স্পোর্তস রাজ্য মন্ত্রী কিরেন রিজিজুনা দোক্তর কারনি সিংহ সুতিং রেঞ্জদা হোস্তেল অমা শঙ্গাখ্রে। ফম্মুং ১৬২ লৈবা এয়রকন্দিসনগী হোস্তেল অসিগী কা খুদিংমক ৱাসরুমগী খুদোংচাবা য়াওরে। মসিনা এয়রকন্দিসনগী খুদোংচাবা লৈরবা চাক চাফম অমসুং অকক্নবা মশান্নশিংগী মচি ওইবা চীঞ্জাক চানবা খুদোংচাবশিং অমসুং নুপামচাশিং অমসুং নুপীমচাশিংগী তোখাইবা পোথাফমশিং লৈরে। হোস্তেল অসি লুপা করোর ১২.২৬ চঙনা শেমগৎপনি।

মিনিস্তর রিজিজুনা হায়খি ওলেম্পিক, এসিয়ান গেম অমসুং কম্মনৱেল্থ গেমশিংদা লৈবাক অসিগী মহুৎশীল্লিবা ঐখোয়গী শান্নরোয়শিংগী হিংবগী থাক ৱাংখৎনবা ফংফম থোকপা খুদোচাবশিং পীরে। চীঞ্জাক, লৈফম অমসুং লু-নানবগী ওইনা য়েংনবদা হোস্তেল খুদিংমক স্তার অহুম ওইগদবনি অমসুং লম অসিদা ফজনা খঙলবা এজেন্সি অমনা শেন্নগদবনি। হৌজিক নুপীমচাশিং অমসুং নুপামচাশিংগী তোখাইবা হোস্তেলশিং লৈরগনি। সুতিং অসি মরুওইবা মশান্না  অমা ওইবনা, সুত্তরশিংগীদমক ঐখোয়না দরকার ওইবা থবকশিং পায়খৎকদবনি।

হোস্তেল অসি হাংদোকত্রিঙৈ মমাঙদা সুতিং রেঞ্জ অসিগী মপান্দা লৈদুনা ত্রেনিং পাংথোক্লম্বা ভারতকী সুত্তরশিংগী অচৌবা কান্নবা অমা ওইরগনি। হোস্তেল অসি লৈবদগী হৌজিক সুত্তরশিংনা মখোয়গী রাইফল, পিস্তোল অমসুং সোতগনশিং পায়রগা রেঞ্জশিং ফাওবা খোঙনা মতেক খর খক চৎলগনি।

কম্মনৱেল্থ গেমস ২০১৮গী সনাগী তকমান ফংখ্রবা অনিস বনৱালানা হায়খি ঐখোয়গী অফবা সুতিং রেঞ্জ লৈরবসু ঐখোয়গী হোস্তেল অমা লৈতবদগী ঐখোয় রেঞ্জগী মপান্দা লৈবা তাখি। হৌজক রেঞ্জ অসিদা হোস্তেল লৈবদগী ঐখোয় অয়ুক অমসুং নুংথিল ত্রেন তৌবা য়ারগনি।

হোস্তেল অসিনা সেনিয়র সুত্তরশিং খক কান্নবা ফংবতা নত্তনা তোপস দিবলপমেন্ত গ্রুপগী সুত্তরশিং অমসুং খেল্লো ইন্দিয়া স্কিম অমসুং এন.সি.ও.ই সুত্তরশিংসু কান্নবা ফংলগনি।

শ্রী রিজিজুনা হায়খি হৌজিক সুতিং অসি মরুওইবা মশান্নশিংগী মনুংদা অমা ওইরি অমসুং সুতিংদগী ঐখোয়না থাজবা চাউনা থম্লি অমসুং মখোঙদগী হৌনা ভারতকী হৈশিংলবা সুত্তর কয়া লৈরি। তোকিও ওলেম্পিক শরুক য়ানবা সুতিংগী ওইনা ঐখোয়গী মশিং য়াম্লবা শান্নরোয়শিং ক্বালিফাই ওইরে।

*****