কেন্দ্রগী মহৈ-মশিংগী মন্ত্রী শ্রী রামেশ পোখ্রিয়ালনা ‘নিশঙ্ক’না লাক্কদৌরিবা কম্পেতিতিব অমসুং বোর্দ এগজামশিং অসিগী মতাংদা লৈবাক অসিদা লৈরিবা ওজাশিং অসিগা ভর্চুয়েল্লী ওইনা খন্না নৈনখ্রে৷

থৌরম অসিগী মতাংদা ৱা ঙাংলদুনা ওজা অমগী মরু ওইবা অসি লাইদগীসু হেন্না মরু ওই হায়না শ্রী পোখ্রিয়ালনা ফোংদোকখ্রে অমসুং মসিনা মরম ওইদুনা ওজাশিং পুম্নমক ঐখোয়না ইকাই খুম্নগদবনি৷ ওজাশিং অসিনা থৱাই য়াওনা হোৎনবনা মরম ওইদুনা লৈবাক অসিগী ওনলাইন এদজুকেসন সিস্তেম অসি মাই পাকপা ঙম্লিবনি হায়না মহাক্না ফোংদোকখ্রে৷ মহৈরোইশিং অমসুং সমাজ অসিদা কোবিদ-১৯গা মরী লৈনবা এৱার্নেস শন্দোকপা অসিগীদমক ওজাশিং অসিবু মন্ত্রী অসিনা থাগৎখ্রে৷ কোবিদ-১৯গী মাইয়োক্তা চৎথরিবা লান অসিদা পুকচেল শেংনা শরুক য়াবিরিবা অসিগীদমক ওজাশিং অসিবু মহাক্না থাগৎপা ফোংদোকখ্রে৷

বোর্দ এগজাম মতমশিংগা মরী লৈনবা ৱাহংশিংদা সরকার অসি মহৈরোইশিংদা হেন্না পুক্নিং চংবা অমসুং লুম্না লৌবা সরকার অমা ওইবনা ঐখোয়না মহৈরোইশিং অসিগী য়াইফনবগীদমক মতম পুম্বদা থবক তৌদুনা লৈ হায়না শ্রী পোখ্রিয়ালনা ফোংদোকখ্রে৷ ২০২১ এগজামিনেসনশিং অসি পাংথোক্ননবগীদমক সি.বি.এস.ই.না তঙাই ফদবা চেকশিন থৌরাংশিং লৌখৎতুনা শেম শাদুনা লৈরি হায়না শ্রী পোখ্রিয়ালনা মহাক্কী ৱারোলদা ফোংদোকখ্রে৷ এগজামিনেসনশিং অসিগী অরোইবা মতম অসি লেপত্রিবফাওবা বোর্দ এগজামশিং অসি ফেব্রুৱারী থাদা পাংথোক্লরোই অমসুং সি.বি.এস.ই.না স্তেকহোল্দরশিং অসি তান্নরবা মতুংদা অথুবা মতমদা এগজাম মতম অদু লাওথোরক্লগনি হায়না মহাক্না ফোংদোকখি৷

ক্লাস IXদা ভোকেস্নেল এদজুকেসন পীবগী মতাংদা পুখৎলকখিবা সজেসন অদুগী মতাংদা শ্রী পোখ্রিয়ালনা ভোকেস্নেল এদজুকেসন পীবা সি.বি.এস.ই. স্কুল চাউরাক্না ৮,৫৮৩ লৈ হায়না ফোংদোকখ্রে৷ এন.ই.পি. ২০২০ অসি চৎনরবা মতুংদা সেকেন্দরী স্কুল ২,৮০,০০০ হেন্না, কোলেজ ৪০,০০০মুক অমসুং য়ুনিভর্সিতী ১,০০০ হেন্না ইন্তর্নশিপকা লোইননা ভোকেস্নেল ত্রেনিং ফংহনলকপা য়াই হায়না মহাক্না ফোংদোরকখ্রে৷

স্কুলশিংদা কমপিতেন্সী বেস এদজুকেসন অসি চৎনরকপা অসিগী মতাংদা ওজাশিং অসি ত্রনিং নিংথীনা পীগদবনি হায়বা সজেসন অসিগী পাউখুম ওইনা  ইলিমেন্তরী স্কুল ওজা ৪২,০০,০০০ পুম্নমক অমসুং লৈবাক অসিদা লৈরিবা স্কুল হেদশিং মনুং চনহল্লিবা ওনলাইন কেপাসিতী বিল্দিং প্রোগ্রাম অমা ওইরিবা নিশথা প্রোগ্রাম অসি মহৈ-মশিং মন্ত্রালয়না চৎনখ্রে হায়না শ্রী পোখ্রিয়ালনা ফোংদোরকখ্রে৷ লাইনা-লাইচৎ অসিগী মমাংদা মসিগী প্রোগ্রাম অসি শক শক উনদুনা পাংথোকখি৷ অদুমইওইনমক লাইনা-লাইচৎ অসি হৌরকপদগী প্রোগ্রাম অসি ১০০% ওনলাইন ওইবা মওং অমদা পাংথোকখি৷

লোকদাউন অসি হেক হৌরকপদগী সি.বি.এস.ই., কে.ভি.এস. অমসুং জে.এন.ভি.না মখোয় মখোয়গী ওজাশিং অসিনা হেক য়ারিবা মখৈ ওনলাইনদা লেপ্পা লৈতনা লাইরিক তাকপিনবা মখোয় মখোয়গী ওজাশিং অসিগী ওনলাইন তিচিং কেপাসিতীশিং শেম্ননবা অচৌবা এক্সর্সাইজ অমা লৌখৎখ্রে হায়না মন্ত্রী অসিনা ফোংদোরকখ্রে৷ থৌওং অসিদা ভারত অসি শিনবা থুংনা সি.বি.এস.ই.না ওজা ৪,৮০,০০০, কে.ভি.এস.না ১৫৮৫৫ অমসুং জে.এন.ভি.না এজা ৯০৮৫ ত্রেন তৌখ্রে৷ স্কুল এদজুকেসনগীদমক অনৌবা নেস্নেল কুরিকুলম ফ্রেমৱার্ক(এন.সি.এফ.) অসি হৌদোকখ্রে অমসুং অমসুং অনৌবা এন.সি.এফ. অসিগী মতুং ইন্না সি.বি.এস.ই.না লাইরিকশিংদা অহোংবা খরা লৈহল্লক্কদ্র হায়না থাজনরি৷ ক্রেতিব থিঙ্কিং, লাইফ স্কিলশিং, ইন্দিয়ন ইথোস, আর্ত অমসুং ইন্তিগ্রেসনগুম্বা এরিয়াশিং অসি পুনশিনবা তঙাই ফদে৷

ইথিকেল ভেল্যুশিং অমসু্ং মোরেলশিং মহৈরোইশিং অসিদা খঙহন্নবা হংলকখিবা ৱাহং অদুগা মরী লৈননা মহৈরোইশিং অসিনা মখোযগী ইথিকেল অমসুং মোরেলশিং অদু শেমগৎকদবনি অমসুং হ্যুমেন অমসুং ‘কন্সতিত্যুস্নেল ভেল্যুশিং’ প্রেক্তিস তৌগদবনি; জেন্দর সেন্সিতিবিতী; ফন্দামেন্তেল দ্যুতীশিং; সিতিজনশিপ স্কিলশিং অমসুং ভেল্যুশিং; ভারতকী মতাংদা খঙবা; ইশিং অমসুং রিসোর্চ মাংহন্দবা, সেনিতেসন অমসুং লু-নানবা য়াওনা এনবাইরোনমেন্তেল এৱার্নেস; করেন্ত এফিয়র্স অমসুং লোকেল কম্ম্যনিতীশিংনা, রাজ্যশিংনা, লৈবাক অসিনা অমসুং মালেম অসিনা থেংনরিবা অরুবা ফিভমশিং অসিগী মতাংদা মহৈরোইশিং অসিনা খঙননবা এন.ই.পি. অসিগী মনুং চনহলখ্রে হায়না মন্ত্রী অসিনা ফোংদোকখি৷ এন.ই.পি.গী আইদিয়াশিং অসি মতুং ইন্দুনা ওজাশিং অসিনা মহৈরোইশিং অসিগী ৱাখল্লোন অসি হোংহনবা ঙমগনি অমসুং মহৈরোইশিং অসিগী মরক্তা ইথিক্স অমসুং ভেল্যুশিং অসি মমি তাহনবা ঙমগনি হায়না মহাক্না ফোংদোকখ্রে৷

মেন্তেল/ফিজিকেল হেল্থ অসিগীদমক মহৈরোইশিং অসিদা যোগ, স্পোর্তশিং অমসুং মেদিতেসন অসিগী কান্নবা অদু মহৈরোইশিং অসিদা খঙহন্নবা মন্ত্রালয় অসিনা তোঙান তোঙানবা ইনিসিয়েতিবশিং লৌখৎখ্রে হায়না শ্রী পোখ্রিয়ালনা পনখ্রে৷ মহৈরোইশিং অসিগী হকচাং ফনা লৈননবা মহৈরোইশিং অসিনা ফিজিকেল এক্তিবিতীশিংগী তোঙান তোঙানবা ওনলাইন লাইব সেসনশিংদা য়াওহন্নবা সি.বি.এস.ই.না ফিত ইন্দিয়া ইহৌগা খুৎশম্নখ্রে হায়না মহাক্না ফোংদোকখ্রে৷ লোকদাউন অসিগী মনুংদা মহৈরোইশিং অসিনা মখোয় মখোয়গী ময়ুমদা লৈরবফাওবদা ফিজিকেল ফিৎনেস্কী থকশি-খাশি অদু মাংহন্দনবা মহৈরোইশিং অসিবু পুক্নিং থৌগৎপা ওইনা পাংথোক্লিবা লাইব সেসনশিং অয়াম্বা নেস্নেল অমসুং ইন্তরনেস্নেল মমিং লৈরবা ফাওরবা শান্নরোইশিংনা পাংথোকখিবনি হায়না মহাক্না ফোংদোকখি৷ মহৈরোইশিং অসিগী হকচাং ফনা লৈননবা জে.এন.ভি. ৬৪৫গী স্পোর্ত ওজাশিংনা লাইব সেসনশিং পাংথোকখি অমসুং এক্সর্সাইজ অমসুং প্রেক্তিস চাং নাইনা তৌখি হায়না মহাক্না ফোংদোকখি৷ হৌজিক লৈরিবা একাদেমিক সেসন অসিদগী হৌদুনা ফিজিকেল এক্তিবিতী ত্রেনর থমদুনা ক্লাস IXদা সেকেন্দরী লেভেলদা সি.বি.এস.ই.না অনৌবা সবজেক্ত অমা ওইনা হৌদোকখ্রে অমসুং মহৈরোইশিং অসিদা ফিজিকেল ফিৎনেসঅসিগী কান্নবা অদু মহৈরোইশিং অসিদা খঙহন্নবা ফিৎনেস ত্রেনিং অমসুং য়োগগা মতাংদা ওনলাইন সেসনশিং কে.ভি.এস.না পাংথোকখ্রে৷

মহৈরোইশিং অসিগী ৱাখল ফনা লৈহন্নবা মন্ত্রালয় অসিনা ‘মনোদর্পন’ কৌবা ইনিসিয়েতিব অমা পাংথোকখ্রে৷ কোবিদ শন্দোরক্লিবা মনুং অমসুং মতুং তারকপদা মেন্তেল হেল্থ অমসুং ইমোস্নেল ৱেলবিইং লৈননবগীদমক মহৈরোইশিং, ওজাশিং অমসুং ইমুং-মনুংশিং অসিদা সাইকোসোসিয়েল সপোর্ত পীননবা এক্তিবিতী কয়ামরোম মনুং চল্লি হায়না শ্রী পোখ্রিয়ালনা ফোংদোকখ্রে৷

গেজেতশিং অমসুং নেতৱার্ক মরাং কাইনা লৈতবা অসিনা মরম ওইদুনা দিজিতেল দিবাইদকা মরী লৈননা হংলিবা ৱাহং অসিগা মরী লৈননা এম.ও.ই.না পি.এম. ই.-ভিদ্যগী মখাদা “কোহিরেন্স” মোদেল অদু হৌদোকখ্রে হায়না মন্ত্রী অসিনা ফোংদোকখি৷ দিক্সাদা ওনলাইন ওইনা ফংলম্বা কন্তেন্ত অদু হৌজিক্তি স্বায়াম প্রভা তি.ভি. চেনেলদসু ফংলে হায়না মহাক্না ফোংদোকখি৷ মসিগা চপ মান্ননা মদু রেদিয়োদসু ফংলগনি৷ মরম অদুনা হায়রিবা কন্তেন্ত অসি তি.বি. অমসুং রেদিয়োদসু ফংলদবা মরম ওইবনা ইন্তরনেত খক্তদা চংদুনা য়েংদ্রসু য়ারে হায়না মহাক্না ফোংদোকখ্রে৷

স্বায়াম প্রভা দি.তি.ঐচ. চেনেল অসিনা ইন্তরনেত শিজিন্নদবা মহৈরোইশিং অদুদা য়ৌহন্নবা অমসুং সপোর্ত পীনবনি হায়না মন্ত্রী অসিনা পনখ্রে৷ মহৈ-মশিংগী মন্ত্রালয়দা ক্বালিতী ৱাংবা এদজুকেস্নেল প্রোগ্রামশিং তেলিকাস্ত তৌনবা চেনেল পুন্না ৩২ লৈ হায়না মহাক্না ফোংদোকখি৷ মসিগী মনুংদা তি.বি. চেনেল ১২দি অহানবা ক্লাস অসিগীদমক থম্মী অমসুং দিপার্তমেন্ত ওফ স্কুল এদজুকেসন অমসুং লিতরেসী অসিগীদমক অত্ম নির্ভর ভারত প্রোগ্রাম অসিগী মখাদা তি.বি. চেনেল অমা থম্মী হায়না মহাক্না ফোংদোকখ্রে৷

ইন্তরনেত শিজিন্নদবা মনুং হঞ্জিনবা মফমশিংদা লৈরিবা অঙাংশিং অসিগীদমক রেদিয়ো ব্রোদকাস্তিং শিজিন্নরি অমসুং এন.সি.ই.আর.তি.না এপত ম্যুজিক, সাউন্দ ইফেক্তশিং অমসুং মেদিয়াগী মালেম অসিদা লৈরিবা নিংথীনা মমিং লৈরবা মমল লৈরবা আর্তিস্তশিং শিজিন্নদুনা ইফেক্তিব ওইবা মেদিয়া ত্রিতমেন্তগা লোইননা ক্বালিতী ৱাংবা ওদিয়ো/রেদিয়ো প্রোগ্রামশিং শন্দোক্লি হায়না শ্রী পোখ্রিয়ালনা ফোংদোকখ্রে৷ সি.আই.ই.তি.-এন.সি.ই.আর.তি.না হিন্দী, ইংলিস, উর্দু অমসুং সন্সক্রিৎ লোনদা ওদিয়ো-রেদিয়ো প্রোগ্রাম পুন্না ২০০০মুক্কী চাংদা পুথোকখ্রে হায়না মহাক্না ফোংদোকখ্রে৷

ওনলাইন ক্লাসশিং অসি পাংথোকপদা থেংনরিবা খুদোংচাদবশিং অদু লান্থোক্তুনা ঐখোয়না এদজুকেসন-পি.এম. ই-বিদ্যগী মখাদা শিক্সা বানি, দিক্সা, স্বায়াম, কম্ম্যুনিতী রেদিয়ো ফংহন্নবগীদমক মল্তিমোদেল ওইবা লম্বীশিং অসি শিজিন্ননবা ঐখোয়না ঐখোয়গী ইফর্তশিং লেপ্পা লৈতনা হোৎনখ্রে হায়না মন্ত্রী অসিনা ফোংদোকখ্রে৷ মখাতানা অল্তরনেতিব একাদেমিক কেলেন্দর, লর্নিং এনহান্সমেন্ত গাইদলাইনশিং অমসুং দিজিতেল এদজুকেসনদা প্রগয়তা গাইদলাইনশিং মতুং ইন্নবা রাজ্যশিং অমসুং য়ু.তি.শিং অসিদা খঙহনখ্রে হায়না মহাক্না ফোংদোকখি৷

এন্ত্রান্স এগজামিনেসনশিং অসিগী মতম অমসুং সিলেবস অসিগী মতুং ইন্না জী(মেন)২০২১ এগজামিনেসনগী সিলেবস অদু মমাংগী চহীদা অদুমক মান্নরগনি হায়না মন্ত্রী অসিনা ফোংদোকখ্রে৷ অদুমওইনমক বোর্দ খরনা সিলেবস খরা খকথনরকপা অসিনা মরম ওইদুনা জী (মেন)২০২১গী ৱাহংগী চেশিং অদুদা ৱাহং ৯০( ফিজিক্স, কেমিস্ত্রী অমসুং মেথমেতিক্সতা ৱাহং ৩০-৩০) লৈরগনি, মসিগী মনুংদা কেন্দিদেৎ অদুনা ৱাহং ৭৫ খুমগদবনি(ফিজিক্স, কেমিস্ত্রী অমসুং মেথমেতিক্সতা ৱাহং ২৫-২৫) হায়না মহাক্না ফোংদোকখ্রে৷

*****