পেত্রোলিয়ম অমসুং নেচরেল গ্যাস অমসুং স্তীলগী কেন্দ্র মন্ত্রী, শ্রী ধরমেন্দ্রা প্রধান্না ঙসি ভিদিও কনফরেন্সিংগী খুত্থাংদা মোঙ্গোলিয়াগী এম.পি., মন্ত্রী অমসুং চীফ কেবিনেৎ সেক্রেতরী অমসুং ইন্দিয়া-মোঙ্গোলিয়া জোইন্ত কম্মিত্তী ওন কোর্পোরেসনগী কো-চেয়র, হিস এক্সেলেন্সী শ্রী এল. ওয়ুন-ইর্দীন অমসুং মাইন অমসুং হেভী ইন্দস্ত্রীগী মন্ত্রী, হিস এক্সেলেন্সী শ্রী জি. য়োন্দোনগা ৱারী শাখি। হাইদ্রোকার্বোন অমসুং স্ত্রীল সেক্তরশিংদা লৈবাক অনিগী মরক্তা খুৎশম্নবগী থৌওংশিংসু মীফম অসিদা নীংথিনা য়েংশিনখ্রে।

শ্রী প্রধান্না হিস এক্সেলেন্সী শ্রী এল. ওয়ুন-ইর্দীন অমসুং হিস এক্সেলেন্সী শ্রী জি. য়োন্দোনবু মখোয়না ভারত সরকারনা পীথবা ক্রেদিৎকী মতেংদগী শারিবা অমসুং গ্রীনফিল্দ মোঙ্গোল রীফাইনরী প্রোজেক্তকী থবক হৌবা য়াবগী অয়াবা পীবগী অমসুং সাইনশন্দদা শারিবা রীফাইনরী অসিদা ক্রুদ পীনবগীদমক্তা পাইপলাইন অমা শেমগৎপদা খোঙফম চেৎপগীদমক্তা থাগৎপা ফোংদোকখি। মহাক্না রীফাইনরী প্রোজেক্ত অসিনা থবক তৌবা হৌদ্রিঙৈদা পাইপলাইন অসিবু লোইশিনবদা তেংবাংনবসু হায়খি।

শ্রী প্রধান্না মোঙ্গোলিয়াগী কম্পেনীশিংনা ভারতকী স্তীল ইন্দস্ত্রীশিংদা কোকিং কোয়লা পীনিংবা উৎলিবা অসিবু তরাম্না ওক্লদুনা অমনা অমগী কান্নবা পুরক্নবগীদমক্তা খুৎশম্নবগী থৌওংশিং খুমাং চাউশিলহনবগী অয়াবাসু পীখি। “ঐখোয়না মোঙ্গোলিয়াগী কম্পেনীশিংগা মিনরেল, কোয়লা অমসুং স্তীলগী মতাংদা মশক থোক্না খুৎশম্ননা থবক তৌমিন্নবা পাম্মি”, হায়না মহাক্না মখা তানা হায়খি।

মন্ত্রীনা, ভারত সরকারগী মহুৎ শিল্লদুনা ভারতনা মখোয়গী লৈবাক্কী অহানবা ওইল রীফাইনরী ওইরিবা মোঙ্গোল রীফাইনরী প্রোজেক্তপু মতম চানা লোইশিনবদা খোঙফম চেৎলি হায়না অমুক্কা হন্না পনখি। মহাক্না ভারতকী থাউ অমসুং গ্যাস সেক্তরগী মতাংদা লৈরিবা লৌশিং পীনবগা লোয়ননা মোঙ্গোলিয়াগী চাউখৎপগীদমক্তা অহানবা ওইনা পাংথোকপা থৌওংশিংগা মরী লৈননা কেপাসিতী বিলদিং তৌনিংবগী ৱাফমসু থমখি।

*****

(Release ID: 1687212) Visitor Counter : 185