ভারত অমসুং নেপালগী মরক্তা ৱেবিনার অমা ঙসি ৱেবিনার অমসুং এক্সপো অমা পাঙথোকখ্রে। ৱেবিনার অদুগী থিমদি "নেপালগা হেন্না মপাঙ্গল লৈবা ঙাকশেলগী মতেং পীনবগী হীরম থিদোকপা" হায়বসিনি। হায়রিবসি এস.আই.দি.এম.গী থোংদা ঙাকশেল মন্ত্রালয়গী দিফেন্স প্রদক্সন বিভাগকী মীৎয়েং মখাদা পাঙথোকখিবনি।

হায়রিবা ৱেবিনার অসি মরুপ ওইনরিবা লৈবাকশিংগা ঙাকশেলগী মতেং পীনবা অমসুং চৎমিন্নবা হেনগৎনবা অমসুং মথংগী চহী মঙা অসিদা বিলিয়ন $৫গী দিফেন্স এক্সপোর্ত ফংনবা পান্দম থম্লিবা অসি ফংনবা পাঙথোক্লিবা এরো ইন্দিয়া ২১গী শরুক অমা ওইনা পাঙথোকখিবনি।

দিপ্যুতি চীফ ওব মিসন, ভারত কাথমন্দুগী এম্বেসী; শ্রী অনুরাগ বাজপায়ী, জোইন্ত সেক্রেতরী (দি.আই.পি.), ঙাকশেল মন্ত্রালয়, ভারত সরকার; শ্রী রাম প্রসাদা অচারিয়া, জোইন্ত সেক্রেতরী, ঙাকশেল মন্ত্রালয়, নেপাল সরকার অমসুং নাকল অনীমক্কী অতোপ্পা মকোক থোংবা এম.ও.দি.গী ওফিসিএলশিংনা শরুক য়াখি। নাকল অনীমক্না নকশিন্নবা, মাইকৈ য়াম্বা মরী অমা লৈবাক অনিগী মরক্তা অফবা ৱাখল্লোল, ইকাই খুম্নবা উৎমিন্নবা অমসুং অনিমক্না ফংনবা তান্মিন্নরিবা পান্দমশিংদা য়ুম্ফম ওইদুনা মরী থম্মিন্ননবা মীৎয়েং থমখি। শ্রী অনুরাগ বাজপাই, জোইন্ত সেক্রেতরী (দি.আই.পি.)না পনখি মদুদি, ঐখোয়গী নাৎকী ওইবা মরী অসি খুনাই অসিবু অচুম্বা মাইকৈদা পুবীরম্বা ভগবান বুদ্ধনা পোকপীখিবা খা থংবা নেপালগী লুম্বিনি হায়রিবা মফম অসিদগী হৌদুনা চহী ২৫০০ রোম হেন্না লিরে। মহাক্না মখা তারদুনা হায়খি মদুদি নেপালগা পীনরিবা ঙাকশেলগী মরী অসি অনৌবা থৌদোক অমা নত্তে, অমসুং মসি ১৯৫০দা ভারত অমসুং নেপালগগী মরক্তা খুৎয়েক পীনখিবা শান্তীগী য়ানচেরোল অদুগী মতুং চহী ৭০ হেল্লবনি। "য়ুম্লোন্নবনা হান্না" হায়বা সরকার অসিগী থৌরাং অসিগী মতুং ইন্না, ভারতনা নেপালগা লোইননা তংদু লৈতাবা, শান্তি অমসুং চাউখৎপা পুরক্নবগীদমক লেপ্লি।

ৱেবিনার অদুগী মনুংদা, ভারতকী দিফেন্স কম্পেনী তরানিথোই, অশোক লিলেন্দ, বি.ই.এম.এল., ভারত ইলেক্ত্রোনিক্স লিমিতেদ, হিন্দুস্তান এরোনোতিক্স লিমিতেদ, অমসুং এল. এন্দ তি. দিফেন্স, মহিন্দ্র দিফেন্স সিস্তেম লিমিতেদ, এম.কে.য়ু. লিমিতেদ, ও.এফ.বি., এস.এস.এস. স্প্রিং, তোল্ক পি.আর.ও. রেদিওস, তাতা এদভান্স সিস্তেমস লিমিতেদ অমসুং য়ামন তেক্নোলোজীস প্রাইবেৎ লিমিতেদনা ভারতনা পীবা ঙম্বা কম্পেনী অমসুং প্রদক্ত প্রজেন্তেসন পীখি।

ৱেবিনার অদুদা পার্তিসিপেন্ত ১০০ হেন্না শরুক য়াখি অমসুং ভর্চুএল একজিবিসন স্তোল ১০০ হেন্না এক্সপো অদুগীদমক হাংখি।

*****

(Release ID: 1682652) Visitor Counter : 106