ਜਿਵੇਂ ਕਿ ਦੇਸ਼ ਕੋਵਿਡ 19 ਵੈਕਸੀਨ ਦੇ ਰੋਲ ਆਊਟ ਲਈ ਤਿਆਰੀਆਂ ਕਰ ਰਿਹਾ ਹੈ , ਕੇਂਦਰੀ ਸਿਹਤ ਤੇ ਪਰਿਵਾਰ ਭਲਾਈ ਮੰਤਰੀ ਡਾਕਟਰ ਹਰਸ਼ ਵਰਧਨ ਭਲਕੇ ਤਾਮਿਲਨਾਡੂ ਦੇ ਦੌਰੇ ਤੇ ਜਾਣਗੇ । ਆਪਣੇ ਦੌਰੇ ਦੌਰਾਨ ਡਾਕਟਰ ਹਰਸ਼ ਵਰਧਨ ਸੂਚੀਬੱਧ ਥਾਵਾਂ ਤੇ ਡ੍ਰਾਈ ਰਨ ਸੰਚਾਲਨ ਦੀ ਨਿਗਰਾਨੀ ਅਤੇ ਤਿਆਰੀਆਂ  ਬਾਰੇ ਵਿਅਕਤੀਗਤ ਤੌਰ ਤੇ ਜਾਇਜ਼ਾ ਲੈਣਗੇ । ਭਲਕੇ 33 ਸੂਬਿਆਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੇ 736 ਜਿ਼ਲਿ੍ਆਂ ਵਿੱਚ ਕੋਵਿਡ 19 ਟੀਕਾਕਰਨ ਲਈ ਰਾਸ਼ਟਰੀ ਪੱਧਰ ਤੇ ਮੌਕਡ੍ਰਿਲ ਦੀ ਤਿਆਰੀ ਕੀਤੀ ਜਾ ਰਹੀ ਹੈ ।
 

ਕੇਂਦਰੀ ਸਿਹਤ ਮੰਤਰੀ ਸਰਕਾਰੀ ਜਨਰਲ ਹਸਪਤਾਲ ਚੇਨੱਈ ਦੀ ਸੈਸ਼ਨ ਸਾਈਟ ਦਾ ਦੌਰਾ ਕਰਨ ਤੋਂ ਬਾਅਦ ਸਰਕਾਰੀ ਓਮੰਦਰਰ ਹਸਪਤਾਲ ਚੇਨੱਈ ਜਾਣਗੇ । ਬਾਅਦ ਦੁਪਹਿਰ ਡਾਕਟਰ ਹਰਸ਼ ਵਰਧਨ ਪੇਰੀਆਮੇਦੂ ਦੇ ਜਨਰਲ ਮੈਡੀਕਲ ਸਟੋਰ ਡਿਪੂ (ਜੀ ਐੱਮ ਐੱਸ ਡੀ) ਦੇ ਸੰਖੇਪ ਦੌਰੇ ਤੋਂ ਬਾਅਦ ਅਪੋਲੋ ਹਸਪਤਾਲ ਚੇਨੱਈ ਵਿੱਚ ਨਿਜੀ ਟੀਕਾਕਰਨ ਕੇਂਦਰ ਦਾ ਦੌਰਾ ਕਰਨਗੇ । ਇਹ 4 ਕੌਮੀ ਟੀਕਾ ਸਟੋਰੇਜ ਸਹੂਲਤਾਂ ਵਿੱਚੋਂ ਇੱਕ ਹੈ , ਬਾਕੀ ਤਿੰਨ ਮੁੰਬਈ , ਕੋਲਕਾਤਾ ਅਤੇ ਕਰਨਾਲ ਵਿੱਚ ਹਨ ।
 

ਇਸ ਤੋਂ ਬਾਅਦ ਡਾਕਟਰ ਹਰਸ਼ ਵਰਧਨ ਚੰਗਲਪੱਤੂ  ਦੇ ਟੀਕਾਕਰਨ ਕੇਂਦਰ ਜਾਣਗੇ । ਉਹ ਇਹਨਾਂ ਥਾਵਾਂ ਦੀ ਨਿਗਰਾਨੀ ਦੀ ਸਮਾਪਤੀ ਤੋਂ ਬਾਅਦ ਚੰਗਲਪੱਤੂ ਦੇ ਹਿੰਦੂਸਤਾਨ ਬਾਇਓਟੈਕ ਲਿਮਟਿਡ ਕੈਂਪਸ ਜਾਣਗੇ ।
 

ਐੱਮ ਵੀ / ਐੱਸ ਜੇ