কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়
খরিফ মার্কেতিং সিজন ২০২০-২১গী মনুংদা পাঙথোকপা এম.এস.পি.গী থবক-থৌরমশিং
কে.এম.এস.কী লৈশিনবগী থবক থৌরমশিং অসিদগী এম.এস.পি.গী. শেনফম লুপা করোর ৭৮৪২৩.১৭ ওইবগা লোয়ননা লৌমী লাখ ৪৮.৯৬রোমদা কান্নবা ফংহনখ্রে
Posted On:
21 DEC 2020 5:49PM by PIB Imphal
হৌজিক চত্থরিবা খারিফ মার্কেতিং সিজন (কে.এম.এস.) ২০২০-২১ অসিদা সরকারনা মমাংগী সিজন্দা পাঙথোকখিবগুম্না হৌজিক চৎনরিবা এম.এস.পি. স্কীমগী মখাদা লৌমীশিংদগী খরিফ ২০২০-২১গী মহৈ-মরোং লৈশিনবগী থবক লেপ্তনা চত্থরি।
খরিফ ২০২০-২১গী ওইনা ২০.১২.২০২০ ফাওবদা পঞ্জাব, হরিয়ানা, উত্তর প্রদেশ, তেলঙ্গনা, উত্তরাখন্দ, তামিল নাদু, চন্দিগর, জম্মু অমসুং কাশ্মির, কেরেলা, গুজরাত, অন্ধ্র প্রদেশ, ছত্তিসগর, ওরিশা, মধ্য প্রদেশ, মহারাস্ত্র, বিহার অমসুং ঝার্খন্দ লৈশিল্লিবা রাজ্যশিং অমসুং য়ু.তি.শিংদগী মপুং ফানা ফৌ লৈশিনবগী থবক চত্থদুনা এল.এম.তি. ৪১৫.৩৭ লৈশিন্দুনা মমাংগী চহিদা লৈশিনখিবা এল.এম.তি. ৩৪১.৬৮ অদুদগী ২১.৫৬% হেনখ্রে। পুন্না লৈশিনখিবা এল.এম.তি. ৪১৫.৩৭ অসিগী মনুংদা পঞ্জাব খক্তদগী এল.এম.তি. ২০২.৭৭ ওইখি হায়রিবা অসি পুন্না লৈশিনখিবগী ৪৮.৮১% ওইখি।
![1.JPG](https://static.pib.gov.in/WriteReadData/userfiles/image/image001B5Z3.jpg)
হৌজিক চত্থরিবা কে.এম.এস.কী লৈশিনবগী থবক থৌরমশিং অসিদগী এম.এস.পি.গী. শেনফম লুপা করোর ৭৮৪২৩.১৭ ওইবগা লোয়ননা লৌমী লাখ ৪৮.৯৬রোমদা কান্নবা ফংহনখ্রে।
![2.JPG](https://static.pib.gov.in/WriteReadData/userfiles/image/image002QNDL.jpg)
মখা তানা, রাজ্যশিংদগী লাকপা প্রপোজেলদা য়ুম্ফম ওইরগা প্রাইজ সপ্পোর্ত স্কীম (পি.এস.এস.)গী মখাদা খারিফ মার্কেতিং সিজন ২০২০গী তামিল নাদু, কর্নাতকা, মহারাস্ত্র, তেলঙ্গনা, গুজরাত, হরিয়ানা, উত্তর প্রদেশ, ওরিশা, রাজস্থান অমসুং অন্ধ্র প্রদেশ রাজ্যশিং অসিগীদমক হৱাই অমসুং থাও শুংবদা শিজিন্নবা মরুশিংগী এল.এম.তি. ৪৫.১০ লৈশিনবগী অয়াবা পীখি। মখা তানা, অন্ধ্র প্রদেশ, কর্নাতকা, তামিল নাদু অমসুং কেরেলা রাজ্যশিং অসিগীদমক য়ুবী অকংবা (চহি চুপ্পা পুথোকপা মহৈ-মরোং)গী এল.এম.তি ১.২৩ লৈশিন্নবা সেঙ্কসন তৌবগী অয়াবসু পীখি। অতোপ্পা রাজ্যশিং/য়ু.তি.শিংগী ওইনা পি.এস.এস.গী মখাদা হৱাইশিং, থাও শুংবদা শিজিন্নবা মরুশিং অমসুং য়ুবী অকংবা লৈশিন্নবগী প্রপোজেলশিং লাক্লবা মতমদা অয়াবা পীগনি মরমদি করিগুম্বা সেন্ত্রেল নোদেল এজেন্সীশিংনা রাজ্যনা খনবা প্রোক্যুরিং এজেন্সীশিং অসিগী খুত্থাংদা নোতিফাইদ তৌখিবা হর্বেসতিং পেরদ অসিগী মনুংদা হায়রিবা রাজ্যশিং/য়ু.তি.শিং অসিগী কৈথেলগী মমল অসি এম.এস.পি.দগী হন্থখ্রবদি হায়রিবা মহৈ-মরোংশিং অসি রেজিস্তর তৌরবা লৌমীশিংদগী হকথেংননা ২০২০-২১দা নোতিফাইদ তৌখিবা এম.এস.পি.দা হায়রিবা মহৈ মরোংশিং অসিগী এফ.এ.ক্যু. গ্রেদকী লৈশিনবা য়াগনি।
২০.১২.২০২০ ফাওবদা সরকারনা মখোয়গী নোদেল এজেন্সীশিংগী খুত্থাংদা তামিল নাদু, মহারাস্ত্র, গুজরাত, হরিয়ানা অমসুং রাজস্থানগী লৌমী ১১২০৭৭তা কান্নবা পীদুনা লুপা করোর ১০৯৬.১৩গী এম.এস.পি. ওইবা মুং, উরাদ, লৈবাক হৱাই অমসুং নুং হৱাই এম.তি. ২০৪৫২৯.২০ লৈশিনখি।
মসিগা চপ মান্ননা মমাংগী চহিদা কোপ্রা এম.তি ২৯৩.৩৪ লৈশিনখিবা অদুগা য়েংনবদা ২০.১২.২০২০ ফাওবদা কর্নাতকা অমসুং তামিল নাদুগী লৌমী ৩৯৬১দা কান্নবা পীদুনা লুপা করোর ৫২.৪০গী এম.এস.পি. ওইবা য়ুবী অকংবা এম.তি. ৫০৮৯ লৈশিনখ্রে। খ্বাইদগী য়াম্না পুথোকপা রাজ্য অয়াম্বদা য়ুবী অকংবা অমসুং উরাদকী ওইনা মমলশিং অসি এম.এস.পি.গী মথক্তা লৈরি। খারিফকী হৱাইশিং অমসুং থাও শুংবদা শিজিন্নবা মরুশিং ফংবগী মতুং ইন্না মরী লৈনবা রাজ্যশিংনা লেপচবা তারিক্তগী হৌদুনা মরী লৈনবা রাজ্য/য়ু.তি. সরকারশিংনা লৈশিনবগী থবক পাংথোক্নবা মথৌ তাবা থৌরাংশিং লৌখৎপা হৌখ্রে।
![3.JPG](https://static.pib.gov.in/WriteReadData/userfiles/image/image0036XZZ.jpg)
এম.এস.পি.গী মখাদা লশিং মরু (কপাস) লৈশিনবগী থবক থৌরমশিং অসি পঞ্জান, হরিয়ানা, রাজস্থান, মধ্য প্রদেশ, মহারাস্ত্র, গুজরাত, তেলঙ্গনা, অন্ধ্ প্রদেশ, ওরিশা অমসুং কর্নাতকা রাজ্যশিং অসিদা মপুং ফানা চত্থরি। ২০.১২.২০২০ ফাওবদা লুপা করোর ১৭০৯০.৫৮ ওইবা লশিংগী বেল ৫৮৩৫০৪০ লৈশিন্দুনা লৌমী ১১২৫৮৫৭তা কান্নবা পীখ্রে।
![4.JPG](https://static.pib.gov.in/WriteReadData/userfiles/image/image0048Q73.jpg)
****
(Release ID: 1682540)
Visitor Counter : 103