ভারত্তা ইনর্জি ভেলু চেন শীনবা থুংনা ক্বাতরনা শেন থাদবা হেনগৎহন্নবা ঙসি পেত্রোলিয়ম অমসুং নেচরেল গ্যাস অমসুং স্তিলগী মিনিস্তর শ্রী ধরমেন্দ্র প্রধাননা ক্বাতরগী ইনর্জি এফেয়ার্সকী রাজ্য মন্ত্রী অমসুং ক্বাতর পেত্রোলিয়মগী প্রসিদেন্ত অমসুং সি.ই.ও সাদ সেরিদা অল-কাবিগা তেলিফোন্দা ৱারি শানখ্রে। ৱারি শানবা অসি দিশেম্বর ৮দা প্রধান মন্ত্রী শ্রী নরেন্দ্র মোদীনা ক্বাতরগী অমির সৈখ তামিন বিন হামাদ অল-থানিগা ৱারি শানখ্রবা মতুংদা মখা চৎথরকপনি।

এল.এন.জি অমসুং এল.পি.জি মরাংকাইনা পীনবা ক্বাতরনা লৌরিবা থৌদাং অদু মিনিস্তর প্রধান্না অমুক হন্না পনখি। ইনর্জিগী লমদা লৈবাক অনি মখা তানা মতেং পাংনবা হেনগৎহনবা অমসুং লৈবা-য়োনবগী মরীগী মথক্তা লৈবাক অমনা অমদা শেন থাদবা য়াওনা অপুনবা মরী অমা থম্নবা হায়না নাকল অনিনা য়ানখি।

ক্বাতরনা শেন থাদরক্নবা ভারতকী ইনর্জি সেক্তরগী অকক্নবা প্রোজেকশিং মশক খঙদোক্নবা ক্বাতর পেত্রোলিয়মগী ভাইস-প্রসিদেন্ত অমসুং পেত্রোলিয়ম মিনিস্ত্রিগী সেনিয়র ওফিসার অমনা মহুৎশীনবা ইনর্জিগী তাক্স ফোর্স অমা লিংখৎপা হায়না মিনিস্তর অনিনা য়ানখি।

*****