ৱল্দ বেঙ্কনা শিন্দুনা কোবিদ-১৯গী মাইয়োক্তা সাউথ এসিয়া ভেক্সিনেসন তৌবা হায়বা হিরম অসিগী মতাংদা ঙসি পাংথোকখিবা ইন্তর মিনিস্তিরিয়েল মীফম অসিদা হকশেল অমসুং য়াইফ য়ুম্বাল মন্ত্রালয়গী কেন্দ্র মন্ত্রী দা. হার্শ বর্ধননা ভিদিও কনফরেন্সিংগী খুৎথাংদা ৱা ঙাংখ্রে৷

কোবিদ-১৯ অসিগী মাইয়োক্তা ভারত সরকার অসিনা লৌখৎলিবা প্রোএক্তিব, প্রিএম্তিব, গ্রেদেদ অমসুং সরকার অমসুং সমাজ অসিগী খোংথাং পুম্নমক অদুগী শন্দোক্না তাক্লদুনা দা. হার্শ বর্ধননা অসুম্না ফোংদোকখ্রে, “কোবিদ লাইনা অসিদা মালেম অসিগী মীয়াম মিলিয়ন অমদা চাংচৎতা ৮,৮৮৩ নাহল্লিবা অসিগী মাইয়োক্তা ভারতনা মিলিয়ন পোপুলেসন অমদা কেস মশিং ৭,০৭৮ লৈহনবা ঙম্লিবসি ভারতকী ইফেক্তিব প্লানিং অমসুং স্ত্রাতিজিক মেনেজমেন্ত অসিননি৷ লাইনা অসিনা মালেম অসিদা শিহল্লিবা মশিং অদু চাংচৎতা ২.২৯%নি অমসুং মসিদগী তাথনা ভারততা লাইনা অসিনা শিহল্লিবগী চাং অদু ১.৪৫%নি৷”

কোবিদ ভেক্সিনেসন পাংথোক্নবা প্রোফেস্নেলশিংগী পাক চাওরবা নেতৱর্ক অদু শিজিন্নদুনা অমসুং এক্সপরিয়েন্স শরুক য়াদুনা ভারতকী ভেক্সিন দিস্ত্রিব্যুসন এক্সপর্তাইজ, প্রদক্সন অমসুং স্তোরেজ কেপাসিতী অদুগী মতাংদা মহাক্না তিল্লিবা মীয়ামশিং অদুদা মখাতানা ফোংদোকখ্রে৷ “ভারতকী ৱল্দ-ক্লাস রিসর্চ ইন্সতিত্যুতশিং অসিনা কোবিদ-১৯ অসিগী মাইয়োক্তা কেম্পেন্দ অসি পাংথোকখ্রে অমসুং ভেক্সিন অসি পুথোক্নবা, য়েন্থোক্নবা অমসুং চলাইনবগীদমক কেপাসিতী বিল্দিং লৈহন্নবা হৌজিক হৌজিক য়াম্না কন্না হোৎনরি৷ গ্লোব্লেল্লী ওইনা ভেক্সিন কেন্দিদেৎ ২৬০ তোঙান তোঙানবা দিভেলপমেন্তগী স্তেজতা লৈরে৷ মসিগী মনুংদা ইন্দিজিনিয়র্স ৩ য়াওনা ৮দি ভারততা শেম্ননবা মতম লেপখ্রে৷ পব্লিক অমসুং প্রাইভেৎ অনিমক্তা ইন্দিয়ন এন্তিতাইশিং অসিগা ভেক্সিন রিসর্চ পাংথোক্ননবগীদমক ইন্তরনেস্নেল পার্তনরশিং খুদিম ওইনা য়ু.কে.গী ওক্সফোর্দ য়ুনিভর্সিতী অমসুং য়ু.এস.এ.গী থোমাস জেফর্সন য়ুনিভর্সিতী অসিগী সপোর্ত অদু ঐখোয়না শিজিন্নখ্রে” হায়না মহাক্না ফোংদোকখি৷

ভেক্সিন অসি পুথোকপদা য়াওরিবা ফার্মক্যুতিকেল কম্পেনীশিং অসিগী মেনুফেকচরিং ফেসিলিতীশিং অদু য়েংশিন্দুনা, সাইন্তিসশিং অসিবু পুক্নিং থৌগৎপীদুনা অমসুং প্রোসেস অসিবু লাইহন্দুনা ভেক্সিন পুথোকপা অসি হকথেংননা য়েংশিল্লিবা প্রধান মন্ত্রী শ্রী নরেন্দ্র মোদীগী অকনবা পোলিতিকেল কম্মিতমেন্ত অদু ময়ামদা পল্লদুনা মহাক্না অসুম্না ফোংদোকখ্রে, “ভেক্সিন অসি লাক্লিবা চয়োল খরা অসিদা ফংলগনি অমসুং ভেক্সিন অসি মরী লৈনবা রিগুলেতরী এজেন্সী অসিনা এপ্রুব হেক তৌবগা ভারততা ভেক্সিনেসন প্রোসেস অসি হৌরগনি হায়না থাজনরি৷ য়াম্না চেকশিন্না য়েংশিন্দুনা ত্রাইয়েলশিংগী সেফতীদগী হৌদুনা ভেক্সিনশিংগী ইফিকেসী ফাওবদা সাইন্তিফিক অমসুং রিগুলেতরী নোর্মশিংদা কমপ্রোমাইজ তৌদনবা ঐখোয়না হোৎনরি৷”

ভারতকী মিসন ইন্দ্রধনুশ ইম্ম্যুনাইজেসন প্রোগ্রামশিং অসিগী হৌজিক লৈরিবা দিজিতেল ইন্তরভেন্সনশিং অসি কমদৌনা শিজিন্নবগে হায়বা অসিগী মতাংদা অকুপ্পা মরোল অদু দা. হার্শ বর্ধননা ফোংদোকখ্রে৷ মীয়ামশিংবু ভেক্সিনেসনগীদমক সেল্ফ-রেজিস্তর অমসুং মখোয়গী স্তেতস অদু য়েংশিনবা য়ানবা অমসুং ইলেক্ত্রোনিক ভেক্সিনেসন সর্তিফিকেৎকী মতুং ইনবা ক্বু.আর. কোদ অমা ফংহনগদৌরিবা এদভান্স কো-ৱিন দিজিতেল প্লেতফোর্ম অদু ভারতনা শেম্লি৷ সরকার অসিনা হৌজিক ৱাৎলিবা ভেক্সিন অসিগী মতাংদা নৈনখ্রে অমসুং অগমেন্তেসন কেপাসিতীশিং, হেল্থ ইনফ্রাস্ত্রকচর অমসুং ৱার্কফোর্স্কী মতাংদা য়াম্না কন্না হোৎনরি হায়না মহাক্না ফোংদোকখ্রে৷

কোবিদ-১৯ অসি মমাং থানা লান্থেংনরিবা মালেম অসিগী কোরোনা ৱরিয়রশিং অসিগী থৌনা অমসুং কৎথোকপা অদু ইকাই খুম্নবা উৎতুনা মন্ত্রী অসিনা মহাক্কী ৱারোল অদু লোইশিনখি৷

*****