শেনমিৎলোন্দা মন্ত্রীমন্দলগী মীফম (সি.সি.ই.এ.)

চু থাবা লৌমীশিংদা(গন্না কিসান) লুপা করোর ৩,৫০০গী মতেং পীবা মন্ত্রীমন্দলনা অয়াবা পীরে

মতেং অসি লৌমীশিংগী একাউন্তশিংদা হকথেংন্না চঙহনগনি

ৱারেপ অসিনা চু থাবা লৌমী(গন্না কিসান) করোর ৫ অমসুং মখোয়গী ইমুং-মনুংশিং, চিনিগী মিলশিং অমসুং মরী লৈনবা থবকশিং শুরিবা শিন্মী লাখ ৫ কান্নবা পীগনি

Posted On: 16 DEC 2020 3:34PM by PIB Imphal

প্রধান মন্ত্রী শ্রী নরেন্দ্র মোদীনা লুচিংবা কেবিনেত কমিতি ওন ইকোনোমিক এফেয়ার্সনা চু থাবা লৌমীশিংদা(গন্না কিসান) লুপা করোর ৩,৫০০গী মতেং পীবা অয়াবা পীরে।

হৌজিক ভারত্তা চু থাবা লৌমী(গন্না কিসান) করোর ৫ অমসুং মখোয়গী মখা পোন্নবা মীওই কয়া লৈরি। মসিগী মথক্তা, মখোয়গী হিংনবগী লম্বীশিং সুগর ইন্দস্ত্রিগী মখা পোনবা, চিনিগী মিলশিংদা থবক শুবা অমসুং মরী লৈনবা থবকশিং শুরিবা শিন্মী লাখ ৫ রোম লৈরি।

লৌমীশিংনা মখোয়গী চুশিং চিনিগী মিলশিংদা য়োল্লি, অদুবু মিলশিংগী অহেনবা চিনি মরাংকাইনা লৈবদগী চিনিগী মিল মপুশিংনা লৌমীশিংদা মখোয়গী ফংফম থোকপা শেনফমশিং পীদে। মসিগী অৱাবা অসি কোক্নবা, সরকারনা অহেনবা চিনিগী পোৎথোকশিং য়োন্নবদা মতেং পাংলি। মসিনা চুগী পীফম থোকপা শেনফমশিং পীবা ঙমহল্লি। মসিগীদমক সরকারনা লুপা করোর ৩,৫০০ পুথোক্কনি অমসুং চুগী শেন তোল্লিবা মিল মপুশিংগী মহুৎশীন্দুনা লৌমীশিংগী একাউন্তশিংদা শেনফমশিং হকথেংন্না হাপচিনগনি অমসুং করিগুম্বা লেমহৌবা শেনফম লৈরবদি, মদু মিলগী একাউন্তদা হাপচিনগনি।

মসিদা পীরিবা সবসিদি অসিনা পোৎথোক য়োন্নবা হোৎনবদা চঙবা শেনফম হায়বদি পুথোক-পুশিন, শেম-শাবদা চঙবা শেনফম অমসুং ২০২০-২১গী চিনি য়োনবা মতম মনুংদা চিনিগী মিলশিংদা পীবা মেকজিমম এদমিসিবল এক্সপোর্ত কোতা(এম এ ই কিউ)গী মখাদা চিনি ৬০ এল.এম.তি মপান্দা থাদোক্নবা লৈবাক মনুং অমসুং মপান লৈবাকশিংদা পুথোক-পুশিন তৌবদা চঙবা শেনফমশিং কোনশিন্নবা পান্দম থম্লি।

মসিগী ৱারেপ অসিনা চু থাবা লৌমী(গন্না কিসান) করোর ৫ অমসুং মখোয়গী ইমুং-মনুংশিংগী মীওইশিং, চিনিগী মিলশিংদা থবক শুরিবা অমসুং মরী লৈনবা থবকশিং শুরিবা শিন্মী লাখ ৫ কান্নবা পীগনি।

*****



(Release ID: 1681173) Visitor Counter : 54