দিল্লী-এন.সি.আর. অমসুং অকোইবগী মফমশিংদা দি কম্মিসন ওফ এয়র ক্বালিতী মেনেজমেন্তনা ফৎচিল্লক্ত্রিবা নুংশিৎকী ওইরিবা ফীভম অসি য়েংশিনখ্রে অমদি দিল্লী-এন.সি.আর.দা এয়র পোলুসন থোকপা লাকশিন্নবা উফুল থোকহনদনবা খোঙথাংশিং অকনবা মওংদা লৌখৎনবা য়াথং পীখ্রে

কনস্ত্রক্সন দিমোলিসন ৱেস্ত রুলশিং অমসুং গাইদলাইনশিং থুগাইবশিংগী মায়োক্তা অকনবা খোঙথাংশিং লৌখৎলগনি হায়খ্রে। কম্মিসনগী য়াথং অসি দিল্লীগী এন.সি.তি. য়াওনা নেস্নেল কেপিতেল রিজনগী উফুল লাকশিন্নবা খোঙথাংশিং য়েংশিনখ্রবা মতুংদা থোকখিবনি। বোদী অসিনা উফুল লাকশিন্নবা পাম্বৈশিং য়েংশিন্নবা অমসুং অকনবা মওংদা চৎনহন্নবা তীমশিং শেম্নবা সেন্ত্রেল পোলুসন কন্ত্রোল বোর্দ অমসুং পোলুসন কন্ত্রোল বোর্দ অমদি দিল্লী পোলুসন কন্ত্রোল কম্মিতিদা অয়াবা পীরবা য়াথংশিং থোকখ্রে।

ভাইওলেতরশিংদগী এনভাইরনমেন্ত কম্পেনসেসন চার্জ লৌনবা অমসুং ভাইওলেসনশিং কোনশিনবদা য়ুম্ফম ওইবা কনস্ত্রক্সনগী/দেমোলিসনগী থবক থৌরমশিং লেপহনবা/অথিংবা পীনবা য়াথংশিংসু থোকখি।

​ কনস্ত্রক্সন অমসুং দেমোলিসনন অসিদগী থোরকপা উফুলনা চহি চুপ্পা এয়র পোলুসন থোক্নবা মরু ওইবা হৌরকফম অমা ওইদুনা লাকখি। অসিগুম্বা থবক-থৌরমশিংনা উফুল চাং য়াম্না ৱাংনা থোকহনবগা লোইননা নুংশিৎকী ক্বালিতী অসি পি.এম. ২.৫ অমসুং পি.এম.১০ থাকশিং অসি কাখৎতুনা কা হেন্না শোকহনখি।

এনভাইরনমেন্ত, ফোরেস্ত অমসুং ক্লাইমেৎ চেঞ্জকী মন্ত্রালয়না থোকখিবা কনস্ত্রক্সন এন্দ দেমোলিসন ৱেস্ত মেনেজমেন্ত রুলশিং অমসুং কনস্ত্রক্সন অমসুং দেমোলিগী ৱেস্তশিং হেন্দল তৌবদা উফুল থোকপা হন্থহন্নবা খোঙথাংশিংগী গাইদলাইনশিং চেকশিন্না ঙাক্না চৎহন্নবা কম্মিসন অসিনা পোলুসন কন্ত্রোল বোর্দ (সি.পি.সি.বি.), হরিয়ানা, রাজস্থান, য়ু.পি.গী স্তেৎ পোলুসন কন্ত্রোল বোর্দশিং (এস.পি.সি.বি.শিং)দা য়াথং পীখ্রে অমসুং দিল্লী পোলুসন কন্ত্রোল কম্মিতি (দি.পি.সি.সি.)না সর্প্রাইস ইনস্পেক্সন তীমশিং শেমগনি অমদি নেস্নেল কেপিতেল রিজনদা পাঙথোক্লিবা কনস্ত্রক্সন অমসুং দেমোলিসনগী থবক থৌরমশিং অসিগা মরী লৈননা রুলশিং অসি ঙাক্না চৎপগী মতাংদা কম্মিসন্দা পাঙথোকখিবা ইনস্পেক্সনগী রিপোর্তশিং পীগনি।

***