ইনকম তেক্স দিপার্তমেন্তনা দিল্লীগী মফম খরদা মশিং য়াম্লবা হাৱালা ওপরেতরশিংনা মফম খঙদবা শেনফম কয়া অমা নমদুনা শিজিন্নবা অমসুং পায়রম্বা অসিদা থি-হুম্বা অমসুং ফাগৎপগী থবক চৎথখ্রে।

থি-হুম্বা অসিদা মখল কয়াগী কাংবু অমনা শাশিন্নবা পোৎ লৈরম্বা/পোৎ য়োনখিবগী বিল বেঙ্ক একাউন্ত কয়াদগী লান্না নমদুনা ফন্দশিং লৌথোক্লম্বা থেংনরকখি। মসিগী সেল কাংবু অসি থা অনিগী মনুংদা অমুক থিংজিল্লগা অনৌবা অমা অমুক শেম্লমখি।

মখা তানা, অসিগুম্বা অরানবা চে-চাং অসিনা লুপা করোর ৩০০গী শাশিন্নবা পোৎ লৈবা অমসুং পোৎ য়োনবা ফাগৎপা ঙমখি।

থি-হুম্বা অসিদা মফম খঙদবা শেনফম ওইনা লুপা করোর ১৪ অমসুং লুপা করোর ২ রোমগী ওইগদবা সনা খাঙ্গেন ফংখি।

মখা তানা থি-হুম্বা চৎথরি।

****