پوسٹ کرنے کی تاریخ:
16 DEC 2020 3:34PM by PIB Delhi
نئی دلّی ، 16 دسمبر / وزیر اعظم نریندر مودی کی صدارت میں اقتصادی امور کی کابینہ کمیٹی نے گنا کسانوں کے لئے تقریباً 3500 کروڑ روپئے کی امداد کو منظوری دی ہے ۔
سر دست بھارت میں تقریباً 5 کروڑ گنا کسان اور اُن کے لواحقین ہیں ۔ اس کے علاوہ ، تقریباً پانچ لاکھ ورکر چینی ملوں اور متعلقہ سرگرمیوں میں ملازم ہیں اور اُن کا روز گار بھی چینی کی صنعت پر منحصر ہے ۔
کسان اپنا گنا چینی ملوں کو فروخت کرتے ہیں ۔ البتہ ، کسانوں کو چینی مل مالکان سے اپنے بقایہ جات نہیں مل رہے ہیں کیونکہ اُن کے پاس چینی کا اضافی ذخیرہ موجود ہے ۔ اُن کی تشویش کو دور کرنے کے لئے حکومت چینی کے اضافی اسٹاک کو نکالنے کی سہولت فراہم کر رہی ہے ۔ اس سے گنا کسانوں کو ، اُن کی بقایہ جات کی ادائیگی کی جا سکے گی ۔ حکومت اِس مقصد کے لئے تقریباً 3500 کروڑ روپئے خرچ کرے گی اور یہ امداد چینی ملوں کی جانب سے ، اُن کے بقایہ جات اور گنے کی قیمت کے لئے کسانوں کے کھاتوں میں براہ راست جمع کی جائے گی اور یہ مل کے اکاؤنٹ میں جمع کی جائے گی ۔
اس سبسڈی کا مقصد چینی کے سیزن 21-2020 ء کے لئے زیادہ سے زیادہ قابلِ قبول برآمداتی کوٹہ ( ایم اے ای کیو ) کے لئے مختص 60 ایل ایم ٹی چینی کی بر آمدات کے لئے ، اس کے رکھ رکھاؤ ، بین الاقوامی اور ملکی ٹرانسپورٹ ، مال برداری کے چارجز اور بر آمدات سمیت فروخت کے اخراجات کا احاطہ کرنا ہے ۔
اس فیصلے سے پانچ کروڑ گنا کسانوں ، اُن کے لواحقین کے ساتھ ساتھ چینی ملوں اور متعلقہ سرگرمیوں میں ملازم پانچ لاکھ ورکروں کو فائدہ ہو گا ۔
۔۔۔۔۔۔۔۔۔۔
( م ن ۔ و ا ۔ ع ا ۔ )
U. No. 8143