ছোতা রাজন অমসুং মুন্না বজরঙ্গি হায়রিবা অরানবা তৌবা মীওইশিংদা য়ুম্ফম ওইদুনা ‘মাই স্তাম্প’ পুথোকখিবা অসি কানপুরদা লৈবা পোস্ত ওফিস অমননি হায়না মীদিয়ানা পাউদমখি। হীরম অসিগা মরী লৈনবা কাঙলোনগী মতুং ইন্না কস্তমরশিংনা মহাক্কী মপোক নুমিৎ, থবক্তগী পোত্থাবা মতম, অতোপ্পদা য়াইফ-পাউজেল পীবনচিংবগী মতমশিংদা মহাক্কী, ইমুং-মনুংগী, মরুপ-মপাংশিংগী ফোতো য়াওবা ‘মাই স্তাম্প’ নম্বা য়াই অমসুং মসিগীদমক্তা কস্তমর অদুনা মখাদা পীরিবা ৱাফম অসিবু য়াজবা ওইনা খুৎয়েক পীগদবনি –

“কস্তমরনা আইন অমসুং খুন্নাইগী মোরেলগী ভেল্যুগী ৱাংমদা লৈবা নত্ত্রগা থর্দ পার্তী, লৈবাক নত্ত্রগা পোস্তকী অপাম্বগী ৱাংমদা লৈবা ফোতো অমত্তা পীশিনবা য়ারোই। অখন্নবা ৱাফম অমা ওইনা, ফোতোশিং অসিনা পীরিবা হীরমশিং অসিগী ৱাহন্থোক লৈরৈদবনিঃ আইন্না য়াদবা থবক অমা হেক্তা, মীওই অমদা উইশিত্তবা, পুকচেল শেংদবা হীরম অমা হেক্তা, লান্না লমজিংবা নত্ত্রগা লৈবাক নীংদবগী ইথিল, ধর্ম নত্ত্রগা রাজনীতিগী ৱারোলশিং”।

মতাং অসিদা, হায়রিবা কাঙলোনশিং অসি কস্তমর অসিনা ইনখিদে। কস্তমর অসিনা থাজিল্লকখিবা এপ্লিকেসন ফোর্মদসু ফোতোশিং অসিগী মতাংদা মথক্তা পনখ্রিবা য়ানবগী ৱারোল অসিসু পীরকখিদে।

মসিগুম্বা থৌদোক অমত্তা তুংদা থোক্লক্তনবা হায়দুনা মরী লৈনবা মীওইশিংদা মতিক চাবা কাঙলোন ইন্নবা খঙহনখ্রে।

****