কমর্স অমসুং ইন্দস্ত্রী মন্ত্রালয়

এ.পি.ই.দি.এ.না বরানাসিগী লমদমদগী চেংগী কনসাইনমেন্ত শিপ তৌনবা প্লেৎফোর্ম অমা পীখ্রে

Posted On: 17 DEC 2020 11:23AM by PIB Imphal

উত্তর প্রদেশকী দনদৌলি অসি গেঞ্জেতিক প্লেমগী লৈহাও ফবা লমশিং ওইবনা বাউল ওফ রাইস “উত্তর প্রদেশকী ধান কা কোরা” হায়না মমিং চৎলি।

বরানাসিগী লমদমদগী মপালদা চেং থাদোকপা ঙম্বা অসি য়েংলগা, এ.পি.ই.দি.এ.না ভারতকী মমিং লৈবা এক্সপোর্তরশিংগা খুৎশম্নখ্রে অমসুং বরানাসিগী লমদমদগী চেংগী কনসাইনমেন্ত শিপ তৌনবা প্লেৎফোর্ম অমা পীখ্রে। সন্দাহারহুআ রিঙ্গ রোদকী ইন্তরসেক্তিং পোইন্ত সিন্ধোরা রোদ অন্দর পাস, বরনাসিদা দিসেম্বর ১৬, ২০২০দা রিজনেলগী ওইবা চেংগী কনসাইনমেন্তগী লমথাবগী থৌরম অমা পাঙথোকখি। রিজনেলগী ওইবা চেং এম.তি. ৫২০গী কনসাইনমেন্ত অসি এ.পি.ই.দি.এ.গী চিয়রমেন দা. এম. অঙ্গামুথু অমসুং বরানাসিগী দিবিজনেল কম্মিসনর শ্রী দীপক অগর্ৱালনা লমথাখি। প্রোগ্রাম অসিদা এ.পি.ই.দি.এ.গী সেক্রেতরী দা. সুধান্সু, এ.পি.ই.দি.এ.গী এ.জি.এম. দা. সি.বি. সিংহ, বরানাসিগী এগ্রিকলচরগী দিরেক্তর অমসুং রাজ্যগী হোর্তিকলচর অমসুং এগ্রিকলচর বিভাগ, এগ্রি মার্কেতিং অমসুং এগ্রি ফোরেন ত্রেদকী বিভাগকী অতোপ্পা ওফিসিএলশিংনসু শরুক য়াখি।

http://static.pib.gov.in/WriteReadData/userfiles/image/image001X6FO.jpg

অসিদা ৱা ঙাংলদুনা  এ.পি.ই.দি.এ.গী চিয়রমেননা হায়খি বরানাসিগী লমদমদগী চেং মপাল লৈবাক্তা থাদোকপা ঙম্বা হেনগৎলক্লিবা অসি য়েংলগা, এ.পি.ই.দি.এ.না মরী লৈনবা স্তেকহোল্দর পুম্নমক্না অকক্নবা মতমগী মনুংদা মথৌ তাবা খোঙথাংশিং লৌখৎতুনা পান্দম ফংবা ঙম্নবা বরানাসিগী লমদমদগী চেং মপালদা থাদোকপা হেনগৎহন্নবা পর্সপেক্তিব এক্সন প্লান অমা শেম্লগনি।

বরানাসিগী দিবিজনেল কম্মিসনরনা রাজ্য সরকারগা লোইননা পুথোক্লিবা মফম খঙদোক্তুনা, লৌমীশিং, এফ.পি.ও.শিং. এক্সপোর্তরশিং, এসোসিএসনশিং অমসুং অতোপ্পা স্তেকহোল্দরশিং পুনশিন্নবা প্লেৎফোর্ম শেমদুনা বরানাসি দিবিজনদগী রিজেনেলগী ওইবা চেং প্রমোৎ তৌনবা হোৎনগনি হায়না ফোঙদোকখি।

কনসাইনমেন্ত অসি এম/এস সুখবির এগ্রো ইনর্জী লিমিতেদনা এক্পোর্ত তৌখি। কম্পনী অসিনা অহানবা ওইনা এম.তি. ৫২০ বরানাসিদগী কাতারদা শিপ তৌরি।

য়েংশিন মীফম অমা বরানাসিগী কম্মিসনর অমসুং এ.পি.ই.দি.এ.গী চিয়রমেননা পুন্না চিয়র লৌদুনা পাঙথোকখি হায়রিবা অসি মরী লৈনবা এজেন্সী পুম্নমক্না শরুক য়াখি। প্রোজেক্ত অসিগী খুমাং চাউশিনবা অদু য়েংশিনখি অমসুং মরী লৈনবা এজেন্সীশিংনা অকক্নবা মতমগী মনুংদা এক্সন প্লান অসিগী মতুং ইন্না থবক-থৌরমশিং পাইখৎনবা য়াথংসু পীখি।

নুমিৎ অদুদা এ.পি.ই.দি.এ.গী চিয়রমেননা রাজা কা তলাবকী পেরসিসেবল কম্প্লেক্সকী সেন্তরদা চৎখি অমসি এ.পি.ই.দি.এ.না শকখঙনবা পেকহাউসকী ফেসিলিতী অসি অপগ্রেদ তৌনবগী থৌরাংগী মতাংদা খন্নখি। মখা তানা বরানাসিগী ইন্তরনেস্নেল রাইস রিসর্চ ইন্সতিত্যুততা বিজিৎ অমা শিনখি। এ.পি.ই.দি.এ.গী চিয়রমেননা বাস্মতি নত্তবা চেং মখলশিং প্রোফাইলিং অমসুং চেংগী ভেল্যু-এদেদ প্রদক্তশিং দিবেলপ তৌনবগী মথৌ তাবা থৌরাংশিংগী মতাংদা খন্নখি। মহাক্না আই.আর.আর.আই.না অথুবা ফুদ তেস্তিং লেব এন.এ.বি.এল.গী এক্রেদিৎ ফংদুনা এ.পি.ই.দি.এ.না শকখংনবা ফোঙদোকখি অসুম তৌরগদি বরানাসিদগী মপালদা থাদোকপগী ফুস প্রদক্তশিংগী সেম্পলশিং অদু অতোপ্পা মফমশিংদা তেস্ত তৌনবা থাবগী মহুৎ মফম অসিদা অদুমক তৌবা য়ারগনি।

মতুং তারকপদা বরানাসিগী তুরেলগী হীথাংফমদা বিজিৎ অমা চৎখি। হীথাংফম অসিদগী কোলক্তাদা শিপমেন্তশিং থারবা মতুং মদুদগী বাংগ্লাদেশ অমসুং খা নোংপোক এসিয়াগী লৈবাকশিংদা শিপমেন্ত তৌনবগী থৌরাং তৌরিবা অদুগী ফীভম য়েংশিনখি। এ.পি.ই.দি.এ.গী চিয়রমেননা তুরেলগী হীথাংফমগী ওথোরিতীনা থানবগী অরোইবা তেক্নিকেল ভাইএবিলিতী অদু খঙলবা মতুংদা শিপমেন্ত খরা হৌনবা খোঙথাং পুম্নমক লৌখৎকনি হায়না ফোঙদোকখি।

 

******



(Release ID: 1681467) Visitor Counter : 20