হকশেল অমসুং য়াইফ-য়ুম্বাল মন্ত্রালয়
কোবিদ-১৯ বেক্সিন রোল আউৎ
দা. হর্শ বর্ধন্না হয়েং তামিল নাদুদা চৎতুনা রাজ্য অসিদা পাঙথোক্কদবা দ্রাই রন মশা চৎতুনা য়েংশিনগনি
হয়েং লৈবাক শিনবা থুংনা রাজ্য/য়ু.তি. ৩৩দা দ্রাই রন পাঙথোক্কনি
Posted On:
07 JAN 2021 5:01PM by PIB Imphal
লৈবাক অসিনা কোবিদ ১৯ বেক্সিন রোল আউৎকী শেম শারিঙৈ চৈরক অসিদা হকশেল অমসুং য়াইফ-য়ুম্বাল মন্ত্রালয়গী কেন্দ্রগী মন্ত্রী দা. হর্শ বর্ধন্না হয়েং তামিল নাদুদা চৎকনি। মহাক্কী খোঙচৎ অসিদা, দা. হর্শ বর্ধন্না শেম-শারিবা অমদি সেদ্যুল তৌখিবা সাইৎশিংদা দ্রাই রনগী ওপরেসনশিং অসি মশা চৎতুনা য়েংশিনগনি। রাজ্য/য়ু.তি. ৩৩গী জিলা ৭৩৬তা হয়েং কোবিদ১৯ বেক্সিনেসনগী শেম শানবা লৈবাক শিনবা থুংনা মোক দ্রিল পাঙথোক্কনি।
কেন্দ্রগী হকশেল মন্ত্রীনা চেন্নাইগী গভর্নমেন্ত জেনরেল হোস্পিতালগী সেসন সাইৎতা অমদি মসিগী মতুংদা গভর্নমেন্ত ওমনদুরর হোস্পিতালদা অমগা চৎকনি। নুংথিলদা দা. হর্শ বর্ধন্না জেনরেল মেদিকেল স্তোরেজ দিপোৎ (জি.এম.এস.দি.)দা ঙাইহাক চৎলুরবা মতুংদা চেন্নাইগী এপোল্লো হোস্পিতালগী প্রাইবেৎ বেক্সিনেসন সেন্তরদা চৎকনি। মসি লৈবাক অসিগী বেক্সিন স্তোরেজ ফেসিলিতী মরিগী মনুংদা অমনি, অতোপ্পা অহুমনা মুম্বাই, কোলকতা অমসুং কর্নালদা লৈ।
মসিগী মতুংদা দা. হর্শ বর্ধন্না চেঙ্গলপত্তুদা লৈবা বেক্সিনেসন সেন্তরদা চৎকনি। সাইৎশিং অসি য়েংশিনবা লোইশিল্লবা মতুংদা মহাক্না চেঙ্গলপত্তুদা লৈবা হিন্দুস্তান বাইও-তেক লিমিতেদ কেম্পসতা চৎকনি।
****
(Release ID: 1686942)
Visitor Counter : 140