আই.আই.এস.এফ. ২০২০

ৱুমেন সাইন্তিস্ত অমসুং ইন্ত্রেপ্রিন্যুরগী কনক্লেব

ৱুমেন সাইন্তিস্ত অমসুং ইন্ত্রেপ্রিন্যুরগী কনক্লেব অসি ৱুমেন সাইন্তিস্ত অমসুং ইন্ত্রেপ্রিন্যুরনা মখোয়গী পুন্সি অমসুং মখোয়গী তুংগী পুন্সিদা ওইরক্কদবা অৱা-অনা কয়া অমগী খন্ন-নৈননবগী তোপ-তোপ্পা ফম্বাক অমনি। আই.আই.এস.এফ. ২০২০ না মসিগী ফোরুম অসি ভর্চুএল ওইবা মওংদা শিল্লি। মশক নাইরবা সাইন্তিস্ত, এক্ত্রেস অমসুং ইন্ত্রেপ্রিন্যুরশিংনা কনক্লেব অসিদা মখোয়গী পুন্সিদা থেংনরকপা অৱা-অনা কয়া অমা ৱারী লীরি।   

খন্ন-নৈনবা অমদা (তচিং দ স্কাই সোকেসিং রিএল লাইফ জর্নিস), পদ্মা শ্রী মিস কলপ্না সারোজনা মহাক্কী ৱাখল্লোল ময়ামদা থমখি। মহাক্না মহাক্কী অঙাং অমসুং নহা ওইরিঙৈ মতমদা হোৎনরকখিবা অমসুং থেংনরকখিবা অৱাবশিং শন্দোক্না হায়খি। অদুম ওইনমক নোংমদা পুং ১৬ থবক শুদুনা খোঙথাং খুদিং হেন্না কনশিল্লকতুনা কামানি কম্পনিদা লৈখি। “ঐহাক্কী পুন্সি খোঙচৎ অসিদা অদোম্না তমহৌবা য়াবা অসি” মহাক্না হায়খি মদুদি, “থৌনা, খাংবা কনবা অমসুং মীওইবনা হেন্না তৌবা ঙম্বা ইশাদা লৈরিবা অসি থাজবা অসিনা পুন্সিদা অঙকপা কয়া পুরকপা ঙম্মী”। 

মমিং লৈরবা ইন্দিয়ন ফিল্ম এক্ত্রেস, মিস্ত্রেস রোহিনি হাতাংদিনা মহাক্কী পুন্সিদা নেস্নেল স্কুল ওফ দ্রামাদগী হৌরকখিবা অমসুং মতম অদুমক্তদা অবিস্কার থিএতরদা ক্লাসিকেল জগোই তমখিবা, জাপানিজ দ্রামাদা থবক য়াওখিবা, এক্তর ওইবগী স্কুলদা চৎখিবশিং অসি ৱারী লীখি। মদুদগী ১৯৮৪দগী সিনেমা হৌরকখি। “খ্বয়দগী লুনা লৌখিবা শক্লোন অসি চহি ২৭ শুরকপদা ‘গান্ধী’দা চহি ময়াই চনবা কস্তুরবা শাদুনা বেন কিঙস্লিগা লৌখিবা অসিনি” মহাক্না হায়খি। মহাক্না মমিং লৈরবা এৱার্দ কয়া অমা লেমজনিঙাই ওইরবা বি.এ.এফ.তি.এ. এৱার্দ য়াওনা ফংখি অমসুং হায়রিবশিং অসিগী মতুংদা য়াম্না ৱানা খাংখিব লৈরি। মহাক অসি য়াম্না লিংবা এক্তর অমা স্তেজ অমসুং প্রদা মহাক্কী গুরু ইব্রাহিম অলকাজিদা ফংখি। মহাক্না হায়খি মদুদি পুম্নমক অসি মতেং ওইবা সিস্তেম অমা, ঐহাক্কী থম্মোয়বু ইনবা, য়াম্না কন্না হোৎনবা হায়রিবা অসি সাইন্তিফিক রিসর্স, ইজুকেসন ওইগেরা, দ্রামা ওইগেরা অমসুং ঈশৈবু ওইরসু চপ মান্নৈ। মহাক্না হায়খি মদুদি নুপী অমা ওইনা য়াম্না লিংনা লৈগদবনি করিগুম্বদা অপাম্বা অমদা চৎপা পাম্লবদি ‘ঙম্লোই’ হায়রোইদবনি। 

য়ুনিভর্সিতি ওফ কেমব্রিদজদা প্লাজমা ফিজিসিস্ত ওইরিবা দাঃ উর্মিলা মিত্রা ক্রেবনা কনক্লেব অসিদা হায় মদুদি নহা ওইরিবা মমা অমা ওইনা মাংজিল থানা থি-হুম্বা চৎথনবা সাইন্সপু শিনফম অমা ওইনা পায়বা অসিদা থেংনরিবা অৱাবা কয়া অসি খঙই। মহাক্না হায় মদুদি, “অদুবু মসিদা ফংলকপা মনা অসিনা থেংনখিবা অৱাবা কয়া অমদগী শরুক চাম্মা হেল্লি অমসুং থৌরাং তৌবা অমসুং অখাং কনবা অসিনা পন্থুং য়ৌবা ঙমহল্লি”। মহাক্না চহি ১১শুরকপা মতমদা থৱানমিচাক্কী মরমদা থৱায় য়াওবা হৌরকখিবা অসিগী মতাংদা হায়খি অমসুং মায় পাকপা এস্ত্রোফিজিসিস্ত অমা ওইননবা ইথিল ফাওখি হায়না মহাক্না হায়খি।  

ইন্দিয়াগী ফিজিক্সিস্ত, পদ্মা শ্রী প্রোফেসর রোহিনি গোদবোলেনা মহাক্কী খোঙচৎ পুনেদা ফিজিক্স তম্লিঙৈ মতমদগী হৌজিক ওইরিবা ময়াম্না খঙনরবা পার্তিকল ফিজিক্সকী থবক সি.ই.আর.এন. অসি ফাওবগী মরমদা ৱারী লীখি। হায় ইনর্জি ফোতোন্দা মহাক্কী থবক অসিনা মথংগী মীরোলদা পার্তিকল ফিজিক্সকী কান্নবা পীদুনা য়ুনিভর্স অসিগী ফেব্রিক অমসুং কম্পোজিসন্দা কান্নবা কয়া অমা পীরগনি। মহাক্না হায় মদুদি মহাক অসি ময়াই ওইবা ইমুংদগী লাকপা মরম্না মহৈ তম্বা অসিদা চেৎনা থাজরকই অমসুং সাইন্সকী শিনফম অসি পায়নবা ফিরেপ লৌখি মসিনা মহাকপু স্তোনি ব্রুক য়ুনিভর্সিতিদা পি.ঐচ.দি. তৌবা ঙমহনখি। মসিগী মতুংদা মহাক্না তি.আই.এফ.তা থবক তৌখি, মসিনা দ্রীস গোদবোলে ইফেক্ত অমসুং গোদবোলে পানচারি মোদেল য়ৌবা ঙমহনখি।   

দাঃ শার্মিলা মান্দে, আই.আই.এস.সি. বেঙ্গলোরদগী পি.ঐচ.দি. অমসুং মশক নাইরবা চীফ সাইন্তিস্ত, হৌজিক্না তি.সি.এস.তা বাইও সাইন্সকী আর. অমসুং দি.দা লৈরিবী অসি নুপীনা সাইন্সতা য়াম্না চাওনা শৌগৎপা মাইক্ত্রোবাইওলোজিদা রিসর্স তৌরিবী মরুওইবা লুচীংবী অমনি। দাঃ মান্দে অসি কম্প্যুতেসনেল বাইওলোজিদা অহানবা থবক তৌরিবশিংগী মনুংদা অমনি। মহাক্না নৌনা পোক্লিবা অঙাং কন্নবা নন-ইনভেসিব মার্করগী মতাংদা ঙাংখি। মহাক্না হায়খি মদুদি পুন্সিগী অৱা-অনা থেংনরকপদা থম্মোয়গী ওইবা অসিদা ইনগদবনি।

শ্রীমতি হারপ্রিৎ সিংহ অসি এয়র এসিয়ানা ইন্দিয়াগী অহানবা নুপী কম্মর্সিএল পাইলোৎ ওইনা ১৯৮৮দা খনবা অহানবা নুপীনি। অদুবু হকচাংগী ফিবম্না য়ারক্তবদগী মহাক্না পাইবগী থবক অসি থাদোকখি। মদুদগী মহাক্না অতোপ্পা এভিএসনগী থবকশিংদা য়াওবা হৌখি। মহাক অসি স্তেত-রন এয়রলাইনগী সবসিদিএরি এল্লাইয়েন্স এয়রদা সি.ই.ও.ওইনা থবক তৌদুনা ইন্দিয়ন শিনফমদা নুপীনা মকোক ওইবা ওইখি। অদুম ওইনমক এয়র ইন্দিয়া অসি নুপীগী শরুক য়াম্না চাওনা লৈরি, মহাক্না শিনফম অসিবু পাম্বশিংগীদমক পুক্নিং থৌগৎপা ৱাফম কয়া থমখি।

দাঃ অতিয়া কাপ্লে, কনক্লেব অসিগী প্রিন্সিপাল কোওর্দিনেতরনা পেনেল খন্নবা অসিদা য়েংশিনখি।

অতোপ্পা সেসন অমদা, লৈবাক অসিগী খুঙ্গং অমসুং ইন্দিয়াগী ত্রাইবেল নুপীশিং অসিগী পুক্নিং থৌগৎনিঙাই ওইবা অতেনবা ফিল্মশিং ভর্চুএল ওইনা উৎখি। হায়রিবা ফিল্ম অসিদা নুপী ইন্ত্রেপ্রেন্যুরশিং অমসুং ত্রাইশিংনা অৱা-অনা থেংনবা মীকুপ কয়া অমা, অৱাবা, হোৎনবা অমসুং মায় পাকপা কয় অমা উৎখি।

থৌরম অসিগী অথোইবা অতিথি অমা ওইনা ৱা ঙাংবদা, দাঃ রঞ্জানা অগর্ৱাল, দাইরেক্তর, সি.এস.আই.আর.-এন.আই.এস.তি.এ.দি.এস.না মহাক্কী ৱা ঙাংবদা, মায় পাকপদা থবক কন্না শুবগী মরুওইবা উৎখি। মহাক্না হায় মদুদি কনাগুম্বা অমনা কন্না হোৎনবা অমসুং কৈদৌনুংদা থাদোক্তবা অমসুং হনবা নাইদবা অমা চংই। মহাক্না অমুশু হায় মদুদি খুঙ্গং অমসুং ইন্দিয়াগী ত্রাইবেল নুপীশিং অসিনা থেংনরিবা অমসুং হোৎনরিবা অসি উরগা নুপী খুদিংনা মখোয়গী পুন্সিগী মংলান অসি ফংনবা হোৎনবদা পুক্নিং থৌগৎলি। দাঃ লীনা বাভাদেকর, কনক্লেব অসিগী কোওর্দিনেতরনা পুন্সিগী পুক্নিং থৌগৎপা ফিল্ম অসি য়েংশিনখি।   

******