল, ফীজেৎ অসিনচিংবাগী মতাংদা এক ভারত শ্রেস্তা ভারতকী হিরম পুম্নমক্তা নহা লাখ ১.৫০ য়ৌদুনা পাঙথোকখি। রাজ্য/য়ু.তি. পুম্নমক্তগী নহা ১৪,৩৯৮না শরুক য়াবগা লোইননা ইতিহাস, মীয়াম, চীঞ্জাক, নাৎ অমসুং ইতিহাসিক ওইবা মফমশিংগী কান্নবা অমসুং তুরিস্তকী অপাম্বা অমসুং লেংগ্বেজ লর্নিং অসিগুম্বা হিরমশিংদা ৱেবিনার ২৩ মাই পাক্না পাঙথোকখি। য়ুমদা করম্না ফেস মাস্কশিং শেমজগনি অমদি মখোয় করম্না চুম্না শীজিন্নগনি, সোসিএল দিস্তেন্সিং ঙাকপা, হাইজিনিক ওইনবা খুৎশা হাম্বা, লাইনাগী দি-স্তিগমতাইজেসন, লান্না থাজবা অমসুং অরানবা ৱাখল্লোনশিং, আয়ুশকী ইম্ম্যুনিতী কনখৎনবা খোঙথাংশিং থৌগৎপা, কোবিদ-১৯গী তেস্ত তৌথোক্নবা মীয়ামদা থৌগৎপা, আরোগ্যা সেতু দাউনলোন তৌদুনা শীজিন্ননবা থৌগৎপা হায়রিবশিং অসি পাঙথোকখি।

নমামী গঙ্গে প্রোগ্রামদা নহাশিং য়াওহনবা:  এন.ৱাই.কে.এসনা নেস্নেল মিসন ফোর ক্লিন গঙ্গাগা লোইননা রাজ্য ৪গী জিলা ২৯দা গঙ্গা তুরেলগী তোর্বান্দা খুন্দারিবা খুঙ্গংগী মীওইশিংদা তরু তনান্না লৈনবা অমসুং সেনিতেসনগী এৱেয়র্নেস পীনবা থবক পাইখৎখি।

• নভেম্বর ১৮দগী ২০ ফাওবা নুমিৎ ৩ পাংথোকখিবা রিজনেল লেভেল ত্রেনিং কম ৱার্কশোপতা দিস্ত্রিক্ত প্রোজেক্ত অসিগী মখাদা প্রোজেক্ত ওফিসরশিং (দি.পি.ও.) অমসুং প্রোজেক্ত এসিস্তেন্তশিংদা গঙ্গা তুরেল শেংদোক্নবা মহৈ তম্বীবা অমসুং এৱেয়র্নেস পীবা, প্রোজেক্ত ইম্প্লিমেন্ত তৌনবা প্লান্নিং তৌবা, প্রোজেক্ত অসি খংহন্নবা, ফাইনান্সিএল ইম্প্লিমেন্তেসন শিল-লাংবা অমসুং গঙ্গা তুরেল শেংদোকগী স্পিচনা, মোতিবেস্নেল তোল্কশিংনা, আই.ই.সি. মেতরিএলশিং, স্লোগান, স্ত্রীৎ প্লেনা পুলুসনগী মতাংদা নহাশিং পুক্নিং চিংশিন্নবা ত্রেন তৌখি। 

• ইভেন্ত পার্তনর অমা ওইরিবা এন.এম.সি.জি.গা লোইননা কালান্তর আর্ত ত্রস্তনা ২০২০গী সেপ্তেম্বর ৫দগী ওক্তোবর ২ ফাওবা পাংথোকখিবা কালান্তর ২০২০ (নেস্নেল ওনলাইন ত্রেনিং প্রোগ্রাম)দা মীওই ১১৪০ শরুক য়াখি।

• ভর্চ্যুল প্লেৎফোর্মগী থোংদা ২০২০গী নভেম্বর ২দগী ৪ ফাওবা গঙ্গা উতসব ২০২০ পাংথোকখি। গঙ্গা আর্তি, নুক্কদ নাতকশিং, শিৎ-শেংবগী থবকশিং, গনগ ক্বিজনচিংবা থবক থৌরম ১৬৩৫ পাংথোকখি।

• ২০২০গী ওক্তোবর ৬ অমসুং ৭দা তুরেল অমসুং মসিগী অকোইবগী ফীফমগী ইসুসিং দি.পি.ওশিংদা খংহন্নবা ৱাইল্দলাইফ ইন্সতিত্যুত ওফ ইন্দিয়া, এম.ও.ই.এফ.সি.সি.না ত্রেনর কোর্সকী ওনলাইন ত্রেনিং পাংথোকখি।

• প্রোজেক্ত অসিগী মখাদা এপ্রিলদগী দিসেম্বর ফাওবগী মনুংদা চারা লাখ ৩.২৮ থাখি, এৱেয়র্নেস প্রোগ্রাম ২৫৬৯ শিনখি অমসুং শিৎ-শেংবগী থবক থৌরম ১৪৫৬ পাংথোকখি।

শ্রী কিরেন রিজিজুনা এন.ৱাই.কে.এস., এন.এস.এস. ভোলুন্তিয়রশিংগী খুত্থাংদা আত্মানির্ভর ভারতকী মতাংদা এৱেয়র্নেস পীনবা রাজ্যশিংগী পুক্নিং চিংশিনখ্রে: য়ুথ এফিয়র্স অমসুং স্পোর্তসকী কেন্দ্রগী মন্ত্রী শ্রী কিরেন রিজিজুনা জুলাই ১৪ ২০২০দা ভিদিও কনফরেন্সকী থোংদা রাজ্য অমসুং য়ুনিয়ন তেরিতোরী ১৮গী য়ুথ এফিয়র্স অমসুং স্পোর্তস বিভাগকী মন্ত্রীশিংগা লোইননা মকোক থোংবা ওফিসিএলশিং উনখ্রে। মীফম অসি কোবিদ-১৯ মতুংদা শান্ন-খোৎনবা অমুক হৌনবা রাজ্য অমসুং য়ু.তি. পুম্নমক্না রোদমেপ অমা শিয়র তৌনবগা লোইননা রাজ্যগী থাক্তা স্কিম কয়ামরুম প্রমোৎ তৌনবা নেহরু য়ুবা কেন্দ্র শঙ্গথন (এন.ৱাই.কে.এস.) অমসুং নেস্নেল সর্ভিস স্কিম (এন.এস.এস.)কী অহেনবা ভোলুন্তিয়র কয়ামরুম লৌনবা নুমিৎ নিনিগী ওইবা কনফরেন্সকী অহানবা শরুক্নি।

*****