২০২০গী নবেম্বর ৩০-দিসেম্বর ০৫ ফাওবগী মনুংদা বে ওফ বেঙ্গলদা ‘বুরেবি’ হায়না কৌবা সাইক্লোনিক স্তোর্ম অমগী রিপোর্ত অমা ইন্দিয়ন মেতিওরোলোজিকেল দিপার্তমেন্ত (আই.এম.দি.)গী সাইক্লোনিক ৱার্নিং দিভিজন অসিনা থাদোরকখ্রে৷ রিপোর্ত অদুগী মরু ওইবা ফিচরশিং অদুদি:

অতেনবা লাইফ হিস্ত্ররী:

● ‘বুরেবি’ হায়রিবা সাইক্লোনিক স্তোর্ম অসি ২০২০গী নবেম্বর ২৮দা মখা থংবা অন্দামন সমুদ্র অমসুং খা-নোংপোক থংবা বে ওফ বেঙ্গল অমসুং ইক্বেতোরিয়েল ইন্দিয়ন ওসিনগী তাইনবা মফমশিংদা ইক্বেতোরিয়েল ইস্তর্লী ৱেবদা লো প্রোসর এরিয়া অমা ওইনা হৌরকখি অমসুং তাং ২৯দা খা-নোংপোক থংবা বে ওফ বেঙ্গল অমসুং খা থংবা অন্দামন সমুদ্র অমসুং ইক্বেতোরিয়েল ইন্দিয়ন ওসিনগী তাইনবা মফমশিংদা ৱেল মার্ক লো প্রেসর এরিয়া অমা ওইরকখ্রে৷

● চান্নবা এনভাইরোনমেন্তেল কন্দিসনশিংগী মখাদা ২০২০গী নবেম্বর ৩০দা খা-নোংপোক থংবা বে ওফ বেঙ্গলদা অয়ুক অঙনবদা(পুং ০৫৩০ আই.এস.তি./০০০০ য়ু.তি.সি.)দিপ্রেসন অমা ওইনা ওন্থোকখ্রে৷

● নোংচুপ থংবা মাইকৈলোমদা চৎলদুনা ২০২০গী দিসেম্বরগী তাং ০১দা খা-নোংচুপ থংবা অমসুং খা-নোংপোক থংবা বে ওফ বেঙ্গলগী তাইনবা মফমশিংদা ২০২০গী দিসেম্বরগী তাং ০১গী অয়ুক অঙনবদা দীপ দিপ্রেসন অমা ওইনা য়ৌশিনখি৷

● মতুং তারকপদা মদু নোংচুপ-অৱাংনোংচুপ থংবা মাইকৈদা চৎখি অমসুং ২০২০গী দিসেম্বরগী তাং ০১গী নুমিদাংৱাইরমদা (পুং ১৭৩০ আই.এস.তি./১২০০ য়ু.তি.সি.) খা-নোংচুপ থংবা বে ওফ বেঙ্গলদা সাইক্লোনিক স্তোর্ম ‘বুরেবি’ ওইনা ওন্থোকখ্রে৷

● নোংচুপ-অৱাংনোংচুপলোমদা মখাতানা শিৎলদুনা মসিনা সাইক্লোনিক স্তোর্ম অমা ওইনা পুংদা কি.মি. ৮০-৯০গী মেক্সিমম সস্তেন্দ ৱিন্দ স্পিদকা লোইননা পুংদা কি.মি. ১০০ য়ৌনা শিৎতুনা ২০২০গী দিসেম্বর তাং ০২গী পুং ২২৩০ অমসুং ২৩৩৯গী(১৭০০ অমসুং ১৮০০ য়ু.তি.সি.)মনুংদা লেতিচুদ ৮.৮৫°এন অমসুং লোঙ্গিচুদ ৮১.০°ই কা নক্ননা ত্রিনকোমেলীগী অৱাং থংবা শরুক্কা নক্ননা শ্রী লঙ্কাগী সমুদ্র মপান লান্থোকখি৷

● শ্রী লঙ্কাগী অৱাংথংবা শরুক্তা চৎলদুনা দিসেম্বর তাং ০৩গী অয়ুক অঙনবদা গল্ফ ওফ মন্নরদা ফাওদোরকখ্রে অমসুং নুংথিলগী মতমদা(পুং ১১৩০ আই.এস.তি./০৬০০ য়ু.তি.সি.) পম্বনগা নক্ননা সেন্তর ওইদুনা লৈখি৷ তাং ০৩গী য়ু.তি.সি. ০৮০০ অদুৱাইদা পম্বনগী মফম লান্থোকখি৷ মখাতানা নোংচুপ-অৱাংনোংচুপ থংবা মাইকৈদা শিৎলদুনা হায়রিবা মফম অসিমক্তদা দিসেম্বরগী তাং ০৩গী নুমিদাংৱাইরমদা (১২০০ য়ু.তি.সি.) দীপ দিপ্রেসন অমা ওইনা মপাঙ্গল হন্থরকখ্রে৷

● মতুং তারকপদা নুংশিৎকী খোঙ্গেল অদু তপথরকখ্রে অমসুং রমনথাপুরম জিলাগী সমু্দ্র মপানগা নক্ননা লৈরিবা গল্ফ ওফ মন্নরদা পুং ১৮লোমগী চাংদা লেংদনা অদুমক লৈখি অমসুং মখাতানা হায়রিবা মফম অসিমক্তদা দিসেম্বরগী তাং ০৪গী নুমিদাংৱাইরমদা দিপ্রেসন অমা ওইনা মপাঙ্গল হন্থরকখি৷

● মখাতানা পুং ১৮রোম হায়রিবা মফম অসিমক্তদা লেংদনা অদুমক লৈখি অমসুং দিসেম্বরগী তাং ০৫গী নুংথিলগী(পুং ১১৩০ আই.এস.তি./০৬০০ য়ু.তি.সি.) মতমদা ৱেল মার্ক লো প্রেসর অমা ওইনা মপাঙ্গল হন্থরকখি৷

● হায়রিবা সিস্তেম অসিনা নবেম্বরগী তাং ২৯দা লো প্রেসর এরিয়া অমা ওইনা হৌরকপগী মতমদা অন্দামন অমসুং নিকোবর ইথৎশিংগী তোখায় তোখায়দা মফমশিংদা নোং কন্না চুদুনা পাক শন্না নোং তাখ্রে৷ মসিনা মফম খরদা নোং খরা কন্না অমসুং য়াম্না কন্না চুদুনা পাক শন্না নোং চুখ্রে অমসুং দিসেম্বরগী তাং ০২-০৪গী মতমদা তামিল নাদুগী তোখায় তোখায়বা মফমশিংদা নোং য়াম্না কন্না (≥ সি.মি. ২০) চুখি৷

গল্ফ ওফ মন্নরদা সাইক্লোন অসিগী অৱাং-নোংপোক অমসুং অৱাং-নোংচুপ থংবা মাইকৈ অনিমক্তা লৈরিবা এন্তিসাইক্লোন অনি অসিনা মরম ওইদুনা কোল রিজনগা লোইননা মিদলদগী অপ্পর ত্রোপোস্ফেরিক এনভাইরোনমেন্ত মরাং কাইনা লৈবনা মরম ওইদুনা হায়রিবা সিস্তেম অসি পুং ৩৬রোমগী চাংদা লেংদনা লৈখিবনি হায়না প্রিলিমিনরী এনালাইসিস অমনা তাক্লি৷ মখাতনা গল্ফ ওফ মন্নরগী মসিগী লেন্দ-লোক রিজন অসিদা পর্সিস্তেন্স লৈবনা মরম ওইদুনা লেপ্পা লৈতনা নোং চুদুনা গল্ফ ওফ মন্নর অসি ইংহনবনি অমসুং মসিনা মরম ওইদুনা সমুদ্রগী মফম অসি ইংহনবনি৷ মখাতানা ৱিন্দ শিয়র হেঙ্গৎলকপা অমসুং কংফালগী শরুক্কা থেংনরকপা অসিনা নুংশিৎ অসি মপাঙ্গল শোন্থরকপনি৷

সিস্তেম অসি য়েংশিনবা

সিস্তেম অসি ত্রেক তৌনবা অমসুং ত্রেক, ইন্তেন্সিতী, ক্রোসিং পোইন্ত অমসুং মতম, সেবিয়র ৱেদর অমসুং এদভার্স ইমপেক্ত অসিগা লোইননা অমসুং মরী লৈনবা কেন্দ্র অমসুং রাজ্য দিজাস্তর মেনেজমেন্ত এজেন্সীশিং অসিদা সজেস্তেদ এক্সনশিং ফোংখিবা, প্রিন্ত অমসুং ইলেক্ত্রোনিক মেদিয়া অমসুং প্রজা মীয়াম অসিগা মরী লৈননা চাং নাইনা ৱার্নিং ফংনবা আই.এম.দি.না মহাক্কী লৈরিবা রিসোর্চ পুম্নমক শিজিন্নখ্রে৷ দবল্যু.এম.ও./ই.এস.সি.এ.পি. পেনেল মেম্বর লৈবাকশিংদা চাং নাইবা এদভাইজরীশিং ফোংখ্রে৷ মহাক্কী জেনেসিস, মুবমেন্ত অমসুং এদভর্স ৱেদরগা মরী লৈনবা অদু আই.এম.দি.না একুরেসীগা লোইননা প্রেদিক্ত তৌবা ঙম্লগনি৷

ফোর্কাস্ত পর্ফোমেন্স:

· চয়োলগী সেকেন্দ হাল্ফ(নবেম্বর ২৭- দিসেম্বর ০৩)কী মতমদা খা-নোংচুপ থংবা বে ওফ বেঙ্গলদা সাইক্লোজেনেসিস থোকপা য়াবগী প্রোবেবিলিতী অদু ‘ৱাংনা’ লৈ হায়না নবেম্বর তাং ২৬তা ফোংখিবা এক্সতেন্দেদ রেঙ্গ আউতলুক অসিনা উৎখ্রে৷ তশেংবদি নবেম্বরগী তাং ৩০দা খা-নোংপোক থংবা বি.ও.বি.দা দিপ্রেসন শেমখ্রে৷

· অহানবা পাউ ওইনা নবেম্বরগী তাং ৩০গী অদুৱাইদা ইন্তেন্সিফিকেসন্দগী দিপ্রেসন্দা ওন্থোরকপা য়াবগী প্রোবেবিলিতী অদু ৱাংদুনা (৭৬-১০০%)দা নবেম্বরগী তাং ২৮ অদুৱাইদা খা-নোংপোক থংবা বে ওফ বেঙ্গলদা লো প্রেসর এরিয়া শেম্লবা য়াই হায়না নবেম্বরগী তাং ২৭কী আই.এস.তি. পুং ১১৩০দা ত্রোপিকেল আউতলুক্তা ফোংখ্রে৷ তশেংবদি নবেম্বরগী তাং ২৮দা(আই.এস.তি. পুং ০৮৩০)খা-থংবা অন্দামন সমুদ্রদা লো প্রেসর এরিয়া শেমখ্রে অমসুং তাং ৩০দা (আই.এস.তি. পুং ০৫৩০) খা-নোংচুপ থংবা বে ওফ বেঙ্গলদা দিপ্রেসন অমা ওইনা ওন্থোকখ্রে৷

· নবেম্বরগী তাং ২৯ অদুৱাইদা খা-নোংপোক থংবা বে ওফ বেঙ্গলদা লো প্রেসর এরিয়া অমা শেম্লবা য়াই হায়রিবা ই-পাউ অসি নবেম্বরগী তাং ২৭কী আই.এস.তি. পুং ১৬০০দা ফোংখিবা প্রেস রিলিস অসিদা ফোংদোকখিবনি৷ ৱার্নিং পুম্নমক খুদম ওইনা নো কন্না চুবগী চাং, অকনবা নুংশিৎ, সমুদ্রগী ফিভম অমসুং ঙামীশিংগীদমক এদভাইজরী অদু প্রেস রিলিস অসিদা ফোংখ্রে৷ দিসেম্বর তাং ২ অমসুং ৩দা তামিল নাদু অমসুং পুদুচেরীদা নোং য়াম্না কন্না চুগনি হায়বগী ৱার্নিং অদুসু প্রেস রিলিস অসিদা তাকখ্রে৷ চেন্নাইদা লৈরিবা এরিয়া সাইক্লোন ৱার্নিং সেন্তর অমসুং থিরুবনন্থপুরমদা লৈরিবা সাইক্লোন ৱার্নিং সেন্তরনা অখন্নবা বুলেতিনশিং অদুসু ফোংখ্রে৷

· নবেম্বর তাং ২৭তা ফোংখিবা অহানবা প্রেস রিলিস অসিদা সিস্তেম অসি মখাতানা চাওথোরক্কনি অমসুং তামিল নাদু-পুদুচেরী সমুদ্র মপানলোমদা শিৎচিল্লগনি হায়না তাকখ্রে৷

· দিসেম্বরগী তাং ২গী নুমিদাংৱাইরম অদুৱাইদা ৭.৫-৯.০ দিগ্রী এন.গী মরক্তা শ্রী লঙ্কা সমু্দ্র মপান ফাওদুনা সিস্তেম অসি সাইক্লোনিক স্তোর্ম স্তেজ য়ৌনা চাওথোক্লগনি হায়না তাং ৩০গী পুং ০৯৩০দা ফোংখিবা বুলেতিন অসিনা তাকখ্রে৷ দিসেম্বর তাং ৩গী অয়ুক্তা সিস্তেম অসি গল্ফ ওফ মন্নর অমসুং কোমোরিন এরিয়াদা থোক্লক্লগনি হায়নসু তাকখ্রে৷ তশেংবদি সিস্তেম অসি ২০২০গী দিসেম্বর তাং ২গী ২২৩০-২৩৩০ য়ু.তি.সি.গী মনুংদা ০৮.৮৫ এন অমসুং লোগ ৮১.০গা নক্ননা সাইক্লোনিক স্তোর্ম অমা ওইনা শ্রী লঙ্কা ফাওখ্রে৷ মসি দিসেম্বরগী তাং ৩গী নুংথিলগী মতমদা গল্ফ ওফ মন্নরদা থোক্লকখ্রে৷

· ৱার্নিংশিং অসি মখাতনা অপ্দেতেদ তৌখ্রে অমসুং দিসেম্বর তাং ১গী আই.এস.তি. পুং ০২১০ তাবা মতমদা সিস্তেম অসি দিসেম্বর ৩গী অয়ুক্তা গল্ফ ওফ মন্নর-কোমোরিন এরিয়াদা ফাওদোরক্লগনি অমসুং তামিল নাদু সমু্দ্র মপানলোমদা শিৎচিনখ্রগনি হায়না তাকখিবনি৷ 

· ৱার্নিংশিং অসি মখাতানা অপ্দেতেদ তৌখ্রে অমসুং দিসেম্বর তাং ১গী আই.এস.তি. পুং ১৪৩০ তাবা মতমদা সিস্তেম অসি দিসেম্বর ৩গী অয়ুক্তা গল্ফ ওফ মন্নর অমসুং তাইনরিবা কোমোরিন এরিয়া ফাওরগনি অমসুং দিসেম্বর ৪গী অঙনবা অয়ুক অদুৱাইদা কনিয়াকুমারি অমসুং পম্বনগী মরক্তা লৈরিবা খা থংবা তামিল নাদু সমু্দ্র মপান ফাওরগনি হায়না তাকখিবনি৷

· দিসেম্বর ২গী আই.এস.তি. পুং ১১৩০ তাবা মতমদা সিস্তেম অসি দিসেম্বর ৩গী নুমিৎয়ুংবা অদুৱাইদা পম্বনগা নক্ননা সেন্তর ওইরগনি অমসুং রমনাথপুরম জিলাদা মদুগী ইমপেক্ত অদু দিসেম্বর ৩গী নুংথিল মতমদগী হৌরগনি হায়না মখাতনা তাকখিবা লৈরে৷

(সিস্তেম অসি মাই পাক্না য়েংশিনবদা, প্রেদিক্সন তৌবদা অমসুং ঙন্না ৱার্নিং সর্ভিস ফংহনবদা হোৎনখিবা স্তেকহোল্দর পুম্নমক্কী থৌদাং অদু ইন্দিয়ন মেতিওরোলোজিকেল দিপার্তমেন্ত(আই.এম.দি.) অমসুং আর.এস.এম.সি. ন্যু দিল্লী, আর্থ সাইন্স মন্ত্রালয়না থাগৎখ্রে৷ ঐখোয়না অখন্ননা ইন্দিয়ন স্পেস রিসর্চ ওর্গনাইজেসন(ইসরো) অমসুং পুনেগী ইন্দিয়ন ইন্সতিত্যুত ওফ ত্রোপিকেল মেতিওরোলোজী(আই.আই.তি.এম.), নোইদাগী নেস্নেল সেন্তর ফোর মেদিয়ম রেঙ্গ ৱেদর ফোর্কাস্তিং সেন্তর(এন.সি.এম.আর.দবল্যু.এফ.), চেন্নাইগী নেস্নেল ইন্সতিত্যুত ওফ তেক্নোলোজী(এন.আই.ও.তি.) অমসুং ইন্দিয়ন নেস্নেল সেন্তর ফোর ওসিন ইনফোর্মেসন সর্ভিসেস(আই.এন.সি.ও.আই.এস.) য়াওনা আর্থ সাইন্সে মন্ত্রালয়গী সিস্তর ওর্গনাইজেসন পুম্নমক্না লৌরিবা থৌদাং অদুবু থাগৎপা ফোংদোকচরি৷ সিস্তেম অসি য়েংশিন্নবগীদমক অমসুং প্রেদিক্সন তৌননবগীদমক এরিয়া সাইক্লোন ৱার্নিং সেন্তর্স চেন্নাই, সাইক্লোন ৱার্নিং সেন্তর থিরুবনন্থপুরম অমসুং ন্যুমেরিকেল ৱেদর প্রেদিক্সন(এন.দবল্যু.পি.)দিভিজন, ইনফোর্মেসন সিস্তেম অমসুং সর্ভিসেস দিভিজন(আই.এস.এস.দি.) অমসুং ঐচ.ক্বু. ন্যু দিল্লী ওইরিবা আই.এম.দি.দা লৈরিবা সেতলাইত অমসুং রাদর দিভিজন য়াওনা আই.এম.দি.গী তোঙান তোঙানবা দিভিজনশিং/সেক্সনশিং অসিনা পীরকপা সপোর্ত অদুবু থাগৎপা ফোংদোকচরি৷)

চানবিদুনা সিস্তেম অসিগী মতাংদা লৈরিবা প্রিলিমিনরী রিপোর্ত অদু পুথোকপিয়ু৷ রিপোর্ত অদু আই.এম.দি. ৱেবসাইত অসিদসু https://mausam.imd.gov.in/imd_latest/contents/cyclone.php অমসুং আর.এস.এম.সি. ৱেবসাইত http://www.rsmcnewdelhi.imd.gov.in/images/pdf/publications/preliminary-report/burevi.pdf অসিদসু ফংবিগনি৷

মপুং ফাবা রিপোর্ত অদুগীদমক মফম অসিদা নম্বিয়ু৷

লোকেসন স্পিসিফিক ফোর্কাস্ত অমসুং ৱার্নিংগীদমক মৌশম এপ, এগ্রোমেত এদভাইজরীগীদমক  মেঘদূত এপ  অমসুং নোং খাকপগী ৱার্নিংগীদমক দামিনি এপ দাউনলোদ তৌবিয়ু৷

*****

(Release ID: 1680680) Visitor Counter : 128