শেল-থুম মন্ত্রালয়না জি.এস.তি.গী শোত্থহৌরবা শেনফমশিংবু মেনখৎনবগীদমক্তা রাজ্যশিংদা লুপা করোর ৬০০০গী ৯শুবা চয়োলগী ইন্সতোলমেন্ত থাদোকখ্রে। মসিগী মনুংদগী লুপা করোর ৫৫১৬.৬০গী শেনফমদি জি.এস.তি. কাউন্সিলগী মেম্বরসু ওইরিবা রাজ্য ২৩দা অমসুং লুপা করোর ৪৮৩.৪০গী শেনফম অসিনা লেজিস্লেতিব এসেমব্লীগা লোয়নবা য়ুনিয়ন তেরতোরী ৩ (দিল্লী, জম্মু অমসুং কশ্মির অমসুং পুদুচেরী)দা পীখিবনি। লেমহৌরিবা রাজ্য ৫, অরুনাচল প্রদেশ, মনিপুর, মিজোরম, নাগালেন্দ অমসুং সিক্কিমগী ওইনদি জি.এস.তি. চৎনখিবদা রেভেন্যুদা অহাংবা অমত্তা লৈখিদবনি।
 

ভারত সরকারনা জি.এস.তি. চৎনহনখিবদগী মরম ওইদুনা লুপা করোর লাখ ১.১০গী চাউরাকপা শোত্থহৌবা শেনফমশিং অসিবু মেনখৎনবগীদমক্তা ওক্তোবর ২০২০দা অহেনবা ওইনা শেল পুশিনবগী অখন্নবা অয়াবা অমা পীখিবনি। শেল পুশিনবগী থৌওং অসি অকক্নবা অয়াবা অসিগী খুত্থাংদা ভারত সরকারনা রাজ্য অমসুং য়ু.তি.শিংগী মহুৎ শিন্দুনা পাংথোকপনি। শেল পুশিনবগী থৌওং অসি তাঙ্কক ৯ থোক্না পাংথোকখি। হৌজিক ফাওবদা পুশিনখ্রবা শেনফমশিং অসি রাজ্যশিংদা ওক্তোবর ২৩, ২০২০; নবেম্বর ২, ২০২০; নবেম্বর ৯, ২০২০; নবেম্বর ২৩, ২০২০; দিসেম্বর ১, ২০২০; দিসেম্বর ৭, ২০২০; দিসেম্বর ১৪, ২০২০; দিসেম্বর ২১, ২০২০ অমসুং দিসেম্বর ২৮, ২০২০দা থাদোকখিবনি।

হন্দক্কী চয়োল অসিদা থাদোকখিবা শেনফম অদু রাজ্যশিংদা পীগদবা শেনফমশিং অদুগী ৯শুবা ইন্সতোলমেন্তকীনি। হন্দক্কী চয়োল অসিদা শেনফমশিং অসি ৫.১৫০৮%গী চাংদা শেন্দোই কাদুনা পুবনি। হৌজিক ফাওবদা কেন্দ্র সরকারনা শেল পুশিনবগী অখন্নবা তাঞ্জা অসিগী মনুংদা লুপা করোর ৫৪০০০ অসি ৪.৭৪৮৮%গী শেন্দোইগী চাংদা পুশিনখ্রে।

জি.এস.তি. চৎনখিবদা শোত্থহৌবা শেনফমশিং মেনখৎনবগীদমক্তা শেল পুশিনবগী অখন্নবা তাঞ্জা অসিগী খুত্থাংদা ফন্দ পীথবগা লোয়ননা ভারত সরকারনা রাজ্যশিংনা মখোয়গী শেল-থুমগী রিসোর্সশিং নীংথিনা শিজিন্নবা ঙমহন্নবা হায়দুনা জি.এস.তি.গী ওপসন-১ খন্দুনা শোত্থহৌবা শেনফম মেনখৎনবগীদমক্তা রাজ্যশিংদা মখোয়গী জি.এস.দি.পি. (গ্রোস স্তেৎ দোমেস্তিক প্রদক্ত)গী ০.৫০%গা মান্নবা শেনফম পুবগী অহেনবা অয়াবা পীখিবনি। রাজ্য খুদিংনা ওপসন-১ অসি পাম্মি হায়না খন্নখি। খুদোংচাবা অসিগী মখাদা, রাজ্য ২৮দা মখোয়গী অপুনবা অহেনবা শেনফম (জি.এস.দি.পি.গী ০.৫০%) লুপা করোর লাখ ১০৬৮৩০ পুশিনবগী অয়াবা পীখিবনি।

হৌজিক ফাওবগী ওইনা রাজ্য ২৮দা অখন্নবা তাঞ্জা অসিগী খুত্থাংদা অয়াবা পীখিবা অহেনবা ওইনা পুশিনবগী শেনফম অমসুং রাজ্য অমসুং য়ু.তি.শিংদা থাদোকখ্রবা শেমফমশিং অসি মখাদা পীরি।

রাজ্যশিংগী ওইবা জি.এস.দি.পি.গী ০.৫০%গী অহেনবা শেল পুশিনবগী অয়াবা পীখিবা অমসুং অখন্নবা তাঞ্জা অসিগী খুত্থাংদগী খোমগত্তুনা ২৮/১২/২০২২০ ফাওবগী মনুংদা রাজ্য/য়ু.তি.শিংদা পীথবখিবা শেনফমশিং

 (শেনফম অসি লুপা করোরদনি)

*মসিগী রাজ্যশিং অসিগী ওইনদি জি.এস.তি.গী শেনফম মেনখৎনীংঙাই লৈতে

****