মাইনোরিতী এফিয়র্সকী কেন্দ্রগী মন্ত্রী শ্রী মুখতার অব্বাস নগবীনা ঙসি রামপুর (য়ু.পি.)দা “হুনার হাত”না সরকারনা “লৌশিং লৈবশিং শৌগৎপা” অমসুং “খুৎহৈবশিং থৌগৎপা” ঙম্নবগী কান্নরবা মিসন অমা ওইরে হায়না ফোঙদোকখি।

রামপুর (য়ু.পি.)গী নুমাইশ গ্রাউন্দ, পনবাদিয়াদা দিসেম্বর ১৮দগী ২৭, ২০২০ ফাওবা পাঙথোক্নবা শিল্লিবা “হুনার হাত”গী মাংঙোইননা প্রেস কনফরেন্স অমদা ৱা ঙাংলদুনা, শ্রী নগবীনা হায়খি “হুনার হাত”না “আত্মানির্ভর ভারত”কী হোৎনরিবা অসি থুংহনবদা নত্তনা থবক চাউনা পীবতা নত্তনা লৈবাক অসিগী কাচিন-কোয়াদগী লাক্লিবা মমিং লৈরবা খুৎহৈবশিং অসিদা থবক্কী খুদোংচাবশিং ফংহন্নবা কান্নরবা প্লেৎফোর্ম অমা ওই হায়বা উৎখি।

শ্রী নগবীনা হায়খি রামপুরগী “হুনার হাত” অসি রোদ ত্রান্সপোর্ত এন্দ হায়ৱেজ অমসুং মাইক্রো, স্মোল এন্দ মীদিয়ম ইন্তর্প্রাইজেসকী কেন্দ্রগী মন্ত্রী শ্রী নিতিন গদকারীনা হয়েং দিসেম্বর ১৮দা শঙ্গাগনি। খাদি এন্দ বিলেজ ইন্দস্ত্রীস কম্মিসন চিয়রমেন শ্রী বিনে কুমার সক্সেনা; উত্তর প্রদেশকী খাদি এন্দ বিলেজ ইন্দস্ত্রীস অমসুং এম.এস.এম.ই.গী কেবিনেৎ মিনিস্তর শ্রী সিধার্থ নাথ সিংহ অমসুং জল শক্তিগী কেন্দ্রগী মন্ত্রী শ্রী বালদেব সিংহ আউলাখনা অথোইবা মীথুংলেনশিং ওইগনি।

শ্রী নগবীনা হায়খি “হুনার হাত”না মমিং লৈরবা খুৎহৈরবশিং অমসুং ক্রাফমেনশিংগী লমদম অসিদা শাজবা পোত্থোকশিং া  ্রাফমেনন্দ্র মোদীগী মিসন ওন্দ মনগব প্রধান মন্ত্রী শ্রী নরেন্দ্র মোদীগী মিসন ওইরিবা “আত্মা নির্ভর ভারত”গী মিসন অমসুং “ভোকেল ফোর লোকেল”গী হোৎনবা অসি মপাঙ্গল কনখৎহন্নবা কান্নরবা প্লেৎফোর্ম অমা ওই হায়বা উৎখ্রে।

লৈবাক শিনবা থুংনা শিল্লিবা তোঙান তোঙানবা হুনার হাতনা রামপুরগী খুৎহৈবশিং অমসুং ক্রাফমেনশিংদা খুদোংচাবা ফংহনখি, অদুবু হৌজিক্তি হুনার হাত অসি রামপুরদা য়ৌরক্লে। লৈবাক অসিগী তোঙান তোঙানবা মফম কয়াদগী লাকপা খুৎহৈবশিং অমসুং ক্রাফমেনশিংনা মখোয়গী তোপ-তোপ্পা লমদম অসিগী ওইবা খুৎনা শাবা পোত্থোকশিং পুদুনা মফম অসিদা লাক্লি।

শ্রী নগবীনা হায়খি অমরোমদা মমিং লৈরবা খুৎহৈবশিংগী লমদম অসিদা শাজবা পোত্থোকশিং অসিনা রামপুরগী হুনার হাতগী মরু ওইবা মীৎয়েংফম ওইরি, নাকল অমদনা মীয়াম্না “হুনার হাত”তা লৈবাক অসিগী তোঙান তোঙানব মফমশিংগী নাৎকী ওইবা চীঞ্জাকশিংসু চাবা ফংলগনি। মসিগী মহক্তা নুমিৎ খুদিংগী শকনাইরবা কলাকারশিংনা “জান ভি, জহান ভি” হায়বা হিরমদা পাঙথোক্কদবা তোঙান তোঙানবা নাৎকী ওইবা প্রোগ্রামশিং উৎক্কদবা অসিনা মরু ওইবা মীৎয়েংফম ওইরগনি। মসিগী “হুনার হাত” অসি তোঙান তোঙানবা জাতিশিংগী মরক্তা নুংশি চানবগী অমদি লৈবাক অসিগী “য়ুনিতী ইন দাইভর্সিতী” মীকুপশিং ওইরগনি।

উত্তর প্রদেশ, রাজস্থান, দিল্লী, নগালেন্দ, মধ্য প্রদেশ, মনিপুর, বিহার, অন্ধ্র প্রদেশ, ঝর্খান্দ, গোৱা, পঞ্জাব, উত্তর খন্দ, লদাখ, কর্নাতকা, গুজরাত, হরিয়ানা, জম্মু-কাশ্মির, ৱেস্ত বেঙ্গল, মহারাস্ত্র, চান্দিগর, তামিল নাদু, কেরেলা অমসুং লৈবাক অসিগী অতোপ্পা মফমশিংদগী মমিং লৈরবা খুৎহৈবশিং অমদি ক্রাফমেনশিংনা উ, পিথ্রাই, ৱা, লিক্লি, ফী, চে, লৈবাক অসিনচিংবশিংবনা শাবা লমদম অসিগী পোত্থোকশিং পুদুনা লাক্লে হায়না শ্রী নগবীনা হায়খি।

শ্রী নগবীনা হায়খি রামপুরগী “হুনার হাত” অসিদা মফম অমা খক্তদা ফজরবা য়োংখমগী পোত্থোকশিং, উ অমদি লৈবাক্কী শান্নপোৎশিং, পোস্তেল পেন্তিং, মেতল ক্রাফ, খাদিগী পোত্থোকশিং, রামপুরিগী থাং, রামপুরিগী ভাইওলিন, ব্লেক পোত্তরী, হর্বেলগী পোত্থোকশিং, লৈ অকংবশিং, উগী য়োৎকী হেন্দিক্রাফ, ওইল পেন্তিং, য়োৎকী আর্ত ৱার্ক, বাঘ প্রিন্ত, লী অমসুং ৱাগী পোত্থোকশিং ফংগনি।, উ পোত্থোকশিং, লৈ অকংবাতিং, য়ম ওইরগনিলমদম

দিসেম্বর ১৮ অমসুং ১৯দা রামপুরগী “হুনার হাত”তা সুশিল জি মহারাজনা “শ্রী রাম রাজ্য”গী হিরমদা পুক্নিং শুমহৎনিংঙাই ওইরবা রামলীলা উৎকনি। মসিগী মথক্তা রেখা রাজ অমসুং প্রেম ভতিয়া (দিসেম্বর ২০); ভুপেন্দ্রা সিংহ ভুপ্পি (দিসেম্বর ২০); স্মিতা রাও বেল্লুর (দিসেম্বর ২১); অস্লম সব্রি (দিসেম্বর ২২); শিবানি কেশ্যপ (দিসেম্বর ২৩) অসিগুম্বা ঈশৈ নোংমাইগী অমদি অতোপ্পা কলাগী লম কয়াগী মমিং লৈবা কলাকারশিংনা নুমিৎ খুদিংগী “হুনার হাত”তা শিল্লিবা তোঙান তোঙানবা নাৎকী ওইবা প্রোগ্রামশিংগা লোইননা অয়েংবা মীয়ামদা থৌগৎ তৌগনি। দা. অনামিকা অম্বার, পোপুলর মেরাথি, দা. সুনিল জোগী, দা. সুরেশ অৱাস্থি, নিখাৎ অমরোহবি, শামভু শিখার মনভীর মধুর, দা. সরিতা শর্মা, মঞ্জর ভোপলি, সুদীপ ভোলা অমসুং গজেন্দ্র সোলানকি অসিগুম্বা শকনাইরবা কবীশিংনা অয়েংবা মীয়ামগী পুক্নিং শুমহৎকদবা “কবী সম্মেলন” দিসেম্বর ২৭তা পাঙথোক্কনি।

শ্রী নগবীনা হায়খি রামপুরগী “হুনার হাত” অসি ভর্চ্যুএল ওইনা অমসুং ওনলাইন প্লেৎফোর্ম http://hunarhaat.org.দাসু ফংগনি। লৈবাক অসিগী মীয়াম্না অমসুং মপালদগী “হুনার হাত”কী প্রদক্তশিং অসি দিজিতেল ওইনা অমসুং ওনলাইন্দা লৈবসু য়াগনি

শ্রী নগবীনা হায়খি হৌখিবা চহি ৫ অসিদা ভারতকী খুৎহৈবা, ক্রাফমেন, কলিনরী এক্সপর্তশিং অমসুং মসিগা মরী লৈনবা অতোপ্পা মীওই লাখ ৫গী মথক্তা “হুনার হাত”না থবক ফংহনখ্রে অমদি থবক্কী খুদোংচাবশিং ফংহনখ্রে, লোইননা মীয়াম্না পাম্নবা ওইরক্লি।

মথংগী “হুনার হাত” অসি “ভোকেল ফোর লোকেল” হায়বা হিরম অসিদা জনুৱারী ২২দগী ৩১, ২০২১ ফাওবা লক্ষনৌ (য়ু.পি.)গী শিল্প গ্রামদা পাঙথোক্কনি।

শ্রী নগবীনা হায়খি মতুং তারকপদা “হুনার হাত” অসি জয়পুর, চান্দিগর, ইনদোর, মুম্বাই, হায়দ্রবাদ, ইন্দিয়া গেৎ -নই দিল্লী, রঞ্চি, কোতা, সুরৎ/অহমেদবাদ, কোচি অমসুং অতোপ্পা মফমশিংদা পাঙথোক্কনি।

*****

(রিলিজ আই.দি.: 1681770) ভিজিতর কাউন্তর : 128